Jenesis 3:7 - Buka Blahi Ka Cheke Holo

⁷ Eghuteuna tathadi repa re ne funu thofra, aonu repa ne laseni te soesole na ne susuki fodu khakla gaju fig re ne pipichi.

Jenesis 3:7 Iomraidhean Croise

Jenesis 2:25

Mae nalhaꞌu ghe khetogna igre repa neke soesole, nu repa neke theome mamaja neku.

Jenesis 3:5

Jame te ghamu ghopa sisi gna gaju igne na, tathami ghopa re ginauna na thofra fakeli, eghuteuna ghopa ginauna na laseni unha te keli na nei laseni unha te diꞌa na eghu, eghuteuna ghopa ginauna na lalase fara jateula God eghu. God na laseni igne, naugna igne mana lhotini ka ghopa te ghamu sisi gna gaju igne na.”

Fapea Kings 6:20

Kate tei ruma mare ka namono biꞌo igne, mana ne tarai eghu, “Lord, iagho tothora tathadi mae igre.” Aonu God ne tothora tathadi mae igre neke tangomana mare teke fifilo na. Nu ka teke phae mare tathadire, mare auhi Samaria.

Profet Isaia 28:20

Ghotilo ginauna na jateula ihei te fariuriu thuru ka sape te sokmo ia eghu, ba fariuriu totoku ka nabreku pohe te ikoi fara ra eghu.

Profet Isaia 47:3

Eghuteuna naiknore ginauna filoni te soesole iagho na, eghuteuna iagho ginauna mamaja nou fara. Babilonia! Iara ginauna nake tughu fapulo glepo diꞌa teke edi iaghora, eghuteuna theo kaisei naikno nate fanagri ghau iara na.”

Lamentations 1:8

Jerusalem gne jateula gaꞌase te gnognoro fara ra eghu, eghume naꞌa theome gae ka tathagna God na. Naꞌa soesole kolho, eghuteuna naiknore thofno cheke faparini naꞌa. Naꞌa pophoru tathagna re balu diꞌanagnafa nei tanhi, naugna naꞌa ne mamaja nogna fara.

Luku 16:23

Nu God ne kuruni mae te dedei ne tei ka vido aheva te au naikno te lehere ne au papara fara jare. Mae dedei ne filo gaꞌuni mae Ebraham balugna mae Lasaros.

Ululahu Korin 12:23

Eghuteuna vido ka thinida ne theome glepo biꞌo teu tahati igre, igre ngala te mala thofno filo fakelidi tahati re. Eghuteuna vido te mamajadi tahati igre ngala te mala pipichi fakelidi tahati re.

Diutronomi 28:34

Ghotilo ginauna na ghilei noli kate filodi ghotilo glepo te diꞌa te au faligoho ghami ghotilo re.

Jajis 3:2

Mana eni igne, mala farirhiudi naiknodi Israel iheire teke theome magra tifa ra mala laseni magra na.