Jenesis 3:3 - Buka Blahi Ka Cheke Holo

³ Nu kaisei gaju te kegra farihotei gna nagare igne ngala God te lhotini ka ghepa te mala ghamu sisigna na. Eigna God neke cheke eghu ka ghepa, ‘Ghopa thosei ghamu sisi gna gaju igne, nei jaola thosei habo lao tagna eghu, na eghunu lehe ghopa eghu.’ ”

Jenesis 3:3 Iomraidhean Croise

Jenesis 20:6

Aonu God ne cheke eghu ka mae Abimelek ka mifi na, “Uve, iara lase nigho iagho neke eni puhi igne ka gaoghatho te doglo. Eghume iara neke theome snakre nigho iagho te mala thuru balugna gaꞌase igne na. Eghuteuna iara jaola theome snakre nigho iagho te tapla jafra ka nakhibo ka tathagu iara na.

Jenesis 3:2

Gaꞌase na ne cheke eghu ka mogo na, “Ghepa tangomana te ghamu sisidi gaju te gnafa ke lamnagna nagare igne.

Jenesis 3:4

Nu mogo na ne cheke eghu ka gaꞌase na, “Theo, cheke God igne theome tutuani, ghopa ginauna na theome lehe.

Ululahu Kronikols 16:22

Mana neke cheke eghu ka hatimare mae king, “Ghotilo thosei goigonidi naikno teke vavahi iara gre, eghuteuna ghotilo thosei eni kaisei glepo te diꞌa ka nogu mae profet iara gre.”

Thoutonu Eigna Mae Job 1:11

Nu jame hata fadelei iagho gobigna lepo igre ka mana meuna, mana ginauna cheke fadiꞌa nigho ka tathamu iagho na!”

Thoutonu Eigna Mae Job 19:21

“Ghotilo thilo mae kheragu iara ra, kokhoni ghau iara, naugna God na la tapo ghau iara.

Thoutonu Eigna Mae Job 2:5

Nu jame tei iagho te goigoni thinigna mana na, mana ginauna cheke fadiꞌa nigho ka tathamu iagho na.”

Ululahu Korin 7:1

Gognaro na iara magnahaghei te cheke tughudi unha teke riso mei ghotilo ka iara ra. Ulu lahu na, te keli na mae nalhaꞌu na thosei thuru balugna kaisei gaꞌase.

Fapea Korin 6:17

Naugna igne Lord ne cheke eghu, “Lisa laodi naikno tuare, eghuteuna ghotilo mala au fadelei ka mare. Ghotilo mala thosei haboni kaisei glepo te thona ka tathagu iara na. Jame te leghuni ghotilo igne na, iara ginauna gleale'a mala hata ghami ghotilo.”