Jenesis 3:16 - Buka Blahi Ka Cheke Holo

¹⁶ Aonu God ne cheke eghu ka gaꞌase na, “Iagho ginauna na para nigho fara kate bukla na. Eghuteuna iagho ginauna na kabru gheu fara kate karha gna sua na. Neuba iagho ne au papara, iagho ginauna na magnahagheni fara khetomu na, eghuteuna mana ginauna na funei fruni nigho iagho.”

Jenesis 3:16 Iomraidhean Croise

Jenesis 4:7

Jame te loku fakeli iagho na, iara ginauna na ghatho tahu nigho, nu jame te loku fadiꞌa iagho na, u nakhibo na ginauna na kaikalitiu te mala goigoni nigho iagho na. Eigna u nakhibo na magnahaghei te tapla fapari nigho iagho. Nu thosei snakreni nakhibo na me mala funei fruni nigho eghu.”

Ululahu Kronikols 4:9

Kaisei mae nanghagna na mae Jabes, gaoghathogna Jabes teu igne, kabru eghu. Eghuteuna nangha igne neke fangangha idogna na ka teke kabru kate karhagna mana na. Naiknore ghatho tahuni mana ke uludi thabusigna manare.

Nogna Buka Esta 1:20

Kate nomhini vetula majaghani igne, goro gaꞌase te gnafa te au ke lamnadi phei kantri igre ginauna ghatho tahudi khetodire. Eghume ginauna, neubane khetodi hatimare mae funei ba fiti mae kolho, rehati ginauna na jaola ghatho tahudi khetodire.”

Nodi Khoje Hatimare Mae Jiu 48:6

Mare ne bobolo nodi fara balu khabru biꞌo jateula gaꞌase te namo karha sua ra neu.

Profet Isaia 13:8

Mare ginauna kafe mhaghu nodi fara, eghuteuna mare ginauna kabru ghedi fara, jateula gaꞌase te namo karha sua ra eghu. Kate mhaghu te salaꞌui na, mare ginauna filo ka thedi, eghuteuna tathadi nei foflodi teure ginauna ukru jateula khaꞌaghi eghu.

Profet Isaia 21:3

Iara thofno kabru ghegu fara jateula gaꞌase te namo karha sua ra eghu kate filodi glepo te thono diꞌa fara igre.

Profet Isaia 53:11

Ke leghugna te au papara na, mana ginauna nake gleale'au, naugna mana laseni la mana theome fiti au papara kolho. Puhigna nogu mae gloku iara igne thofno doglo fara, mana ginauna toghodi kmana naikno mala jaola doglo, eghuteuna mana au papara eidi nakhibodi naiknore.

Profet Jeremaea 13:21

Ghotilo neke au nomi gaoghatho nheta te mala loku fodu baludi keha kantri are. Nu unha eghu gaoghathomi ghotilo gognarona kate snakredi Lord naoka re te mei ulu ghami nei funei fruni ghami teu mare igre? Uve, puhi biꞌo fara ginauna mei thoke ghami ghotilo, eghuteuna ghotilo ginauna kabru ghemi fara jateula thau te fakarha sua te kabru ghegna fara ra eghu.

Profet Jeremaea 22:23

Gognarona ghotilo au fakeli nomi ka famane suga te keli teke horo ka gaju sida gna Lebanon. Nu puhi biꞌo ginauna thoke ghami ghotilo. Eghuteuna ghotilo ginauna kabru ghemi tanhi fabiꞌo jateula gaꞌase te kabru kate fakarha sua ra eghu.”

Profet Jeremaea 4:31

Iara ne nomhini kaisei naogla jateula natanhi gaꞌase te namo karha sua majaghani ra neu. Igne nogna natanhi namono biꞌo Jerusalem te kmoꞌe gnafa ne cheke eghu, “Tutuani fara, naoka igre magnahaghei te mei falehe ghau iara!”

Profet Jeremaea 49:24

Damaskas ginauna glaꞌe sukha na rikha. Mare na mhaghu na theome ghaoghatho fakeli. Mare na jateula gaꞌase te kabru ghegna fara kate namo karha thugna ra eghu.

Profet Jeremaea 6:24

Ghotilo naiknomi Jerusalem ginauna cheke eghu, “Tahati nomho thoutonu eidi mare, eghuteuna tahati la mhaghu noda fara la ghilei glaꞌe soru thinidare. Diꞌa nagnafa igne kabru ka nagnafada gre jateula gaꞌase te karha sua ra eghu.

Naba 30:13

Neubane edi ngau gaꞌase gne keha nafnata nhaꞌa cheke re, nalhaꞌu gne au nolaghi te lisani te mala edi naꞌa nogna nhaꞌa cheke re, ba theo teuna.

Jone 16:21

Ghathoni igne. Kate namo karha sua na, gaꞌase na ginauna diꞌanagnafa naugna la thokenihi u narane te mala kabru naꞌa na. Nu kate karha thugna na, naꞌa ginauna nake ghatho ihoni narane teke khabru na, naugna naꞌa ne gleꞌani thugna te karha majaghani.

Ululahu Korin 11:3

Nu iara magnahaghe ghami ghotilo te mala lase fakelini eigna God na pha'ugna Kraes, eghuteuna Kraes na pha'ugna nalhaꞌu eghuteuna nalhaꞌu na pha'ugna khetogna na.

Ululahu Korin 14:34

Kheraguro, te keli na goro gaꞌasere nabadi na mala au kmu kolho kate tarai na. Iara theome snakredi reꞌe te cheke na. Rehati jaola mala theome baubatu. Igne unha te chekeni ka nogna vetula mae Moses na.

Ululahu Korin 7:4

Naugna gaꞌase tholaghi na theome mala funei fruni ni thinigna thegna na, nu mae khetogna na jaola funei fruni ni thinigna naꞌa na. Eghuteuna mae nalhaꞌu na mala theome funei fruni ni thinigna thegna na, nu khetogna na jaola funei fruni ni thinigna mana na.

Kolose 3:18

Ghotilo goro gaꞌasera, leghudi khetomire, naugna ghotilo naikno khiloau.

Ululahu Tesalonika 5:3

Kate chekeni naiknore, “Pharikeli nei nasnagla,” God ginauna ghosei roꞌedi, jateula khabru ghosei te mei ka gaꞌase te namo karha sua ia eghu. Eghuteuna naikno tuare ginauna theome rikha.

Ululahu Timoti 2:13

Naugna te laseni tahati na, God neke kulu vuavuhani mae Adam, eghuteuna ke leghu na ame vuavuhani nga Ivi.

Ululahu Timoti 2:15

Nu God ginauna fakarhidi gaꞌasere kate fakarha sua na. Tutuani, God ginauna fakarhidi reꞌe eghu te fatutuani fabrahu, namha, klino, nei au fakeli fabrahu teu reꞌe ka nakarhadire.

Taetus 2:5

Goro naikno biꞌo are mala farirhiudi goro gaꞌase majaghani are mala reireghi fakelidi reꞌe thedi nei au fakeli eghu, reireghi fakelidi nodi sugare, namhadi nei leghudi eghu puhidi khetodire eghu. Aonu mala theome tangomana kaisei naikno te cheke fadiꞌani u nogna Nonomho te Keli God na.