Jenesis 3:12 - Buka Blahi Ka Cheke Holo

¹² Mae Adam ne cheke eghu, “Uve, gaꞌase mala kheragu iara teku iagho igne ngala teke tusu mei ka iara teke ghamu na.”

Jenesis 3:12 Iomraidhean Croise

Jenesis 2:18

Aonu Lord God ne cheke eghu, “Theome keli mae igne te au sopa thegna na. Iara ginauna na vuavuha kaisei kheragna mana mala toghoni mana.”

Jenesis 2:22

Lord God ne vuavuha kaisei gaꞌase ka gaogaro teke hata fajifla ka mana tuana. Aonu Lord hata ne lao gaꞌase tuana ka mana.

Jenesis 3:11

Lord ne cheke eghu ka mana, “Naugna unha ne laseni nga iagho te soesole na? Mae ihei teke cheke ranghi nigho te mala soesole na? Neke ghamu jau sagho sisi gna gaju teke lhotini iara ka iagho ia?”

Thoutonu Eigna Mae Job 31:33

Kmana naikno fariuriu pophoru nakhibodi re, nu iara theome tangomana te pophoru nakhibogu re.

Proveb 19:3

Puhigna mae te fameomekro na goigonini nakarhagna thegna na. Eghume naugna unha si mana te diꞌatagna ka Lord gnea?

Proveb 28:13

Jame te pophoru iagho nakhibomure, iagho ginauna na theome au fakeli. Nu jame te cheke thakledi iagho nakhibomure, eghuteuna figri tagrudi iagho nakhibo igre teuna, God ginauna kokhoni nigho iagho.

Luku 10:29

Nu mae igne magnahaghei te falalase ka naiknore puhigna thegna te doglo fara na ne cheke eghu, “Mae ihei gne mae kheragu fofodu iara te mala namhani iara na?”

Letas Teke Riso Tei Mae Pol Ka Khiloau Rom 10:3

Mare theome filo glanini puhigna God te mala toghodi naiknore te mala au doglo ka tathagna mana na. Mare fariuriu leghuni kolho unha te magnahagheni thedi na, eghuteuna mare theome snakreni God mala toghodi ka puhi te mala au doglo ka tathagna God na.

Ululahu Samuel 15:15

Mae Sol ne cheke eghu, “Nogu soldia iara igre neke hata nodi famane sipu nei nodi famane buluka eghu naiknodi Amalek mala fafara ka Lord nou God iagho, nu keha glepo re ghehati la goigoni fahuihi.”