Jenesis 3:10 - Buka Blahi Ka Cheke Holo

¹⁰ Mae Adam ne cheke eghu, “Iara ne nomhini nigho iagho te nonolo ka nagare igne ne mhaghu nogu nigho fara ne poru, naugna iara gne ne soesole.”

Jenesis 3:10 Iomraidhean Croise

Jenesis 2:25

Mae nalhaꞌu ghe khetogna igre repa neke soesole, nu repa neke theome mamaja neku.

Jenesis 3:11

Lord ne cheke eghu ka mana, “Naugna unha ne laseni nga iagho te soesole na? Mae ihei teke cheke ranghi nigho te mala soesole na? Neke ghamu jau sagho sisi gna gaju teke lhotini iara ka iagho ia?”

Jenesis 3:7

Eghuteuna tathadi repa re ne funu thofra, aonu repa ne laseni te soesole na ne susuki fodu khakla gaju fig re ne pipichi.

Thoutonu Eigna Mae Job 23:15

Naugna igne te mhaghu nogu fara iara kate ghathoni mana na.

Thoutonu Eigna Mae Job 31:33

Kmana naikno fariuriu pophoru nakhibodi re, nu iara theome tangomana te pophoru nakhibogu re.

Nodi Khoje Hatimare Mae Jiu 119:120

Iara thono mhaghu nogu nigho fara ne ngegra thinigu na. Uve, kate ghathoni iara te fateni iagho naikno na, iara ne mhaghu nogu nigho fara.

Eksodas 20:18

Kate nomhini naiknore te poha fila nei taitanhi khufli nei filoni nakafli nei gagahu te haghe ka thogele na teuna, naiknore ne thono mhaghu nodi fara. Aonu naiknore ne theome lao namo ka thogele na ne khegra neu delei,

Eksodas 20:19

ne cheke eghu ka mae Moses, “Jame te cheke iagho ka ghehati na, ghehati ginau na nomhi nigho iagho. Thosei snakreni God mala cheke ka ghehati na, na eghunu lehe ghehati eghu.”

Eksodas 3:6

Iara nodi God kuꞌemu iagho tifa ra, nogna God Ebraham, nei Isak nei Jekop.” Aonu Moses toku tafru tathagna foflogna re, naugna mana mhaghu nogna fara te filo lao ka God.

Eksodas 32:25

Moses filodi naiknore ne tei tafri kolho, naugna Eron neke theome fariuriu lhotidi naikno igre. Eghume ka tathadi nodi naokare mare mamaja nei thofno fameomekro eghu kolho.

Profet Isaia 33:14

Gognarona naiknodi Jerusalem te leghuni puhi nakhibo na mare nanga nodi nei mhaghu nodi eghu fara, eghuteuna mare neke cheke eghu, “Nogna faefate Lord na jateula khaꞌaghi te brana fara te gnhubra fateo gobigna lepora eghu, eghuteuna theome tangomana kaisei naikno naba te lao au namo rhegna khaꞌaghi igne.”

Profet Isaia 47:3

Eghuteuna naiknore ginauna filoni te soesole iagho na, eghuteuna iagho ginauna mamaja nou fara. Babilonia! Iara ginauna nake tughu fapulo glepo diꞌa teke edi iaghora, eghuteuna theo kaisei naikno nate fanagri ghau iara na.”

Profet Isaia 57:11

“Ghotilo chaghi ghau iara fabrahu, naugna ghotilo mhaghudi fara god te chaichaghi igre. Naugna igne, ghotilo la ghatho iho ghauhi iara. Ba, ne au kmu fabrahu iara neu ne theome ghatho tahu ghau iara si ghotilo ia?

Diutronomi 5:25

Nu, gognarona ghehati theome magnahaghei te lehe ka khaꞌaghi biꞌo igne! Jame te nomhini ghehati naoglagna Lord, nomi God igne keha fata re ghehati ginauna na thofno lehe.

Thakle 16:15

Aonu mae Jisas ne cheke eghu, “Fanomho fakeli! Tutuani, iara ginauna nake pulo mei ka ghotilo ka narane te theome ghathoni ghotilo na jateula kaisei mae te blau te mei ka narane te theome ghathoni naiknore. Mae ihei te tarabana teu teke pulo mei iara na, mana ginauna gleale'a fara kate filo ghau iara na. Mana jateula kaisei mae te ofoni teu ke pulo meigna mae kheragna na. Mana ginauna pipichi, dofrau nei gleale'a eghu kate filoni mana na. Jame te tarabana teu iagho teke pulo mei iara na, iagho na theome mamaja nou kate filo ghau iara na. Tutuani, iagho theome mamaja nou jateula iheire te soesole teu ka glalaba na ia eghu.”