Jenesis 26:5 - Buka Blahi Ka Cheke Holo

⁵ Iara ginauna eni igne naugna mae kmamu iagho Ebraham ia neke nomhidi nogu cheke iara re nei leghudi nogu vetula te gnafa iara gre neku. Naugna igne iara ginauna na fablahi nigho iagho.”

Jenesis 26:5 Iomraidhean Croise

Jenesis 12:4

Aonu mae Ebram ne thofno leghuni unha te chekeni Lord na ne jifla Haran. Eghuteuna mae Lot ne tei balugna mana. Mae Ebram ne fitu salei glima finogha gna.

Jenesis 17:23

Funu ka narane igne mae Ebraham leghuni chekegna God na ne salo fodudi goro thugna mae Ismael, nei nogna mae sneka te gnafa teke foli mae Ebraham ka keha naiknore, eghu balugna mae Ismael nei mae te gnafa teke karha mei ka sugagna thegna mae Ebraham teure ne kafe tohi fagaglana.

Jenesis 18:19

Iara neke vahini mae Ebraham gne mala thofno mae kheragu thegu neku. Eghume iara ginauna na cheke thakleni ka mae Ebraham nate roꞌeni iara namono biꞌo Sodom gne mala cheke mana ka goro thugna nei vikegna teu igre mala leghuni puhigna Lord na. Iara na eni igne mala au fakeli, nei doglo eghu naiknore. Eghuteuna kate filoni iara vikegna mae Ebraham te thofno leghuni puhigu iara na, iara ginauna na tusu ranghini mae Ebraham unha teke nhaꞌa chekeni iara ka mana na.”

Jenesis 22:16

“Lord na ne cheke eghu, ‘Iara ginauna na nhaꞌa cheke ka nanghagu thegu na, naugna iagho ne theome lhotini mae thofno thumu na ka iara, iara ginauna fablahi nigho iagho.

Jenesis 22:18

Naikno te gnafa ka nauthoglu igne mare ginauna na tore ghau iara mala fablahidi jateula teke eni iara ka vikemu iagho ra eghu. Naugna iagho ne ghatho tahu ghau nei leghuni neu nogu cheke iara na.’ ”

Jenesis 26:6

Aonu mae Isak ne au soru ka namono Gerara.

Matiu 5:19

Eghume, ihei te huhughuni kaisei phugra cheke ka vetula na, eghuteuna jaola meke farirhiudi keha naiknore mala ke huhughunila vetula na teuna, naikno tuana ginauna pari lahu ka naikno te funei frunidi God re. Eghuteuna ihei te leghuni vetula na eghuteuna jaola meke farirhiudi la keha naiknore mala leghuni la vetula na teuna, naikno tuana ginauna mae biꞌo lahu ka naikno te funei frunidi God re.

Matiu 7:24

Mae Jisas ne cheke eghu, “Eghume, mae ihei te nomhidi chekegu iara igre nei leghudi teuna, mana ginauna jateula kaisei mae te lalase babana nogna suga na ke tagru glose te saesape ka thina ia eghu.

Ululahu Korin 15:58

Eghume kheraguro, naugna igne ghotilo kegra heta ka nomi fatutuani na nei thosei snakreni kaisei glepo mala ngali tafri ghami. Ghotilo mala rugusi fabrahu ka nogna gloku Lord na. Naugna ghotilo lasenihi nomi gloku ranghini Lord na theome tangomana te fiti luvu kolho.

Galesia 5:6

Naugna kate salo fodu tahati te kaisei balugna mae Jisas Kraes na, tahati theome mala nangani jame te mala vahe ba theo. Naugna glepo tuare theo nafudi. Nu glepo te ulu na u fatutuani ngala, u nafnata fatutuani te thakle mei kau puhi namha kolho.

Hibru 11:8

Mae Ebraham neke fatutuani ni God, eigna igne mana ne leghuni God kate kiloni mana mala jifla kokoni nogna namono na mala tei ka keha namono delei, ka vido aheva God nate tusu ranghini mana. Mana jifla ne tei neuba ne theome laseni aheva nate tei na.

Jemes 2:21

Uve, God neke kiloni mae kuꞌeda Ebraham kaisei mae doglo ke ulugna mana. Naugna unha? Naugna mae Ebraham neke snakreni mae thugna Isak mala fafara lao ka God!