Jenesis 26:12 - Buka Blahi Ka Cheke Holo

¹² Mae Isak tobi ne joꞌu sisi ka glose tuana. Eghuteuna ka finogha tuana mana ne au ghegna gano kmana fara, naugna Lord neke fablahini mana.

Jenesis 26:12 Iomraidhean Croise

Jenesis 24:1

Mae Ebraham gne gognaro na la kueku'e farahi, eghuteuna Lord neke fablahini mana ka puhi te gnafa igre.

Jenesis 24:35

Lord neke fablahini nogu mae funei iara na. Nogu mae funei iara igne mana kaisei mae dedei fara. Naugna Lord neke tusu ranghini mana kmana buluka, sipu, gol, silva, mae gloku, gaꞌase gloku, kamel nei dongki eghu.

Jenesis 25:11

Ke leghugna tela lehehi mae Ebraham na, mae Isak tei ne eni nogna namono na rhegna glokha khoꞌu na, ba Bea Lahai Roi.

Jenesis 26:29

‘Iagho ginauna mala thosei eni kaisei puhi te diꞌa ka ghehati. Naugna ghehati neke theome eni kaisei puhi te diꞌa ka iagho. Ghehati neke keli ranghi nigho iagho neke kuru fajifla nigho iagho ka u pharikeli. Eghuteuna gognaro na ghehati toreni Lord mala fablahi nigho iagho.’ ”

Jenesis 26:3

Iagho au ngala ka namono igne, eghuteuna iara ginauna na au balumu iagho nei taji fakeli nigho iagho eghu. Iara ginauna na snakre ari ka iagho nei ka vikemu iagho gre eghu namono te gnafa igre. Iara ginauna na farerheta nogu nhaꞌa cheke teke eni iara tifa ka mae kmamu iagho Ebraham ia.

Jenesis 30:30

Tifa na iagho neke theome kmana nou sipu jateula tuana neku. Neke theo fara ngala. Nu neke theome kmana kolho. Eghume kate mei te au iara agne balumu iagho gognaro gne, iagho aola au nou kmana sipu nga eghu, naugna Lord ne toghodi nogu gloku iara te edi ranghi nigho iagho gre. Nu gognaro na iara magnahaghei te mala loku ranghidi kolho tharaknagu thegu gne.”

Thoutonu Eigna Mae Job 42:12

Aonu Lord ne fablahini mae Job eigna fapea vido ka nakarhagna mae Job, salaꞌuni vido ulu lahu ka nakarhagna mana na. Eghume gognarona mana au nabotho fati thogha sipu, eghuteuna namno thogha kamel, eghuteuna phei thogha buluka, eghuteuna kaisei thogha dongki.

Nodi Khoje Hatimare Mae Jiu 67:6

Nauthoglu tahati igne fodu nei vuragha eghu ka gano. Naugna noda God te pogho soruni tahati igne mana ne fablahi ghita.

Nodi Khoje Hatimare Mae Jiu 72:16

Te keli na jame kantri ghehati gne mala au kmana gano fara, eghuteuna thogele igre ginauna fodu ka gano. Te keli na jame glose ghehati igre au kmana gano jateula glose gna Lebanon eghu. Eghuteuna te keli na jame namono biꞌo te au ghehati gre ginauna fodu ka naikno jateula kaisei sare te fodu ka buburu ra eghu.

Proveb 10:22

Lord na tusu ranghi ghita kmana glepo te keli. Eghuteuna theo kaisei glepo tangomana te togho nigho iagho te mala dedei na.

Eklesiasti 11:6

Iagho mala joꞌu gano ka nagare hamerane boibongi, eghuteuna keha fei grafi. Iagho theome laseni unha nafnata gloku nate keli na. Glahu te joꞌu iagho hamerane igre te au ganodi re, ba te fei grafi igre, ba phei igre kafe keli hui.

Profet Sekaraea 8:12

“Ghotilo ginauna tangomana te au fakeli, eghuteuna nomi nagare ghotilo are ginauna kotu fakeli. Nomi gaju grep ghotilo are ginauna ure kmana sisi, eghuteuna gano te joꞌu ghotilo re ginauna au kmana gano, naugna famane nakhete ginauna mei. Leuleghu fata iara ginauna fablahidi iheire te karha teu ka glepo te keli igre.

Matiu 13:23

Sisi te sukha ka glose te keli na igre eidi iheire te thofno nomhini nei lase fakelini chekegna God. Eghuteuna ure thokeni kaisei gobi sisi, namno salei sisi, nei tolufulu sisi.”

Matiu 13:8

Eghuteuna kehare soru ka glose te keli, aonu reꞌe ne famane kotu ne ure. Kehare thokeni kaisei gobi sisi, kehare namno salei sisi, aonu kehare tolufului sisi.”

Nonomho Te Keli Teke Risoi Mae Mak 4:8

Eghuteuna kehare soru ka glose te keli, aonu reꞌe ne famane kotu ne ure. Kehare thokeni kaisei gobi sisi, kehare namno salei sisi, aonu kehare tolufului sisi.”

Ululahu Korin 3:6

Kate farirhiu ghami ghotilo na, iara jateula kaisei mae mala joꞌu sisi ka nagare eghu kolho, eghuteuna mae Apolosi na jateula kaisei mae mala toatofa khoꞌu eghu kolho, nu God thegna kolho te mala fakotu haghedire.