Jenesis 24:1 - Buka Blahi Ka Cheke Holo

¹ Mae Ebraham gne gognaro na la kueku'e farahi, eghuteuna Lord neke fablahini mana ka puhi te gnafa igre.

Jenesis 24:1 Iomraidhean Croise

Jenesis 12:2

“Iara ginauna na fabruarani vikemu iagho gne mala thovu. Eghuteuna iara ginauna na fablahi nigho nei naiknore ginauna na lase nigho iagho kaisei mae biꞌo fara. Eghuteuna keha naiknore ginauna na cheke fakeli nigho iagho, na cheke eghu fari thedi, ‘God na fablahi nigho jateula teke eni mana ka mae Ebram tifa ia eghu.’

Jenesis 18:11

Mae Ebraham ghe Sera gre la kafe naikno biꞌohi. Eghuteuna narane te mala karha sua Sera na la salaꞌuhi.

Jenesis 21:5

Ka narane te karha mae Isak na, mae Ebraham gne la kaisei gobi finogha gnahi.

Jenesis 24:35

Lord neke fablahini nogu mae funei iara na. Nogu mae funei iara igne mana kaisei mae dedei fara. Naugna Lord neke tusu ranghini mana kmana buluka, sipu, gol, silva, mae gloku, gaꞌase gloku, kamel nei dongki eghu.

Jenesis 25:20

Mae Isak gne neke phiatutu finoghagna neke tolaghi na ka Rebeka. Rebeka gne neke thugna mae Betuel, kaisei mae ka vikegna mae Aram maegna Mesopotemia. Eghuteuna Rebeka gne neke greghagna mae Laban ka vikegna mae Aram.

Jenesis 26:12

Mae Isak tobi ne joꞌu sisi ka glose tuana. Eghuteuna ka finogha tuana mana ne au ghegna gano kmana fara, naugna Lord neke fablahini mana.

Jenesis 49:25

Mana na tusu ranghi nigho iagho glepo te keli funu kligna nei funu pari ke lamna thongna nei tusu ranghi nigho kmana vike eghu.

Ululahu Kings 1:1

King Devet gognarona thono khuekuꞌe fara, eghuteuna neuba nogna mae glokure ne totokuni ka blanket mana theome tangomana te brana kolho.

Proveb 10:22

Lord na tusu ranghi ghita kmana glepo te keli. Eghuteuna theo kaisei glepo tangomana te togho nigho iagho te mala dedei na.

Matiu 6:33

Nu te keli na, kulu hironi ghu u nakarha God te funei fruni na, nei kulu edi unha te magnahaghedi mana re eghu. Eghuteuna, God ginauna tusu ranghi ghami gobigna lepo te magnahaghedi ghotilo re.

Luku 1:7

Nu repa neke theo thudi, naugna Elisabet gne theome tangomana te au sua na, eghuteuna repa la kafe naikno biꞌo hi.

Galesia 3:9

Eghume, God fablahidi gnafa iheire te fatutuani ni mana, jateula mana teke fablahini mae Ebraham mae ihei teke fatutuani ni mana na.

Efesus 1:3

Tahati cheke fakelini God, Kmagna noda Lord Jisas Kraes! Naugna tahati nogna mae Jisas Kraes, God neke tusu mei ranghi ghita u fablahi te gnafa te mei funu kligna.

Ululahu Timoti 4:8

Jame te keli na tahati fariuriudi thinida gre mala heta. Nu te fariuriu tahati nakarhada ka khiloau gne te mala heta na, tuana te thofno keli fara na. Naugna ginauna tangomana te togho ghita ka puhi te gnafa ka nakarhada gognaro nei ka nakarha nate mei nathuꞌu nauriha.