Jenesis 23:2 - Buka Blahi Ka Cheke Holo

² Naꞌa neke lehe ka kantri Kenan ka namono Kiriat Araba, fapea nanghagna na Hebron. Mae Ebraham ne thofno au diꞌanagnafa ne tanhi ni Sera.

Jenesis 23:2 Iomraidhean Croise

Jenesis 13:18

Aonu mae Ebram ne jifla ka vido igne ne tei au ka namono Hebron. Jare mana ne hohoro haghe nogna suga tapuale na rhegna gaju biꞌo Mamre. Aonu mana ne hohoro nogna olta Lord na jare.

Jenesis 23:1

Sera gne neke kaisei gobi varadaki fitu finogha gna neke lehe nga.

Jenesis 23:19

Ke leghugna igne, mae Ebraham ne giugilui khetogna na ka sare Makipela ka gluma thina na, ke maghati namono Mamre jare ka kantri Kenan. Keha nanghagna na namono Mamre gne, Hebron.

Jenesis 24:67

Aonu mae Isak hatani Rebeka ne tei ka suga tapuale teke au Sera na, idogna mana tifa na, ne tolaghi ka naꞌa. Mae Isak ne namhani fara Rebeka neke keli nagnafagna fara ke leghugna teke lehe idogna na.

Jenesis 27:41

Mae Iso ghatho laoni u fablahi teke tusu lao mae kmagna na ka mae Jekop igne ne diꞌatagna fara ka mae Jekop. Ne cheke eghu, “Narane te mala lehegna mae mama gne la namo farahi, eghuteuna ka glehegna mana na ghehati ginauna na diꞌanagnafani mana. Eghuteuna kate ari te gnafa narane te mala diꞌanagnafa na, iara ginauna na faleheni mae Jekop.”

Jenesis 35:27

Aonu mae Jekop mei ne posa Mamre ka namono te au teu mae Isak, mae kmagna na rhegna namono Kiriat Aba. Keha nanghagna namono igne Hebron, namonogna mae Ebraham kmagna mae Isak.

Jenesis 37:14

Mae kmagna na ne cheke eghu ka mana, “Iagho na tei jare mala filodi hatimare mae thabusimu ra glahula te au fakeli ghu theo ghu teu mare na. Iagho jaola tei mala filodi u sipu ra glahula te au fakeli ghu theo ghu teu reꞌe na. Kate tei iagho te filodi mare na iagho ke pulo mei ka iara eghu mala ke toutonu ranghi ghau iara.” Ka narane igne, mae Jekop nei hatimare eghu au neu ka glogu Hebron. Aonu mae Josep jifla ka namono na ne tei posa Sekem.

Jenesis 50:1

Kate la filonihi tela lehehi mae kmagna na, mae Josep ne pogho soru balu tanhi ne gnanghodi tathagna nei foflogna teu mae kmagna re.

Jenesis 50:10

Hatimare ne tei ka vido Atad, ke maghati khoꞌu Jordan. Jare mare ne tanhi fabiꞌo nei diꞌanagnafa eghu eigna mae Jekop. Eghuteuna mae Josep ne diꞌanagnafa nei tanhi neu nabagna fitu narane.

Fapea Samuel 1:12

Mare thofno diꞌa nagnafadi fara ne tanhidi mae Sol ghe mae Jonatan, nei nogna naikno Lord nei naiknodi Israel te lehe baludi phiamare ka magra igne. Mare diꞌanagnafa ne theome ghamu ne ghilei rafi narane thongana tuana.

Fapea Samuel 1:17

Aonu mae Devet ne koje kaisei khoje mala giugilui, eidi mae Sol ghe mae Jonatan.

Fapea Samuel 2:11

Mae Devet ne au soru ka namono Hebron ne funei frunidi naiknodi Juda nabagna fitu finogha namno nhigra.

Fapea Samuel 5:3

Aonu mae biꞌo te gnafa Israel igre ne kafe mei ka King Devet Hebron. Mana ne eni kaisei nhaꞌa cheke baludi mare ke ulugna Lord. Mare ne kaisei nodi gaoghatho ngala te mala king mae Devet ranghidi te gnafa na. Aonu mare ne tofa oel ka phaꞌugna mana na mala king gna Israel.

Fapea Samuel 5:5

Ulu lahu na mana neke au Hebron neke king frunini Juda fitu finogha namno nhigra. Eghuteuna ke leghu na, mana king frunidi gnafa Israel ghe Juda jare Jerusalem tolufulu thilo finogha.

Fapea Kronikols 35:25

Ka narane tuare, Profet Jeremaea neke edi keha khoje diꞌanagnafa kate lehe Josia na. Funu ka narane tuare, naiknore koje khoje igne kate diꞌanagnafa mare ka Josia na. Eghuteuna khoje igne jateula nodi kastom khoje eghu naiknodi Israel. Mare neke rioriso soru ka nodi Buka re khoje mala diꞌanagnafa igre.

Nehemaea 11:25

Kmana naikno gognarona au ka nodi namono te namo ka nodi glose re. Keha naikno ka tharaknagna mae Juda igre, mare au ka namono Kiriat-Aba, Dibon nei Jekabsel, nei ka namono te au rhedi namono biꞌo igre.

Profet Jeremaea 22:10

King Josaea la lehehi, eghume ghotilo thosei tanhi ni mana. Te keli na ghotilo tanhi fabiꞌo nei diꞌa nagnafani eghu thugna mana King Jehoahas, naugna naoka lokini mana la atha la tei ka keha kantri delei. Eghuteuna mana ginauna nake theome ke pulo mei ka glose teke karha mana tagna igne.

Profet Jeremaea 22:18

Eghume, igne unha te chekeni Lord ka King Jehoiakim, thugna mae Josaea king gna Juda: “King, jame te lehe iagho na, theo kaisei naikno nate diꞌanagnafa nei tanhi teuna. Naiknore na theome cheke eghu, ‘Tore, kokhoni ni mae thabusigu na! Tore, kokhoni ni greghagu na!’ Jame te lehe iagho na, theo kaisei naikno nate diꞌanagnafa nei tanhi teuna. Naiknore na theome cheke eghu, ‘Tore, kokhoni ni fara nogu mae funei teke fnakno fara ka naiknore ia tela lehe igne!’

Naba 13:22

Ulu lahu na mare doglo ne tei mala filoni keha phile vido glose ke raru na ne ghilei thoke Hebron te au mae Ahiman, mae Sesae, nei mae Talmae. Naikno te au Hebron gre jifla mei ka tharakna gna mae Anak. Eghuteuna namono biꞌo Hebron gne neke eni haghe fitu finogha ke ulugna namono Soan jare Ijep.

Naba 20:29

Aonu kate nomhini naiknore eigna te lehe mae Eron na, mare ne diꞌanagnafa nei tanhini mana nabagna tolufulu narane.

Jone 11:31

Naikno Jiure au neu balugna Meri mala toghoni naꞌa mala thosei diꞌanagnafa na'a. Mare ne filoni Meri te ghosei te kegra haghe te jifla te tei na. Aonu, naikno teke au balugna naꞌa re ne kafe jifla ne tei ke leghugna naꞌa, naugna gaoghathodi reꞌe re na tei tanhi naꞌa ka gluma na eghu.

Jone 11:35

Mae Jisas ne tanhi.

Mae Khuru 8:2

Keha mae te fatutuani ni God re ne tanhi fabiꞌo ne diꞌanagnafani mae Stivin, mare ne hata thinigna mana na ne tei giugiluni. Eghuteuna, funu ka narane te lehe mae Stivin igne na, mae Jiure ne funu paradi naikno khiloaure. Mae Sol ne tei leuleghu suga mala lokidi mae nalhaꞌu ba gaꞌase te fatutuani ni mae Jisas na mala liliseidi mare ke lamna suga sosolo. Naikno te fatutuani ni mae Jisas igre ne kafe rikha ne tei kau soasopai vido jare Judia nei Samaria. Nu hatimare mae khuru neke au fapulo Jerusalem.

Diutronomi 34:8

Ka narane tuare naiknodi Israel teke au ka sare biꞌo Moab igre ne diꞌanagnafadi fara ne tanhi ka glehegna mana na ne ghilei thokeni tolufulu narane, tuare gnafadi narane te mala tanhire.

Josua 10:39

Mare ne hata namono Deba baludi keha namono te au namo teu ka namono tuana ne aknu falehe ne hui naiknodi namono igre. Mae Josua ne eni nafnata puhi igne ka mae king gna namono Deba jateula teke eni mana ka phei namono Hebron ghe Libna nei hatimare mae king.

Josua 15:13

Mae Josua ne eni unha teke chekeni Lord ka mana na. Mana ne snakre lao keha nogna vido glose mae Juda ka vikegna mae Kelab. Mae Josua ne snakre lao namono Hebron igne, tifa na mare neke kiloni Kiriat-Aba, gaoghathogna na, “Nogna Namono mae Aba,” eghuteuna Aba gne gragna mae Anak tifa.

Josua 15:54

nei Humta, nei Kiriat-Aba keha nanghagna Hebron, nei Sioa. Igre nheva namono te au ka rijon tuana baludi namono ikodi te gnafa te au faligohodi mare.

Josua 20:7

Aonu naiknodi Israel igre ne vahidi thilo namono mala poru ke mosu Khoꞌu biꞌo Jordan. Nanghadi re Kedes jare Galili te au ka thogele ka nogna rijon Naftali, nei Sekem te au ka thogele ka nogna rijon Efrem, eghuteuna Hebron te au ka thogele ka nohi Juda.

Jajis 1:10

Eghuteuna mare tei ne magra ka naiknodi Kenan ka namono Hebron, nanghagna ulu lahu na Kiriat-Aba. Ka namono igne mare ne uludi vikegna Sesae, nei vikegna Ahiman nei vikegna Talmae.

Ululahu Samuel 20:31

Filo sagho! Jame karha teu thugna mae Jesi igne, iagho ginauna theome king ka kantri igne! Tei atha mei mae tuana gognarola. Mana mala lehe!”

Ululahu Samuel 25:1

Kate lehe profet Samuel na, naiknogna Israel na ne kafe mei ne tanhi ka mana. Gnafa teuna, mare ne giugiluni mana Rama ka nogna namono na. Ke leghugna igne, mae Devet ne tei Paran ka namono nagou na.

Ululahu Samuel 28:3

Kate lehe mae Samuel na, naiknodi Israel re ne diꞌanagnafadi fara ne tanhini mana. Aonu mare ne giugiluni mana Rama ka nogna namono na. Eghuteuna king Sol neke khi fajifladi hi Israel mae nalhaꞌu ba gaꞌase te cheke ka tharungadi naikno tela lehe hi tifa re.