Jenesis 22:3 - Buka Blahi Ka Cheke Holo

³ Hamerane boibongi mae Ebraham kegra haghe ne tarabana nogna dongki na, aonu mana ne hata mae Isak nei phei mae gloku eghu balugna. Mana ne uge keha gaju te mala gahugna u fafara na, eghuteuna hatimare ne tei ka vido aheva teke chekeni God ka mae Ebraham na.

Jenesis 22:3 Iomraidhean Croise

Jenesis 17:23

Funu ka narane igne mae Ebraham leghuni chekegna God na ne salo fodudi goro thugna mae Ismael, nei nogna mae sneka te gnafa teke foli mae Ebraham ka keha naiknore, eghu balugna mae Ismael nei mae te gnafa teke karha mei ka sugagna thegna mae Ebraham teure ne kafe tohi fagaglana.

Jenesis 21:14

Hamerane boibongi ka keha narane na, mae Ebraham ne hata keha gano nei keha khoꞌu eghu ne lao ka Hega ne kuru jiflani balugna thugna na ne nolo tafri ke lamnagna namono nagou Bereseba.

Jenesis 22:18

Naikno te gnafa ka nauthoglu igne mare ginauna na tore ghau iara mala fablahidi jateula teke eni iara ka vikemu iagho ra eghu. Naugna iagho ne ghatho tahu ghau nei leghuni neu nogu cheke iara na.’ ”

Jenesis 22:2

Aonu God ne cheke eghu ka mana, “Iagho au kaisei mae thumu nalhaꞌu kolho, mae Isak, mae ihei iagho te namhani fara, hata mae sitei igne tei ka nohi Moriah. Iara ginauna na falalase ka iagho kaisei thogele jare. Ka thogele igne te mala falelehe iagho mae thumu Isak gne te mala gahu re mala fafara ka iara na.”

Jenesis 22:4

Ka fatilo narane na mae Ebraham ne filo fakhaba laoni namono te mala tei mare na.

Nodi Khoje Hatimare Mae Jiu 119:60

Iara theome ofoni ihei nga te mala leghuni chekemu iagho na.

Eklesiasti 9:10

Tahati mala thofno loku fakeli fara ka gobigna lepo te edi tahati re. Kate tei tahati ka namonodi naikno te lehehi ra, tahati ginauna theome loku, ba ghaoghatho, ba lalase, ba au gaoghatho te keli.

Matiu 10:37

“Ihei te namhadi fara kmagna ba idogna ba thugna nalhaꞌu ba thugna gaꞌase ke tulaogu iarai na, mana theome nabagna te nogu mae fanomho iara na.

Luku 14:26

“Ihei te mei ka iara te magnahaghei nogu mae fanomho iara teunu, namhani fara kmagna, idogna, khetogna, thugna, thabusigna, greghagna ba thegna ke tulaogu iarai teuna, mana theome nabagna te nogu mae fanomho iara na.

Galesia 1:16

toutonu iara u Nonomho te Keli eigna mae Thugna God ka naikno te theome Jiure. Tutuani fara God ne falalase ka iara mae thofno Thugna na. Kate kilo ghau God na, iara neke theome hata farirhiu ba thotogho ka mae ihei.

Hibru 11:8

Mae Ebraham neke fatutuani ni God, eigna igne mana ne leghuni God kate kiloni mana mala jifla kokoni nogna namono na mala tei ka keha namono delei, ka vido aheva God nate tusu ranghini mana. Mana jifla ne tei neuba ne theome laseni aheva nate tei na.

Josua 3:1

Hamerane boibongi ka keha narane na, mae Josua baludi naikno te gnafadi Israel igre kegra haghe ne jifla Akesia, aonu mare ne tei au rhegna Khoꞌu biꞌo Jordan. Mare ofo neu ka vido igne mala tei kasa ka keha phile khoꞌu na.

Josua 8:10

Hamerane boibongi ka keha narane na, mae Josua ne kilo fodudi nogna mae soldiare. Mana baludi hatimare mae funei ka nogna armi na batudi mare ne haghe Ai.