Jenesis 20:3 - Buka Blahi Ka Cheke Holo

³ Nu kaisei bongi mae Abimelek ne mifi, God ne mei cheke eghu ka mana, “Gaꞌase te hata iagho igne la tolaghihi, eghume iagho ginauna na lehe eghu.”

Jenesis 20:3 Iomraidhean Croise

Jenesis 12:17

Nu Lord ne kuru mei thua nafnata khabru te thono diꞌa fara ranghini mae king nei naikno te gnafa te au ka sugagna mana. Naugna mae king ne hata Sarai khetogna mae Ebram na ne jateula khetogna thegna neu.

Jenesis 12:18

Aonu mae king ne eha meini mae Ebram ne cheke eghu ka mana, “Ba, unha puhi site eni iagho ranghi ghau iara gnea? Naugna unha neke theome chekeni nga iagho Sarai gne te khetomu iagho na?

Jenesis 20:7

Gognaro na iagho ke hata fapulo gaꞌase igne ka mae thofno khetogna na, naugna mae igne kaisei nogu mae profet iara, eghuteuna mana ginauna na tarai nigho iagho, eghuteuna iagho ginauna na theome tangomana te lehe na eghu. Nu jame te theome hata fapulo iagho gaꞌase igne na, iagho ginauna na lehe baludi nou naiknore.”

Jenesis 28:12

Kate thuru teu mana jare na, mana ne mifi ne filoni kaisei glalako funu pari posa kligna. Eghuteuna mana ne filodi nogna tothoghei engel God re ne haghe nei soru neu ka glalako igne.

Jenesis 31:24

Ka bongi tuana mae Laban ne mifi, eghuteuna God ne thakle ka mana ne cheke eghu, “Ghema Laban, iagho thosei chekeni kaisei cheke, na eghu nu cheke faheta fara iagho ka mana eghu.”

Jenesis 37:5

Kaisei fata mae Josep ne mifi. Kate toutonu ni mana eigna u mifi igne ka mare na, mare ne thofno diꞌatadi fara ngala ka mana.

Jenesis 37:9

Ke leghugna igne mae Josep neke fapea mifi. Mana ne jaola neke toutonu ka mae ke biꞌogna re eigna u mifi igne. Mana ne cheke eghu ka mare, “Iara neke filoni keha mifi na neke thakle mei ka iara, eghuteuna gognaro na naprai ghe glaba nei nabotho kaisei nathunu teure ne pogho soru ke ulugu iara.”

Jenesis 40:5

Kaisei bongi phia mare ne mifi. Nodi mifi phei mae igre ne theome kaisei nanaba, nei gaoghathodi re jaola ne theome kaisei nanaba.

Jenesis 40:8

Phia mare ne cheke eghu ka mae Josep, “Ghepa neke orio mifi bongi na. Nu theo kaisei mae agne naba te mala ruruthadi u gaoghathodi nomi mifi ghepa gre eghu.” Mae Josep ne cheke eghu ka phia mare, “God ngala te tangomana te ruruthadi ka tahati u gaoghathodi mifi igre na, te eghu na God na fakakhana ka iara u gaoghathodi nomi mifi ghopa igre eghu. Eghume ghopa na toutonu ka iara nomi mifi re eghu.”

Jenesis 46:2

Ka bongi tuana God ne thakle ka mana ne cheke eghu, “Jekop, Jekop!” Mae Jekop ne cheke eghu ka mana, “Iara au teu ao Lord.”

Ululahu Kronikols 16:21

Nu Lord neke theome snakreni kaisei naikno mala goigonidi. Mana neke cheke faheta ka hatimare mae king naugna mana reireghidi nogna naiknore.

Thoutonu Eigna Mae Job 33:15

Kate thuru teu naiknore, God tangomana te cheke mei ka mifi.

Thoutonu Eigna Mae Job 33:17

Mana eni igne mala thosei tapla jafra naiknore ka nakhibo, nei mala thosei fahaehaghe.

Nodi Khoje Hatimare Mae Jiu 105:14

Nu Lord na neke theome snakreni ihei te mala tapla sorudire, nei cheke faheta ranghidi hatimare mae king mala thosei roꞌedi neku.

Profet Jona 3:4

Ka narane ulu lahu, kate tei mana lamna namono na, mana ne eha eghu fabiꞌo, “Ame gnafa nga phiatutu narane igre teuna, God ginauna goigoni ghami fara ghotilo!”

Naba 22:9

Ka bongi tuana, Lord ne mei ka mana ne ghusna eghu ka mana, “Maedi heva site au balumu iagho igrea?”

Matiu 1:20

Kate ghathoni teu mana igne, mana ne mifi. Aonu kaisei engel nogna Lord ne thakle ka mana, ne cheke eghu, “Ghema Josep, iagho mae vikegna mae Devet, thosei mhaghu te hata khetomu Meri ana naugna u sua na neke au mei kau nogna nolaghi mae Tharunga te Blahi.

Matiu 27:19

Mae Paelat chekedi glepo igre kate gnokro mana ka sape fate na. Kate gnokro mae Paelat te fateni mae Jisas na, khetogna gavana igne ne famei kaisei nonomho. Nonomho igne cheke eghu, “Thosei eni kaisei glepo ranghini thau te theo kaisei nakhibogna tuana. Naugna ginei iara ne mifi eigna naꞌa ne theome thuru fakeli nogu.”