Jenesis 20:2 - Buka Blahi Ka Cheke Holo

² Eghuteuna jare mae Ebraham ne cheke eghu ka naiknore, “Sera gne gregagu iara.” Aonu mae Abimelek mae king gna jare na nomhini igne ne chekedi nogna mae glokure ne tei hata Sera na ka mana.

Jenesis 20:2 Iomraidhean Croise

Jenesis 12:15

Eghuteuna kate filoni naꞌa na, hatimare mae nogna ofisa mae king gna Ijep na mare ne cheke eghu ka mae king, “Mae funei, kaisei gaꞌase te famane fara na naꞌa mei au agne!” Aonu hatimare ne hatani Sarai ne tei ka sugagna mae king na mala khetogna mana.

Jenesis 20:12

Tutuani fara, Sera gne thofno gregagu iara neke karha mei ka mae kmagu iara, nu naꞌa neke theome karha mei ka idogu iara. Eghume, iara tolaghi ka naꞌa eghu.

Jenesis 21:22

Ka narane igne mae Abimelek ghe mae Fikol nogna mae ofisa biꞌo lahu mana ka nogna armi na, phia mare ne tei ka mae Ebraham ne cheke eghu, “God na au balumu iagho fabrahu ka gobigna lepo te edi iagho gre.

Jenesis 26:1

Keha fata te theo gano jateula teke eni ka narane gna mae Ebraham tifa igne teuna ne thoke mei ka namono Kenan. Aonu mae Isak jifla ne tei ka namono Gerara mala filoni mae Abimelek, mae king gna Filistia.

Jenesis 26:16

Leghu lahu na mae Abimelek ne cheke eghu ka mae Isak, “Jifla tei nou, ghehati theome magnahaghe nigho iagho, naugna ghotilo gognaro na la kmana fara la salaꞌu ghami ghehati.”

Jenesis 26:7

Hatimare mae nalhaꞌu gna namono tuana ne ghusna ka mae Isak eigna Rebeka ne cheke eghu, “Ba? Ghema, khetomu iagho si thau ignea?” Mae Isak mhaghudi mare glahula faleheni neu ne cheke eghu ka mare, “Theo. Thau igne thofno gregagu iara.” Naugna Rebeka gne kaisei famane gaꞌase fara.

Fapea Kronikols 19:2

Ka narane tuana kaisei profet, nanghagna na mae Jehu thugna mae Hanan, mana tei ne thafoni King Jehosafat, ne cheke eghu ka mana, “Ba? Ka gaoghathomu iagho na, puhi doglo te tei toghoni iagho mae te diꞌa na nei fofodu balugna mae ihei te tirognani Lord na teuna? Uve, Lord na diꞌatagna fara ka iagho eigna glepo igne!

Fapea Kronikols 20:37

Aonu Profet Eliesa thugna mae Dodavahu, maegna Maresa igne tei ne cheke ranghini Jehosafat, ne cheke eghu ka mana, “Naugna iagho ne kaisei gaoghatho balugna King Ahasaea, Lord ginauna goigoni vaka biꞌo te horo ghopa are.” Eghume vaka igre ghorho neke theome tei Tasis.

Fapea Kronikols 32:31

Kate nomhini king gna Babilonia thoutonu eigna God te eni fagaglana igne Juda na, mana ne kurudi keha nogna mae biꞌo mala tei hironi gaoghathogna fagaglana igne. Nu ka narane tuare, God magnahaghei te fariuriuni King Hesekaea mala hironi gaoghathogna unha teke eni mana na, aonu mana ne snakreni Hesekaea mala leghuni gaoghathogna thegna na.

Proveb 24:16

Neubane thoke mei kmana fata puhi biꞌo ka mae te keli igne, nu mae te keli igne ginauna kegra heta. Nu puhi biꞌo ginauna goigonini mae te diꞌa na.

Proveb 29:25

Jame te mhaghuni iagho keha naikno na, namhaghu iagho igne jateula phighoro eghu haru famaku nigho. Nu te fatutuani heta iagho ka Lord na, iagho ginauna au fakeli.

Proveb 6:29

Filo sagho, mae te thuru balugna khetogna keha mae na, papara biꞌo ginauna thokeni mana.

Eklesiasti 7:20

Tutuani, theo kaisei naikno te doglo fara te au ka nauthoglu igne. Uve, theo kaisei naikno te doglo fara te theome tapla jafra ka nakhibo na.

Efesus 4:25

Eghume te keli na ghotilo lilisei puhi te chaichaghi gne. Eghuteuna unha te chekeni ghotilo ka naikno khiloaure glepo te tutuani na ngala, naugna tahati te gnafa na kaisei ngala ka thinigna Kraes.

Kolose 3:9

nei thosei chaghi fari themi. Naugna ghotilo neke nhaꞌa fadeleihi puhi diꞌa teke edi ghotilo tifa ra.