Jenesis 2:5 - Buka Blahi Ka Cheke Holo

⁵ jare na neke theo kaisei gaju ba sisi ba kaisei buburu teke kotu haghe na, naugna God neke theome snakreni nakhete na neke soru mei ka nauthoglu igne. Eghuteuna jare na jaola neke theo kaisei naikno te mala loku ka nagare na.

Jenesis 2:5 Iomraidhean Croise

Jenesis 2:6

Nu glokhare fura haghe mala au khoꞌu ka nauthoglu igne mala fabobothudi gaju nei buburu ba thua nafnata sisi fateo.

Jenesis 3:23

Aonu Lord God ne brue fajifladi repa ka nagare Eden na mala loku repa ka glose teke vuavuhadi repa God na.

Jenesis 4:12

Uve, kate loku iagho ka glose na iara theome snakreni glose igne te fabruara naba gano malagna tharaknamu iagho na. Eghuteuna iagho ginauna na mae mala tei tafri kolho nei theo kaisei namonomu kolho ka nauthoglu igne.”

Jenesis 4:2

Ke leghugna igne, Ivi ne fakarhini mae Abel tahigna mae Kein. Phia mare ne kafe kotu haghe ne biꞌo, eghuteuna mae Abel gne na mae mala reireghi sipu, eghuteuna mae Kein gne ne mae mala loku ka nagare.

Thoutonu Eigna Mae Job 5:10

Mana kuru soru mei nakhete ka glose, nei khoꞌu ka nagare.

Nodi Khoje Hatimare Mae Jiu 104:14

Iagho neke eni neke kotu buburu gre mala ghamu buluka, nei gano malagna naikno. Aonu naiknore ne au ghedi waen nei oliv oel te mala keli thinidire nei bret mala ima te nheta na.

Nodi Khoje Hatimare Mae Jiu 135:7

Mana neke vuavuha khoveo mala au ka maloa kligna, nei nakhete mala mei balu saeklon, nei nuri na mala gaghafa mei ka tahati kate brana ghita na.

Profet Jeremaea 10:12

Ka nogna gaoghatho te keli nei ka nogna glalase eghu thegna Lord neke vuavuha nauthoglu ghe maloa igre. Mana neke vuavuha glepo igre ka nogna nolaghi nei glalase eghu thegna.

Profet Jeremaea 10:13

Kate cheke mana na, naoglagna mana igne poha jateula fila eghu, eghuteuna khoꞌu ka maloa na soru poha fabiꞌo. Mana cheke ranghini khoveo na mala mei funu ka keha phile nauthoglu na. Mana cheke ranghini nakafli na mala phae ka nakhete biꞌo na, eghuteuna mana cheke ranghini nuri na mala jifla mei ka vido teke augna na.

Profet Jeremaea 14:22

Ba, nodi god mae bongihehe igre au nolaghi te mala snakre mei nakhete ka ghehati na? Ba, maloa thegna kolho te au nolaghi te mala snakre mei nakhete ka ghehati na? Thono theo fara! Lord nomi God, kaisei iagho kolho te tangomana na. Ghehati fatutuani nigho iagho kolho, naugna iagho kolho te tangomana te edi gobigna lepore.

Matiu 5:45

Te eghu ghotilo na, ghotilo ginauna goro thugna God mae Kmami te au teu kligna. Naugna God namhadi iheire te diꞌa ranghini. Tutuani, mana neke eni naprai mala phae ke klignadi iheire te keli ba ke klignadi iheire te diꞌa. Mana jaola neke eni nakhete na mala soru ke klignadi iheire te keli ba ke klignadi iheire te theome keli.

Hibru 6:7

Keha naiknore jateula u glose te soru nakhete fabrahu tagna ia eghu. Glose tuana karha gano te keli mala toghodi naikno te loku tagna na, gaoghathogna igne naugna God neke fakelini u glose igne.