Jenesis 2:4 - Buka Blahi Ka Cheke Holo

⁴ Igne u thoutonu eigna God teke vuavuhadi maloa ghe nauthoglu gre. Ka narane teke vuavuhadi God maloa gne nauthoglu gre,

Jenesis 2:4 Iomraidhean Croise

Jenesis 1:1

Tifa na neke theo kaisei glepo te au na, aonu God neke vuavuhadi maloa ghe nauthoglu nei gobigna lepo fateo te au ke lamnadi.

Jenesis 1:28

God ne fablahidi ne cheke eghu ka repa, “Ghopa mala au sua kmana mala reireghidi glepo te gnafa te au ka nauthoglu na igre. Iara neke lilisei sasa nei nanghaji nei thua nafnata glepo te tautagu teu ka nauthoglu na igre mala reireghidi ghopa.”

Jenesis 1:3

Aonu God ne cheke eghu, “Iara na cheke ranghini naphae na mala phae!” Aonu la meila naphae na.

Jenesis 1:31

God ne filodi glepo te keli igre ne glealeꞌa fara. Rafi soru nei hamerane haghe. Igne fafamno narane na.

Jenesis 1:4

God ne filoni naphae te keli igne ne glealeꞌa fara. Aonu God ne fotadi gromno ghe naphae gre.

Jenesis 10:1

Igne thoutonudi vike teke karha ka thilo thugna mae Noa re, mae Sem, mae Ham nei mae Jafet. Vike igre neke karha mei ka thilo mae thabusigna igre ke leghugna nabritha biꞌo na.

Jenesis 11:10

Igne susurei eigna tharaknagna mae Sem na. Phei finogha ke leghugna nabritha biꞌo na, mae Sem ne thokeni kaisei gobi finogha ne au kaisei thugna nalhaꞌu nanghagna na mae Apaksad. Mae Sem neke au keha thugna neke lehe nga kate thokeni namno gobi finogha gnahi na.

Jenesis 25:12

Igne u susureigna teke vikegna mae Ismael teke thugna mae Ebraham na. Mae Ismael gne neke karha ka Hega. Hega gne neke kaisei gaꞌase gna Ijep, naꞌa neke nogna naikno gloku Sera.

Jenesis 25:19

Igne u thoutonu eigna mae Isak teke thugna mae Ebraham na.

Jenesis 36:1

Igne thoutonu eigna vikegna mae Iso, mae ihei te kilo nila Idom.

Jenesis 36:9

Igne u thoutonu eigna mae Iso na. Mana teke kmadi mae Idom gre neke au ka thogele Seia.

Jenesis 5:1

God neke vuavuha nalhaꞌu ghe gaꞌase mala jateula thegna neku. Eghuteuna ka narane tuana, God neke fablahidi neke kilodi “naikno.” Uve, igne u susurei gna vikegna mae Adam na.

Ululahu Kings 18:39

Kate filoni igne, naiknore ne khoko soru pari ka glose na ne eha eghu, “Lord ngala God te tutuani na! Lord ngala God te tutuani na!”

Fapea Kronikols 20:6

Mana ne tarai eghu: “Lord, nodi God kuꞌemi ghehati ra, iagho au kligna eghuteuna iagho funei frunidi kantri te gnafa ka nauthoglu igne. Iagho nheta fara, nei iagho au nolaghi fateote'o. Theo kaisei naikno tangomana te ulu nigho iagho na.

Thoutonu Eigna Mae Job 38:28

Ba, nakhete ghe nabubla gre au kaisei kmadi? Theo!

Thoutonu Eigna Mae Job 38:4

“Iagho au neku aheva, kani teke vuavuha iara nauthoglu igne? Jame te lasedi iagho glepo igre, iagho cheke mei ka iara.

Nodi Khoje Hatimare Mae Jiu 18:31

God mae ihei te tufru soruni tahati igne, kaisei mana ngala God na. Kaisei mana ngala te jateula kaisei thina teu te mala bara ghita na.

Nodi Khoje Hatimare Mae Jiu 86:10

Kaisei iagho ngala thofno God na. Uve, kaisei iagho ngala te au nolaghi na, nei kaisei iagho ngala te tangomana te edire glepo te biꞌore.

Eksodas 15:3

Mana jateula kaisei mae soldia te nheta fara eghu. Lord ngala nanghagna mana na.

Eksodas 6:16

Fatilo thugna mana na Livae, eghuteuna mana au thilo thugna, Geson, nei Kohat, nei Merari. Eghuteuna tharakna teke karha mei ke leghudi thiloi igre au nanghadi thiloi igre. Livae neke au nabagna kaisei gobi tolufulu fitu finogha.

Profet Isaia 44:6

Lord mae ihei te au nolaghi fateote'o igne nodi King mae Israel, eghuteuna mana atha fasnagli ghami ghotilo. Mana neke cheke eghu, “Iara ngala God na, iara neke kulu au neke aunga gobigna lepo igre, eghuteuna iara ginauna na jaola leghu lahu. Uve, theo kaisei god ahevanga, kaisei Iara ngala.

Thakle 1:4

Iara riso ari ka ghotilo fitu khiloau te au ka provins Esia ra. Iara toreni God te mala tusu ranghi ghami ghotilo nogna khokofakasai nei pharikeli teuna. Tutuani, God mae ihei teke au tifa, gognaro gne, nei nake pulo mei nathuꞌu nauriha. Khokofakasai nei pharikeli teu igre jaola mei funu ka fitu tharunga te keli te au ke ulugna nogna sape nafnakno mae King na.

Thakle 1:8

Noda Lord God neke cheke eghu, “Iara teke au tifa, gognaro gne, nei nake pulo mei nathuꞌu nauriha balu nolaghi fateote'o tifa tifa.” Tutuani, mana kulu au neke vuavuha nga gobigna lepore nei mana na au fabrahu kate ari te gnafadi gobigna lepore.

Thakle 11:17

Mare ne cheke eghu, “Lord God te thofno nolaghi, ghehati cheke fakeli nigho. Iagho au fabrahu funu tifa nei jaola gognaro. Ghehati cheke fakeli nigho naugna iagho la hatahi nou nolaghi te biꞌo na te mala funei frunidi naikno te gnafare!

Thakle 16:5

Iara ne nomhini engel te reireghidi kho'ure ne cheke eghu, “God, iagho blahi fara. Iagho au fabrahu funu tifa nei jaola au gognaro. Naiknore lasenihi iagho doglo fara naugna iagho ne kuru meidi papara biꞌo igre.