Jenesis 2:21 - Buka Blahi Ka Cheke Holo

²¹ Aonu Lord God ne fathuruni mana ne thuru iho fara. Kate thuru iho teu mana na, God ne hata kaisei gaogaro ka thinigna mana na, eghuteuna ke lilisei fapulo guli ka vido aheva teke hata fajifla mana u gaogaro tuana.

Jenesis 2:21 Iomraidhean Croise

Jenesis 15:12

Kate plulu naprai na, mae Ebram ne roi thuru fara. Kate thuru teu mana na, mana ne filoni kaisei glepo te jateula gromno teu te mei toku tafruni mana na. Eghuteuna mana ne mhaghu nogna fara!

Thoutonu Eigna Mae Job 33:15

Kate thuru teu naiknore, God tangomana te cheke mei ka mifi.

Thoutonu Eigna Mae Job 4:13

Igne kaisei mifi mei bongiro kate thofno thuru iho teu iara na, eghuteuna iara ne mhaghu nogu fara.

Proveb 19:15

Naikno te thodo te thuru fabrahu ka suga na ginauna theo gano.

Profet Daniel 8:18

Kate cheke teu mana ka iara na, iara ne iho phaꞌugu na ne thuru pari ka vido tuana ne thuru iho fara. Nu mana loku ka iara ne korho haghe ghau iara.

Ululahu Korin 11:8

Naugna ka narane teke vuavuha God nalhaꞌu na, God neke theome vuavuhani mana ka thinigna gaꞌase. Nu ka narane teke vuavuhani gaꞌase na, God neke vuavuhani naꞌa ka thinigna nalhaꞌu.

Ululahu Samuel 26:12

Aonu mae Devet ne atha goru balugna botol khoꞌu teke au rhegna phaꞌugna mae Sol igre ne jifla ne tei. Eghuteuna theo kaisei mae ka mare te filodi phiamare na, ba te laseni glepo igne, naugna Lord na fathuru ihodi fara mare.