Jenesis 2:1 - Buka Blahi Ka Cheke Holo

¹ Aonu God ne loku ne gnafa maloa ghe nauthoglu gre baludi gobigna lepo te gnafa te au ke lamnadi.

Jenesis 2:1 Iomraidhean Croise

Jenesis 1:1

Tifa na neke theo kaisei glepo te au na, aonu God neke vuavuhadi maloa ghe nauthoglu nei gobigna lepo fateo te au ke lamnadi.

Jenesis 1:10

God ne kiloni glose te moja igne “Moumolu” eghuteuna khoꞌu te salo fodu te kaisei ngala igre mana ne kiloni “Thongna.” God ne filoni glepo te keli igne ne glealeꞌa fara.

Jenesis 2:4

Igne u thoutonu eigna God teke vuavuhadi maloa ghe nauthoglu gre. Ka narane teke vuavuhadi God maloa gne nauthoglu gre,

Fapea Kings 19:15

Mana ne tarai eghu ka Lord, “Lord nodi God mae Israel! Iagho gnokro ka nou sape nafnakno na farihoteidi phei engel, kaisei iagho ngala God te funei frunidi kantri te gnafa ka nauthoglu igne. Iagho neke vuavuhadi maloa ghe nauthoglu igre.

Fapea Kronikols 2:12

Tahati cheke fakelini Lord nodi God mae Israel! Mana neke vuavuha maloa kligna ghe nauthoglu pari igne! Lord neke tusu ranghini King Devet kaisei mae thugna te lalase fara nei au tagna gaoghatho te keli. Iagho tangomana te horo kaisei Sugablahi malagna Lord, nei kaisei suga biꞌo malamu themu.

Nehemaea 9:6

Iagho kaisei Lord kolho. Iagho kolho teke vuavuha maloa baludi gobigna lepo te au ke lamnagna, nei nauthoglu baludi gobigna lepo te au ke lamnagna, nei thongna baludi gobigna lepo te au ke lamnagna. Eghuteuna iagho tusu lao karha na ka glepo igre. Eghuteuna engel kligna re pogho soru tarai ka iagho.

Thoutonu Eigna Mae Job 12:9

Naugna mare kafe laseni eigna Lord neke vuavuhadi mare ka khamegna mana.

Nodi Khoje Hatimare Mae Jiu 104:2

U naphae te au faligoho nigho ana fagaglana gna nou nolaghi biꞌo iagho na. Iagho lilisei haghe u maloa na jateula kaisei suga thapuale eghu.

Nodi Khoje Hatimare Mae Jiu 146:6

Lord mae ihei teke vuavuhadi maloa, nauthoglu, nhorora nei gobigna lepo teu te au ke lamnadi. Mana theome chaichaghi ghita, nu mana tathajini fabrahu nogna nhaꞌa cheke na.

Nodi Khoje Hatimare Mae Jiu 33:6

Gobigna lepo ka maloa na are neke vuavuha ka chekegna Lord kolho. Naprai nei glaba nei nathunu teu are neke jifla mei ka chekegna mana.

Nodi Khoje Hatimare Mae Jiu 33:9

Naugna kate cheke na, mana neke vuavuhani nauthoglu gne. Ka chekegna mana na, gobigna lepore neke thakle mei.

Eksodas 20:11

Naugna ka fafamno narane na iara Lord neke vuavuhadi nauthoglu, maloa, nhorora nei gobi nafnotu fateote'o te au ke lamnadi. Nu ka fafitu narane na, iara neke gnafa. Naugna igne, iara Lord neke fablahini narane Sabat gne mala nogu narane iara.

Eksodas 31:17

Narane Sabat igne kaisei fagaglana mala au fabrahu. Eghuteuna fagaglana igne mala laseni te iara Lord neke vuavuha maloa nei nauthoglu igne eghu ka namno narane, eghuteuna ka fafitu narane na, iara neke gnafa ka gloku.’ ”

Profet Isaia 34:4

Naprai, glaba, nei nathunu teu ka maloa na are ginauna dofidi, eghuteuna maloa gne ginauna pipiri jateula vido pepa eghu. Eghuteuna nathunure ginauna khoko soru funu kligna jateula khakla grep ba gaju fig te moja ra eghu.

Profet Isaia 42:5

Lord ngala God mae ihei teke lilisei haghe maloa gne jateula kaisei suga tapuale neku. Eghuteuna mana neke vuavuha nauthoglu igne neke thafru ka thua nafnata glepo te keli. Mana neke phanga lao nakarha ka naikno te gnafa ka nauthoglu igne. Lord neke cheke eghu ka nogna mae gloku na,

Profet Isaia 45:12

Iara neke vuavuha nauthoglu igne, baludi gobigna lepo te au ke lamnagna. Iara neke vuavuha naikno mala au ke lamnagna nauthoglu igne. Tutuani fara, ka nogu nolaghi iara, iara neke vuavuha maloa nei gobigna lepo te au ke lamnagna. Eghuteuna iara funei frunidi naprai nei glaba nei nathunu eghu te au ka maloa kligna.

Profet Isaia 45:18

Lord na mana God mae ihei teke vuavuha maloa baludi gobigna lepo te au ke lamnagna, eghuteuna mana jaola neke eni famaku nauthoglu igne mala au fabrahu tifa tifa. Mana neke theome eni nauthoglu igne mala fiti au kolho neku, theo, mana neke eni nauthoglu igne mala au naikno tagna. Lord neke cheke eghu, “Iara ngala Lord na. Theo kaisei god ahevanga.

Profet Isaia 48:13

Iara neke vuavuha nauthoglu igne eghuteuna iara neke lilisei maloa gne kligna. Eghuteuna kate kilodi iara na, maloa ghe nauthoglu igre ne leghu ghau iara.

Profet Isaia 55:9

Naugna maloa na haghe fara salaꞌuni nauthoglu igne, eghume puhigu iara na haghe fara salaꞌudi puhimi ghotilore. Eghuteuna gaoghathogu iara na jaola haghe fara salaꞌudi gaoghathomi ghotilore.

Profet Isaia 65:17

Lord ne cheke eghu, “Iara ginauna horo maloa majaghani nei nauthoglu majaghani. Gobigna lepo teke edi tifa ra, naiknore ginauna ghatho ihodihi.

Profet Jeremaea 10:12

Ka nogna gaoghatho te keli nei ka nogna glalase eghu thegna Lord neke vuavuha nauthoglu ghe maloa igre. Mana neke vuavuha glepo igre ka nogna nolaghi nei glalase eghu thegna.

Profet Jeremaea 10:16

Nu nogna God mae Jekop igne theome jateula keha nafnata god are eghu. Mana ngala mae ihei teke vuavuhadi gobigna lepo ka nauthoglu igne. Eghuteuna vahi fadelei ghita tahati naiknoda Israel mala nogna naikno thegna. Nanghagna na Lord mae ihei te au nolaghi fateote'o.

Profet Jeremaea 8:2

Eghuteuna mare ginauna atha nhubra te magnahaghedi fara naiknore mala raba tafri ke kligna glose, ba ke pari naprai, glaba nei nathunu. Tifa na, mare tuturupuku soru toredi nhubra igre mala toghodi. Nu nhubra igre ginauna jateula chara eghu ke kligna glose. Eghuteuna theo kaisei naikno nate salo nhubra igre te mala giugilui na.

Profet Sekaraea 12:1

Kaisei nogna cheke profet: Cheke igne mei funugna ka Lord eigna Israel. Lord mae ihei teke edi maloa ghe nauthoglu igne, mana neke tusu lao nakarha na ka naikno, neke cheke eghu,

Luku 2:13

Eghuteuna kaisei tothoghei engel gna kligna ghosei ne mei ne salo fodu balugna engel au tekeu jare na ne kafe koje kilo fnaknoni God, ne cheke eghu,

Mae Khuru 4:24

Kate nomhini igne, naiknore kaisei nagnafa ngala ne kafe tarai fodu ka God ne cheke eghu, “Lord God, iagho mae neke vuavuhani maloa, nei glose, nei nhorora, nei gobigna lepo te au ke lamnadi.

Mae Khuru 7:42

Nu God na ne figri lao thagrugna na ka mare nei snakredi mare mala pogho soru ka naprai, ka glaba, nei ka nathunu. Igne unha te risoni ka nodi buka mae profet ra. God neke cheke eghu, “ ‘Ghotilo naiknomi Israel ra, kate au ka namono nagou ia ghotilo neke au jare phiatutu finogha, ghotilo neke falelehe buluka koba neke fafara. Nu fafara tuare theome nogu iara.

Diutronomi 17:3

Jau mae igne huhughuni nogna vetula Lord na eghuteuna mana tarai ka keha god delei, ba jau mana pogho soru tarai ka naprai, ba glaba, ba ka nathunu.

Diutronomi 4:19

Ghotilo fiofilo ghami glahu chaghi ghami mare korhi ghami mala pogho soru nei tarai eghu ka glepo te filodi ka maloa na are, naprai nei glaba, nei nathunu. Lord neke tusu mei glepo igre ka keha naikno te au heva heva ka nauthoglu igne mala tarai nei pogho soruni eghu God.

Hibru 4:3

Nu tahati naikno te fatutuani gre tangomana te ruma ka namono mala gnafa na tifa tifa. “Tahati laseni kaisei namono te thofno tutuani mala gnafa naugna God neke cheke eghu eidi mae Israel, ‘Ginauna na theome tangomana te mei ka namono te au iara na mala gnafa balugu iara!’ ” God ne cheke eghu theome eigna teke theome kulu tarabana mana kaisei namono te mala gnafa na, theo. Namono igne la kulu tarabanahi kate ke loku fagnafa nogna gloku na ka teke vuavuhadi mana gobigna lepo ka nauthoglu gne. Tutuani, nogna gnafa mana na fufunu ka narane tuana tifa tifa.