Jenesis 19:3 - Buka Blahi Ka Cheke Holo

³ Nu mae Lot ne toredi fara phia mare mala tei ka nogna suga na. Aonu phia mare ne leghuni mana ne tei ka nogna suga mana na. Mae Lot ne chekedi nogna mae gloku re ne kuki bret te theo isi gna na ne tarabana mala ima phia mare.

Jenesis 19:3 Iomraidhean Croise

Jenesis 19:2

Mana ne cheke eghu, “Phia mae biꞌo, ghopa mei ka nogu suga iara nomi mae gloku gne. Ghopa na kulu titihi gahemi are leghuni noda kastom tahati ia, eghuteuna bongi na ghopa na thuru agne ka sugagu iara gne. Eghuteuna hamerane nathuꞌu ame ke tei nga ghopa eghu.” Aonu phei engel re ne cheke eghu ka mana, “Theo. Ghepa gne ginauna na thuru ngala agne ka glalabagna namono igne.”

Jenesis 21:8

Ka thofno narane te lisa chuꞌu mae Isak na, mae Ebraham ne eni kaisei gaghamu biꞌo.

Jenesis 24:31

Mae Laban ne cheke eghu ka mana, “Mae biꞌo, Lord na la fablahi nigho iagho hi! Mei sagho mala ari ka suga na. Iagho theome tangomana te au teu agne na. Iara la kulu tarabanahi suga malamu iagho na nei jaola kaisei vido maladi nou kamel iagho re eghu.”

Jenesis 26:30

Eghume mae Isak ne eni kaisei gaghamu biꞌo ranghidi thilo mare, eghuteuna mare ne kafe ghamu nei koꞌu neu fodu.

Fapea Kings 4:8

Kaisei narane, profet Elisa ne tei ka namono Sunem. Eghuteuna ka namono igne na au kaisei naikno biꞌo te dedei. Naꞌa ne kiloni mae profet mala tei ghamu baludi repa khetogna. Funu ka narane tuana, kate tei mana Sunem na, mana tei ghamu koba ka sugadi repa na.

Eksodas 12:15

Lord neke cheke eghu, “Naba fitu narane te mala ima ghotilo u bret te theo isi gna na ia. Ka narane ulu lahu na, ghotilo mala koko isi te au ka sugami re. Eghuteuna jame kaisei naikno ka ghotilo ima bret te au isi tagna na funu ka narane ulu lahu na te ghilei thoke ka fafitu narane na, ghotilo lisei fakosini naikno tuana ke kosigna vikegna Israel.

Eksodas 12:39

Mare theo kaisei vido te snagla te mala kaikaliti ghedi na, naugna mae Ijep gre ne ghosei ne kuru fajifladi. Nu mare puipukhi flaoa te theo isi gna na ngala te kuki te eꞌei bret na.

Luku 11:8

Te chekeni iara ka ghotilo na, mana jame theome magnahaghei kegra te tusu ari gano ka iagho na, neubane mae kheragna thofno iagho. Nu mana ginauna na tangomana te kegra haghe te tusu ari unha te magnahagheni iagho na, naugna iagho ne theome mamaja te tore fabrahu na. Eghuteuna heta gheu iagho te theome khusu thore na.

Luku 14:23

“Mae funei na ne cheke eghu, ‘Ke tei sagho ka nabrou ke kosi namono are ba ka nabrou ikodi ke mata are mala hata mei keha naikno mala fodu nogu suga gne.

Luku 5:29

Ke leghugna igne, mae Livae igne ne eni kaisei gaghamu biꞌo ranghini mae Jisas ka nogna suga na. Kmana naikno te diꞌa te salo takis nei keha naikno te diꞌa langau eghu ne khapru mala ghamu baludi phiamare.

Jone 12:2

Mare ne tarabana kaisei gaghamu malagna mae Jisas jare. Eghuteuna Mafa ne toghodi mare ka tufagna gano na. Mae Lasaros gne kaisei mae ka mae teke ima balugna mae Jisas kau tevo na.

Ululahu Korin 5:8

Eghume kate leghuni tahati Kraes ka nakarha majaghani na, theome tangomana tahati te edi nafnata nakhibo ba nafnata puhi te diꞌa teke edi tifa ra. Nu te edi tahati puhi tuare jateula isi te fabiꞌo bret ia eghu. Nu tahati mala jateula bret te theo kaisei isi ka noda Gaghamu Ghasa-Polho na ia eghu mala doglo nei cheke kate tutuani.

Fapea Korin 5:14

Nogna namha Kraes na sagheleghu ghami ghehati. Naugna ghehati laseni kaisei Kraes ngala teke lehe tughu ghita te gnafa na. Eghume tahati te gnafa na jateula te lehe balugna mana eghu.

Hibru 13:2

Thosei ghatho ihoni mala toghodi naikno te posa mei ka sugamire. Keha naiknore tifa na neke theome filo glanidi kolho, nu mare neke toghodi engel ka sugadire.

Jajis 6:19

Aonu Gidion tei ne aknu falehe kaisei sua nanigot ne kuki nafnahi na. Mana hata baeg flaoa ne kuki bret te theo isi gna. Mana ne hohono nafnahi igre ka kaisei kharaꞌo, eghuteuna lilisei susupu gna na ka kaisei suspen. Aonu mana hata ne mei gano igre ne tusu lao ka engel ke parigna gaju biꞌo na.

Ululahu Samuel 28:24

Naikno biꞌo igne ghosei ne tei aknu falehe kaisei sua buluka te blokha ne kuki. Naꞌa atha keha flaoa ne kuki keha bret te theo isi gna na.