Jenesis 19:1 - Buka Blahi Ka Cheke Holo

¹ Kaisei grafi, kate gnokro teu mae Lot ka grengathagna namono biꞌo Sodom, mana ne filodi phei engel teke tei balugna Lord teke filoni mae Ebraham ra ne mei ka mana. Mae Lot kegra haghe ne tei ne pogho soru pari ke uludi phia mare.

Jenesis 19:1 Iomraidhean Croise

Jenesis 13:12

Mae Ebram ne tei au soru ka kantri Kenan. Eghuteuna mae Lot ne tei au soru fari hoteidi namono biꞌo te au ka sare khoꞌu Jordan. Jare mae Lot ne hohoro haghe nogna suga tapuale na rhegna namono Sodom.

Jenesis 18:16

Aonu thilo mae igre kegra haghe ne jifla ka suga tapuale na ne tei. Mae Ebraham jaola ne jifla ne tei baludi thilo mae igre mala filodi ke tei dire. Mare mei ne kegra ka kaisei vido jare ne filo soru ka namono biꞌo Sodom.

Jenesis 18:22

Aonu phei mae ka thilo mae igre kegra haghe ne tei Sodom. Eghuteuna Lord na ne au neu balugna mae Ebraham.

Jenesis 19:10

Nu phei mae te au balugna mae Lot igre ne tora grengatha na ne mei korho fasuga ni mae Lot. Aonu phia mare ne bibilakhi famaku grengatha na.

Jenesis 19:2

Mana ne cheke eghu, “Phia mae biꞌo, ghopa mei ka nogu suga iara nomi mae gloku gne. Ghopa na kulu titihi gahemi are leghuni noda kastom tahati ia, eghuteuna bongi na ghopa na thuru agne ka sugagu iara gne. Eghuteuna hamerane nathuꞌu ame ke tei nga ghopa eghu.” Aonu phei engel re ne cheke eghu ka mana, “Theo. Ghepa gne ginauna na thuru ngala agne ka glalabagna namono igne.”

Jenesis 23:12

Aonu mae Ebraham ne pogho soru pari,

Jenesis 48:12

Eghuteuna mae Josep ne hata fadelei phei mae thugna re ka ghahegna mae kmagna na ne pogho soru pari.

Thoutonu Eigna Mae Job 29:7

“Ka narane tuana, iara gnokro ka faidu ka namono na, eghuteuna iara jaola tei faidu baludi goro mae biꞌo.

Thoutonu Eigna Mae Job 31:32

Iara toredi naikno phosa te mei ka namonogu iara na mala au ka nogu suga tapuale iara na. Eghuteuna mare te gnafa na kaisei thei, mei ruma lamna ka nogu suga tapuale iara na.

Nodi Khoje Hatimare Mae Jiu 69:12

Leuleghu fata na mare salo fodu ka namono na mala buiburi ghau iara, eghuteuna mae te koꞌu te dranga re jaola edi keha khoje te diꞌa eigu iara.

Luku 17:28

“Eghuteuna nauthoglu igne ginauna na jateula narane gna mae Lot ra eghu. Naiknore neke ima ghedi, koꞌu ghedi, foli nodi, sabiri nodi, joꞌu ghedi gano, ba babana nodi suga.

Hibru 13:2

Thosei ghatho ihoni mala toghodi naikno te posa mei ka sugamire. Keha naiknore tifa na neke theome filo glanidi kolho, nu mare neke toghodi engel ka sugadire.

Thoutonu Eigna Rut 4:1

Mae Boas ne tei ka grengathagna namono te mala faidu na ne gnokro ofo neu jare. Theome raugha mae Boas ne filo thafoni mae ihei teke chekeni mana ka Rut ia, mana ne mei salaꞌu jare. Mae Boas ne cheke eghu ka mana, “Ghema thabusigna, meigu sagho agne.” Aonu mana mei ne gnokro soru balugna mae Boas.