Jenesis 18:3 - Buka Blahi Ka Cheke Holo

³ Mae Ebraham ne cheke eghu ka thilo mae igre, “Thilo mae biꞌo, iara magnahaghei ghami ghotilo fara te mei ka sugagu iara nomi mae gloku ghotilo gne. Ghotilo theome tangomana te fasalaꞌuni nogu suga iara gne te tei kolho na.

Jenesis 18:3 Iomraidhean Croise

Jenesis 18:2

Mana ne filodi thilo mae te kegra teu ka namono na. Kate filodi thilo mae igre, mana ghosei ne kegra haghe ne tei ka thilo mare. Mana lao ne pogho soru pari ke uludi thilo mare.

Jenesis 18:4

Iara ginauna na chekeni kaisei nogu mae gloku mala hata mei keha khoꞌu te mala titihi ghahe ghotilo na. Ghotilo tangomana te lao gnafa nomi ghu ke parigna u gaju igne.

Jenesis 24:31

Mae Laban ne cheke eghu ka mana, “Mae biꞌo, Lord na la fablahi nigho iagho hi! Mei sagho mala ari ka suga na. Iagho theome tangomana te au teu agne na. Iara la kulu tarabanahi suga malamu iagho na nei jaola kaisei vido maladi nou kamel iagho re eghu.”

Jenesis 32:5

Iara au nogu tothoghei buluka, dongki, sipu, nanigot, mae gloku nei gaꞌase gloku eghu. Iara faꞌari cheke igne ka iagho nei tore nigho iagho eghu mala keli iagho ranghi ghau iara eghu.’ ”

Jenesis 39:4

Aonu mana ne keli tagna fara ka mae Josep ne vahini mana mala kaisei nogna mae funei gloku. Eghuteuna mana ne lisa lao ka Josep u nolaghi te mala reireghidi khetogna, thugna, nei gobigna lepo eghu te khotodi mana re.

Jajis 6:18

Iara magnahaghei nigho iagho te ofo teu ghilei tei hata mei iara keha gano mala tusu ari iara ka iagho mala kilo fnakno nigho iagho.” Engel igne ne cheke eghu, “Keli fara, iara ginauna ofou.”

Jajis 6:19

Aonu Gidion tei ne aknu falehe kaisei sua nanigot ne kuki nafnahi na. Mana hata baeg flaoa ne kuki bret te theo isi gna. Mana ne hohono nafnahi igre ka kaisei kharaꞌo, eghuteuna lilisei susupu gna na ka kaisei suspen. Aonu mana hata ne mei gano igre ne tusu lao ka engel ke parigna gaju biꞌo na.

Jajis 6:20

Nogna Engel God igne ne cheke eghu ka mana, “Gidion, iagho lilisei nafnahi nei bret teu are ke kligna gna thina biꞌo igne, eghuteuna iagho totofa susupu ana ke kligna.” Eghuteuna Gidion ne leghuni unha te chekeni mana igne.