Jenesis 16:7 - Buka Blahi Ka Cheke Holo

⁷ Engel nogna Lord na ne thafoni Hega rhegna kaisei glokha ka namono nagou na. U glokha igne rhegna nabrou te mala tei thoke ka namono Sur.

Jenesis 16:7 Iomraidhean Croise

Jenesis 20:1

Mae Ebraham jifla ka namono Mamre ne tei au Negev, fari hoteidi phei namono Kedes ghe Sur. Ke leghugna igne mae Ebraham ne hata Sera khetogna na ne tei au ka namono Gerara.

Jenesis 21:17

God ne nomhini te tanhi mae sitei na, eghuteuna nogna engel God na au neu kligna ne cheke eghu ka Hega, “Unha site diꞌanagnafani iagho gnea, Hega? Thosei mhaghu. God na la nomhinihi te tanhi teu jare mae sitei na.

Jenesis 21:18

Tei sagho togho hagheni nei faloku khameni eghu mae sitei na. Iara ginauna eni vikegna mae sitei igne mala kaisei vike biꞌo fara.”

Jenesis 21:19

Aonu God ne falalase ka Hega kaisei khoꞌu seu. Naꞌa tei ne toho fafodu duku guli na ka khoꞌu ne fakoꞌuni thugna na.

Jenesis 22:11

Nu engel nogna Lord na au neu kligna ne eha eghu ka mana, “Ebraham! Ebraham!” Mae Ebraham ne cheke eghu, “Iara au teu ao Lord.”

Jenesis 22:15

Nogna engel Lord na ne fapea ehani mae Ebraham ne cheke eghu,

Jenesis 24:7

Lord, God gna kligna na neke hata fajifla ghau iara ka suga gna mae kmagu na, nei ka glosedi eghu vikegu iara re neke nhaꞌa cheke eghu ka iara, ‘Iara ginauna na tusu ari ka vikemu iagho gre namono igne.’ Eghume Lord ginauna na kuruni nogna engel na mala baubatu nigho tei posa ka namonogu iara na. Eghuteuna engel igne ginauna na togho nigho iagho mala hata iagho kaisei gaꞌase malagna mae thugu iara na jare.

Jenesis 25:18

Vikegna mae Ismael gre neke theome au baludi vikegna mae Ebraham gre, nu mare au ngala fari hoteidi phei namono Havila ghe Su ke maghati Ijep, ka nabrou te funu Ijep te tei posa Asiria.

Jenesis 31:11

Ka mifi igne, nogna engel God na ne cheke eghu ka iara, ‘Jekop!’ Iara ne cheke eghu, ‘Hoe.’

Eksodas 15:22

Ke leghugna igne mae Moses ne baubatudi naiknodi Israel gre funudi ka Thongna Ukru na ne tei thoke ka namono nagou te kiloi Sur. Mare ne tei naba thilo narane ke lamnagna namono nagou na, nu mare ne theome te filoni kaisei khoꞌu na.

Eksodas 3:2

Jare engel nogna Lord na ne thakle mei ke lamnagna khaꞌaghi te deudeplu teu ka kaisei gaju ikoi. Eghuteuna Moses ne jaglo nogna fara te filoni khaꞌaghi te deudeplu ka gaju igne, nu theome gnhubra kolho khaklagna re teu igne.

Proveb 15:3

Lord na filo ka naikno te keli nei ka naikno te diꞌa, eghuteuna lasedi unha te edi mare re.

Ululahu Samuel 15:7

Mae Sol tarabana nogna armi na ne tei baludi ne magra ka maedi Amalek igre ne uludi mare. Magra igne ne ghilei tei posa ka nohi ke maghati Havila, nei ka nohi Sua namo ke mosu Ijep.