Jenesis 16:12 - Buka Blahi Ka Cheke Holo

¹² Mae thumu iagho na ginauna na au jateula kaisei dongki namhata eghu na tei tafri kolho ke lamna namono nagou eghuteuna mana na tirogna fanomho ka ihei nga. Nu mana ginauna na naoka fabrahu baludi keha naiknore, eghuteuna naiknore ginauna na jaola naoka fabrahu balugna mana eghu. Mana ginauna na theome gnokro fakeli baludi mae thabusigna re.”

Jenesis 16:12 Iomraidhean Croise

Jenesis 21:20

Kate biꞌo haghe mana na God ne toghoni mae sitei na. Mae Ismael au ka namono nagou ne kaisei mae lase fada jata fara.

Jenesis 25:18

Vikegna mae Ismael gre neke theome au baludi vikegna mae Ebraham gre, nu mare au ngala fari hoteidi phei namono Havila ghe Su ke maghati Ijep, ka nabrou te funu Ijep te tei posa Asiria.

Jenesis 27:40

Iagho ginauna mala magra ka naflahi malagna te tangomana iagho te tei deni gano ba vido aheva te keli te mala au na. Eghuteuna iagho ginauna mae mala loku ranghini kolho mae tahimu na. Nu kate kegra heta fabrahu iagho kate leghuni mana na, iagho ginauna na snagla nou ka mana, eghuteuna ke leghugna igne mana ginauna na theome tangomana teke funei fruni nigho iagho na eghu.”

Jenesis 37:25

Ke leghugna tela koko sorunihi mae Josep ka khora na, mare gnokro soru ne ghamu. Kate ghamu teu mare na, mare ne filodi vikegna mae Ismael re ne mei funudi Gilead mala tei Ijep. Nodi kamel re fodu ka wit nei meresin nei sedi mala ghiha ka thini eghu. Glepo igre mala tei sabiri ka kantri Ijep.

Thoutonu Eigna Mae Job 11:12

Naikno te theo kaisei glalase ka phaꞌugna na, mana theome tangomana te leghuni puhi te lalase na. Kaisei nanaba ka puhigna dongki te theome tangomana te karha thugna naikno!

Thoutonu Eigna Mae Job 24:5

Naugna igne, naikno te kuma igre jifla tei ka namono nagou jateula dongki mata eghu, mala tei hiro gano maladi thudi re.