Jenesis 16:10 - Buka Blahi Ka Cheke Holo

¹⁰ Eigna iara ginauna na eni vikemu iagho na mala kmana fara, eghuteuna ginauna na theo kaisei naikno nate tangomana nate kahadire.

Jenesis 16:10 Iomraidhean Croise

Jenesis 13:16

Iara ginauna na eni thumu iagho gre mala vuragha e thovu fara jateula nusu eghu. Jame la kahadi ngau mare u nusu igre ame tangomana nga mare te kahadi thumu iagho gre eghu!

Jenesis 16:9

Aonu engel na ne cheke eghu ka naꞌa, “Iagho ke pulo ka Sarai mala ke leghudi nogna cheke naꞌa re.

Jenesis 17:20

Iagho neke tore ghau iara mala fablahini mae Ismael. Uve, iara neke nomhinihi nou cheke iagho na. Iara ginauna na fablahini mana nei na tusu ranghini mana kmana sua eghu mala biꞌo vikegna mana na. Mana ginauna na kmadi nabotho phei mae king.

Jenesis 21:13

Eghuteuna vikegna mae Ismael thugna thau sneka igne ginauna na jaola kaisei vike biꞌo fara naugna God ginauna toghoni mana te mala eni igne na. Mana neke thumu la iagho.”

Jenesis 21:16

Aonu naꞌa ne tei fakhaba katha vido ikoi jame nabagna kaisei gobi mita ne gnokro soru pari, ne cheke eghu ka gaoghathogna na, “Iara theome magnahaghei te filoni glehegna thugu na.” Aonu naꞌa gnokro neu jare ne funu tanhi.

Jenesis 21:18

Tei sagho togho hagheni nei faloku khameni eghu mae sitei na. Iara ginauna eni vikegna mae sitei igne mala kaisei vike biꞌo fara.”

Profet Isaia 63:9

Kate kabru nei au papara teu mare na, Lord na jaola kabru nei au papara eghu baludi. Mana namhadi nei kokhonidi eghu, naugna igne mana thegna teke fakarhidi nei atha fasnagli teku re. Funu tifa te mei na, mana neke reireghidi fabrahu.

Profet Malakai 3:1

Nu Lord mae ihei te nolaghi fateotei igne ne cheke eghu, “Iara ginauna kuruni nogu mae mala atha nonomho na mala kulu tarabana nabrou gu iara. Nomi Lord te ofoni teu ghotilo igne ginauna megeinga mei ka nogna Sugablahi na. Uve, mae te thofno magnahaghei filoni ghotilo igne ginauna mei, eghuteuna mana ginauna chekeni nogu nhaꞌa cheke iara na.”

Jone 1:18

Funu tifa te ghilei thoke ka narane gognarogne, theo kaisei naikno te thofno filoni God na. Nu mae Jisas Kraes thofno mae Thugna God te au balugna Mama na ngala te mei fatakleni God ka tahati na.

Ululahu Timoti 6:16

Mana thegna ngala te theome tangomana te lehe na. Mana au ke lamnagna naphae biꞌo te theome tangomana naiknore te tei rhegnai. Theo kaisei naikno te filoni God, ba tangomana te filoni mana. Ranghini nafnakno nei nolaghi tifa tifa. Amen.

Jajis 6:11

Kaisei narane, kaisei engel funugna Lord mei ne gnokro ke parigna kaisei gaju biꞌo ka vido te kiloni mare Ofra. Mae Joas gne maegna ka vido igne eghuteuna mana vikegna mae Abiesa eghuteuna mana reireghini gaju igne. Eghuteuna Gidion thugna mae Joas igne, mana fagagae khunedi sisi flaoa mala ghamu, nu mana edi poru ke lamnagna vido mala eni waen na. Mana eni igne mala theome tangomana maedi Midian igre te mei blau gano igre.

Jajis 6:16

Nu Lord ne cheke eghu ka mana, “Iara ginauna tei balumu iagho. Eghume iagho tangomana naugna iara ginauna togho nigho iagho mala aknu falehedi vikegna Midian jateula iagho te aknu faleheni kaisei mae ra eghu kolho.”