Jenesis 15:2 - Buka Blahi Ka Cheke Holo

^2-3 Nu mae Ebram ne cheke eghu, “Lord God, unha glepo te keli gne nate tusu mei iagho ranghi ghau iara na? Glepo mala nogu iara teku iagho gre na theo ihei nga teke khotodire naugna iara gne theo kaisei thugu! Kate lehe iara ginauna mae Eliesa gna Damaskas ihei te loku ka suga gu iara gne ngala nate ke khotodi glepo teke khotodi iara re.”

Jenesis 15:2 Iomraidhean Croise

Jenesis 14:15

Fari hotei bongiro jare ka namono Dan, mae Ebram ne fofota nogna mae nheta re ka phei tothoghei. Mare megei nga ne tutu posa nasnura na ka hatimare mae thara ne uluni magra igne ka bongi tuana. Mare ngolhi leghudi ne tei posa ka namono Hoba ke raru Damaskas.

Jenesis 15:1

Ke leghudi te edi glepo igre, Lord ne cheke eghu ka mae Ebram ka mifi na, “Ghema Ebram, thosei mhaghu. Iara jateula kaisei nou greoreo eghu iagho mala pophoru nigho, nei iara tangomana te reireghi fakeli nigho iagho. Iara ginauna na tusu ari glepo te keli ka iagho naugna iagho ne namha ghau iara.”

Jenesis 24:10

Aonu mae gloku na ne hata nogna nabotho kamel mae Ebraham ra nei hata balugna kmana soasopaigna nafnata glepo te keli eghu mala namha. Mana tarabana glepo igre ne tei ka namonogna mae Naho na jare ka kantri Mesopotemia.

Jenesis 24:2

Aonu mae Ebraham ne ehani nogna mae gloku te loku ranghini mana funu tifa na. Mae igne mae ihei mala reireghidi nogna glepo te gnafa teke khotodi mae Ebraham re. Mae Ebraham ne cheke eghu ka mana, “Haboni thinigu iara gne fagaglana gna nate leghudi iagho nogu cheke iara gre.

Jenesis 25:21

Nu khetogna mae Isak gne neke khara neke theo thugna kolho, aonu mae Isak gne neke tarai ka Lord eigna Rebeka. Lord neke cheke tughuni nogna tharai mae Isak na. Aonu Rebeka bukla ne au phei thugna nalhaꞌu.

Jenesis 39:9

Agne na theo kaisei mae te jateula iara teu ka te loku ka suga igne na. Mae Potifa theome lhotini kaisei glepo ka iara. Mana neke theome cheke ranghi ghau iara te mala thuru balumu iagho na, theo fara, naugna iagho khetogna mana. Iara theome tangomana te eni kaisei puhi te diꞌa ranghini mana. Jame te eni iara puhi te diꞌa tuana ranghini mana na, iara tapla jafra ka nakhibo ke ulugna God eghu.”

Jenesis 43:19

Aonu mare ne filoni nogna mae gloku mae Josep te mala reireghigna nogna suga mana na kegra neu jare rhegna grengatha na, mare tei ne cheke eghu ka mana,

Jenesis 44:1

Kate ima te gnafa mare na, mae Josep ne cheke eghu ranghini nogna mae gloku te mala reireghi gna nogna suga na, “Fa fofodu nodi duku mae te ima balugu iara igre ka wit naba te mala hata teke pulo mare na. Eghuteuna ke hohono fapulo nodi sileni are ka soasopaigna nodi dukure.

Nodi Khoje Hatimare Mae Jiu 127:3

Goro sua te karha mei ka tahati igre, igne kaisei nogna namha biꞌo Lord ranghi ghita tahati.

Proveb 13:12

Naikno na diꞌanagnafa gna fara kate theome hata unha teke rouronuni na. Nu jame te hata mana glepo igne na, mana ginauna gleale'a fara.

Proveb 17:2

Mae gloku te autagna gaoghatho keli na ginauna funei fruni ni thugna mae funei te diꞌa puhigna. Eghuteuna kate lehe mae funei igne na, mae gloku igne ginauna hata kasa nogna glepo mae funei na.

Profet Isaia 17:1

Lord neke cheke eghu eigna Damaskas, “Neuba Damaskas ne kaisei namono biꞌo, nu ginauna na kaisei bukrei chara kolho.

Profet Isaia 56:5

Iara ginauna tusu ari nafnakno ka mare ke lamnagna nogu Sugablahi na, uluni jame te au thudi mare na. Eghuteuna nogu naikno iara re ginauna theome ghatho ihodi mare.

Profet Jeremaea 49:23

Igne nogna cheke Lord eigna Damaskas. Mana ne cheke eghu, “Phei namono Hamat ghe Apadi ginauna nomho thoutonu diꞌa, eghuteuna mare ginauna nanga nodi fara nei mhaghu nodi fara eghu. Mare ginauna diꞌa thinidi fara jateula mae te au lamna vaka kate malu ra eghu.

Mae Khuru 7:5

Ka narane tuana God neke theome ke tusu lao kaisei vido glose ka mae Ebraham, thono theo fara, theo kaisei vido glose teke tusu lao God ka mana na. Nu neubane theo thugna ngau mae Ebraham, God neke nhaꞌa cheke ka mana nei naikno nate karha mei ka vikegna mana igre te mala khotogna namono igne ginauna.

Thoutonu Eigna Rut 2:6

Mae funeigna gloku na ne cheke eghu ka mae Boas, “Gaꞌase ana thaugna Moab neke mei agne balugna Naomi.

Ululahu Samuel 1:11

Hana ne eni kaisei naꞌa cheke ne cheke eghu, “Lord iagho mae ihei te au nolaghi fateote'o. Kokhoni ghau iara. Filo meini puhi biꞌo te au ka iara igne. Ghatho mei ghau, those ghatho koko ghau! Jame te tusu mei iagho kaisei sua ka iara na, iara nhaꞌa cheke, iara ginauna nake tusu fapulo ka lagho, mala nou mae gloku iagho ka nakarha gna fateo na. Eghuteuna mala laseni naiknore mae igne mala nou mae gloku iagho, eghuteuna mare ginauna theome kuchi khaklagna na.”