Jenesis 13:8 - Buka Blahi Ka Cheke Holo

⁸ Aonu mae Ebram ne cheke eghu ka mae Lot, “Theome keli te au mei kaisei magra fari hoteida tapa nei fari hoteidi noda mae gloku gre teuna. Naugna tapa gne kaisei vike ngala.

Jenesis 13:8 Iomraidhean Croise

Jenesis 13:9

Tapa na sopa thei. Filo sagho ka nohi biꞌo ke ulumu ana. Jame te magnahaghei iagho fei mairi na, iara na tei fei nheta. Jame te magnahaghei tei iagho fei nheta na, iara na tei fei mairi.”

Jenesis 14:14

Kate nomhini mae Ebram te sneka tela tei mae nebugna na ka magra na mana ne kilodi thilo gobi nabotho nhanai nogna mae nheta re ne ngolhi leghudi mae thara re ne posa ka namono Dan.

Jenesis 45:24

Kate kuru teidi mae thabusigna re, mae Josep ne cheke eghu ka mare, “Ghotilo jifla tei, nu thosei fari fapholai fari themi eghu.”

Jenesis 46:34

Ghotilo cheke eghu ka mana, ‘Mae biꞌo, ghehati mae greiregi sipu nei buluka eghu. Ghehati neke edi nafnata gloku igre funu suami ghilei posa gognaro gne. Eghuteuna vikegna mae kmami ghehati na neke edila nafnata gloku igre tifa na.’ Jame te cheke eghu ghotilo ka mae king na, mana ginauna na snakre ghami ghotilo mala au soru ka nohi Gosen, naugna naiknodi Ijep gre theome magnahaghedi mae greiregi sipu gre te au rhedire.”

Nodi Khoje Hatimare Mae Jiu 133:1

Kheraguro! Thofno keli fara te au fodu tahati nogna naikno God ra te kaisei gaoghatho ngala jateula kaisei thabusigna teuna.

Eksodas 2:13

Ka keha narane na, Moses tei ne filodi phei Hibru ne magra. Aonu mana ne cheke eghu ka mae ihei te jafra ka phiamare na, “Naugna unha sagho te tutini mae kheramu themu gnea?”

Proveb 15:1

Thoghei famane cheke ka mae te thono diꞌatagna fara na, mana ginauna ke jemnu soru. Nu jame te cheke faheta fara iagho na, mana ginauna brana salaꞌui.

Proveb 15:18

Mae te ghosei te diꞌatagna na, mana faꞌeiꞌei puhi. Nu mae te thoghei te taegoni naikno na, naiknore na au ka pharikeli.

Proveb 20:3

Naiknore ghatho tahu nigho jame te theome magra iagho na. Nu naikno te fameomekro na kolho te ghosei te magra na.

Matiu 5:9

Keli tadi iheire te loku eigna na au muana ke lamnadi iheire te magra. Naugna God ginauna kilodi goro thugna.

Mae Khuru 7:26

Ka keha narane na, mae Moses neke filodi phei maedi Israel ne magra neu. Mana ne fariuriu salo fodudi phiamare ka namha mala thosei magra. Mana ne cheke eghu, ‘Sei, phia mae! Ghopa thabusigna sia, ba magra unha si ghopa ia?’

Letas Teke Riso Tei Mae Pol Ka Khiloau Rom 12:10

Fari namhai jateula thabusigna eghu ka Kraes. Ghatho tahudi keha thabusigna ka khiloau gne ke tulaomi themi.

Filipae 2:14

Uve, te chekeni iara ka ghotilo na, thosei au cheke leghugna nei thosei khuru magra eghu.

Ululahu Tesalonika 4:9

Ghehati theome naba te riso ari ka ghotilo eigna te mala namhani kherada fofodu ka khiloau. Naugna God thegna farirhiu ghamihi ghotilo te mala fari namhai na.

Hibru 12:14

Fariuriu mala au kau pharikeli baludi naikno te gnafa nei fariuriu langau mala au ka nakarha te klino. Naugna iheire ngala te au klino re nate filoni God na.

Hibru 13:1

Namhadi fabrahu kherami naikno khiloau are.

Ululahu Pita 1:22

Gognaro ghotilo fagae ghamihi themi naugna ghotilo leghuni cheke te tutuani na. Eghuteuna gognaro ghotilo jaola tangomana te namhadi kherami fofodure ka khiloau gne. Eghume te keli na ghotilo kafe namhadi naikno khiloau te gnafare ka thofno nagnafami fateo.

Ululahu Pita 2:17

Ghatho tahudi naikno te gnafa nei namhadi kherada te gnafa ka khiloau gne. Thofno ghatho tahuni God ke uludi naikno te gnafare nei jaola ghatho tahuni mae king biꞌo gna Rom.

Ululahu Pita 3:8

Leghu lahu na, ghotilo te gnafa na mala kaisei nomi gaoghatho ngala, nei kokhonidi gnafa naiknore. Fari namhai jateula te thabusigna tutuani eghu ngala, nei keli ranghini ihei nei au faleghu ghami themi.

Ululahu Pita 4:8

Kaisei glepo te mala eni ghotilo te ulu fara ka gobigna lepore na igne, thofno fari namhai. Naugna puhi te fari namhai igne tangomana ghotilo te hata koko fari themi nakhibo te kmanare.

Fapea Pita 1:7

Ghotilo mala namhadi naikno khiloau are nei namhadi naikno te gnafa.

Ululahu Jone 4:7

Uve kheraguro, tahati fari namhai, naugna namha na mei funu ka God. Ihei te namha na thugna God nei laseni God.

Jajis 9:26

Kaisei narane mae Gaal thugna Ebed ne tei Sekem baludi thabusigna thegna re. Eghuteuna naiknodi Sekem igre ne leghuni mana mala batudi mare.