Jenesis 12:1 - Buka Blahi Ka Cheke Holo

¹ Lord ne cheke eghu ka mae Ebram, “Ghema Ebram, jifla kokodi namonomu, kheramu, nei vikedi mae kmamu teu iagho igre mala tei ka kaisei namono aheva iara nate fatakle arini tamu na.

Jenesis 12:1 Iomraidhean Croise

Jenesis 15:7

Lord jaola ne cheke eghu ka mae Ebram, “Iara Lord. Iara neke batu fajifla nigho ka namono Ur jare Babilonia. Iara neke eni igne mala tangomana iara te tusu ari ka iagho namono igne mala khotogna iagho.”

Jenesis 20:13

Kate cheke God ka iara te mala jifla kokoni sugagna mae kmagna na, iara neke tei tafri ka keha vidoi, eghuteuna iara neke cheke eghu ka Sera, ‘Igne puhi te keli jame te eni iagho ranghi ghau iara ka vido te gnafa aheva te tei tapa na, iagho mala cheke eghu ka naiknore, Ebraham gne thabusigu iara.’ ”

Jenesis 24:4

Nu iagho mala ke pulo ka thofno namonogu nei vikegu teu iara ra mala filoni kaisei gaꞌase jare mala khetogna mana, mae thugu iara igne.”

Jenesis 24:7

Lord, God gna kligna na neke hata fajifla ghau iara ka suga gna mae kmagu na, nei ka glosedi eghu vikegu iara re neke nhaꞌa cheke eghu ka iara, ‘Iara ginauna na tusu ari ka vikemu iagho gre namono igne.’ Eghume Lord ginauna na kuruni nogna engel na mala baubatu nigho tei posa ka namonogu iara na. Eghuteuna engel igne ginauna na togho nigho iagho mala hata iagho kaisei gaꞌase malagna mae thugu iara na jare.

Jenesis 26:2

Lord ne thakle ka mae Isak jare ne cheke eghu ka mana, “Ghema Isak, thosei tei Ijep. Iagho au ngala ka namono aheva mala au iagho teku iara igne.

Nehemaea 9:7

“Lord God kaisei iagho ngala teke vahini mae Ebram teke batu fajiflani ka namono Ur jare Babilonia, eghuteuna iagho tughu nanghagna na neke Ebraham.

Profet Isaia 37:12

Kuꞌegu iara tifa ra neke roꞌedihi namono biꞌo Gosan, Haran, nei Resef, neke falehedi naiknodi Eden teke au Telasa ra. Nodi god naikno igre neke theome tangomana teke fakarhidi mare na.

Profet Isaia 41:9

Iara neke hata mei ghami ghotilo funu ka vido te gnafa ka nauthoglu igne. Eghume iara na cheke eghu ka ghotilo, ‘Ghotilo nogu naikno gloku iara.’ Iara theome thodo ghami ghotilo. Uve, iara neke vahi ghami ghotilo.

Profet Esikiel 33:24

“Maegna ka nauthoglu. Naikno te au ka namono tela goigonihi mae naoka igne, mare cheke eghu koba, ‘Ebraham ia neke kaisei mae kolho, nu God neke tusu lao glose igne ka mana. Nu gognarogne tahati la kmana fara, eghume gognarona glose igne nodahi tahati.’

Naba 10:30

Nu mae Hobab ne cheke eghu, “Theo, iara ginauna au kolho ka nogu vido gne baludi thabuknagu thegu gre.”

Fapea Korin 6:17

Naugna igne Lord ne cheke eghu, “Lisa laodi naikno tuare, eghuteuna ghotilo mala au fadelei ka mare. Ghotilo mala thosei haboni kaisei glepo te thona ka tathagu iara na. Jame te leghuni ghotilo igne na, iara ginauna gleale'a mala hata ghami ghotilo.”

Hibru 11:8

Mae Ebraham neke fatutuani ni God, eigna igne mana ne leghuni God kate kiloni mana mala jifla kokoni nogna namono na mala tei ka keha namono delei, ka vido aheva God nate tusu ranghini mana. Mana jifla ne tei neuba ne theome laseni aheva nate tei na.

Thakle 18:4

Aonu iara ne nomhini keha cheke na ne cheke eghu mei funu kligna, “Ghotilo nogu naikno iara ra, jifla Babilon! Naugna iara theome magnahaghei ghami ghotilo te gnognoro jateula te edi naikno igre eghu. Iara theome magnahaghei te para ghami ghotilo jateula naꞌa eghu.