Jenesis 10:9 - Buka Blahi Ka Cheke Holo

⁹ Mana kaisei mae lase hili bosu fara ke ulugna Lord. Naugna igne naiknore cheke eghu eigna kaisei mae, “Mae igne jateula mae Nimrod eghu lase hili bosu fara ke ulugna Lord.”

Jenesis 10:9 Iomraidhean Croise

Jenesis 10:10

Fati namono biꞌo te funei frunidi mana re, Babel, Erek, Akat nei Kalneh. Fati namono biꞌo igre au jare Babilonia.

Jenesis 10:8

Aonu mae Kus neke au kaisei mae thugna, nanghagna na Nimrod. Mae Nimrod gne kaisei mae nheta fara ka nauthoglu igne.

Jenesis 13:13

Naiknodi Sodom gre thono gnognoro fara, eigna ne edi kmana nafnata nakhibo te theome doglo ka tathagna Lord na.

Jenesis 25:27

Kate biꞌo haghe phei mae sitei igre na, mae Iso gne neke kaisei mae lase hili fara. Mana neke tei tafri kolho neke theome au soru ka namono. Nu mae Jekop gne mana neke au kmu nei magnahaghei te au ka namono kolho.

Jenesis 27:30

Katha vido kmo'ei ke leghugna tela gnafahi mae Isak fablahini mae Jekop tela jifla tela teihi mae Jekop igne na, mae Iso tighagna mana na ne posa mei funugna mhata.

Jenesis 6:11

Ka narane tuare, God ne filodi naiknore ne kafe diꞌa fara naugna mare ne khuru magra nei faꞌau aknu fari thedi heva heva. Kaisei mae Noa ngala te doglo fara ka tathagna God na.

Jenesis 6:4

Ka narane tuare ba ka narane te mei nathuꞌu nei nauriha teu igre, mae te kilodi Nefilim te au ka nauthoglu igne. Mae igre mae brahu fara nei lase magra fara eghu. Ka narane tuare la, goro gaꞌase teke thuru baludi nogna engel God ra. Thudire neke biꞌo haghe neke nheta fara tutuani. Eghuteuna mare tangomana te edi kmana nafnata gloku te biꞌo nei nanghadire fnakno fara neku tifa na.

Fapea Kronikols 28:22

Kate au ka puhi biꞌo na, King Ehas ne theome fatutuani ka Lord ne edi kmana puhi te diꞌa.

Profet Jeremaea 16:16

Lord ne cheke eghu, “Iara ginauna kurudi mae naoka mala mei agne Juda, eghuteuna mare ginauna mei korho ghami ghotilo, jateula te korho sasa ra eghu. Eghuteuna ke leghugna igne, iara ginauna nake kurudi keha mae naokai mala mei hiro ghami ghotilo jateula mae te hiro gano tafri ka thogele, nei gukhu, nei khora thina teu ra eghu.

Profet Esikiel 13:18

Iagho cheke ka reꞌe te iara Lord te chekeni igne: ‘Kokhoni ghami fara ghotilo gaꞌase profet ra! Ghotilo susuki famane pohe mala haru ka khamemi ghotilo are mala ei naitu, eghuteuna vido pohe te mala nanhaꞌa ka phaꞌudi naiknore mala saesaghe leghuni nakarhagna keha mae na. Ba, ghotilo tangomana te fakarhidi nakarhami re kate saesaghe leghudi ghotilo nakarhadi nogu naikno iara gre? Theo kolho!

Profet Maeka 7:2

Uve, jateula nafnata puhi tuana eghu mana theome tangomana te filoni kaisei gano na, ka kantri igne, theo kaisei naikno te leghuni puhigna God te doglo na. Theo kaisei naikno te ghatho tahuni God. Naikno te gnafa gre ofou kolho te mala aknu faleheni keha mae na. Mare jateula mae ihei te horo phighoro te mala fakhale nanghaji ra eghu chaghidi kheradi thedi re.