Jenesis 10:5 - Buka Blahi Ka Cheke Holo

⁵ Naikno te au ka moumolu te iko tongana ka nhorora na igre vike neke karha mei ka thugna mae Jafet. Soasopai gna tharakna igre ne vuragha ne thovu ne gnokro soru ka nodi soasopaigna vido glose nei au nodi soasopaigna cheke.

Jenesis 10:5 Iomraidhean Croise

Jenesis 10:20

Naikno te gnafa igre neke gragna mae Ham.

Jenesis 10:25

Mae Eber gne neke au phei mae thugna. Kaisei na nanghagna na mae Pelek, gaoghathogna cheke “Pelek” teu igne “fnota” eghu ka cheke Hibru na. Naugna kani karha nga teku mana na naiknogna nauthoglu gne neke fnota ka kmana vike ikodi. Eghuteuna nanghagna mae tahigna mana na mae Joktan.

Jenesis 10:32

Igne thura gaga teke jifla mei ka hatimare goro thugna mae Noa re. Naikno te iko tongana ke lamnagna nauthoglu na igre neke funudi ka vike igre, ke leghugna nabritha biꞌo ia.

Jenesis 10:4

Thugna mae Java re neke mae Elisa, mae Tarsis, nei naikno te au ka moumolu Saeprus nei moumolu Rodes.

Jenesis 10:6

Thugna mae Ham re neke mae Kus, mae Ijep, mae Libia nei mae Kenan.

Jenesis 9:19

Thilo mae igre neke thugna mae Noa, eghuteuna naikno te gnafa te au ka nauthoglu igne neke jifla mei ka thilo mae igre.

Nogna Buka Esta 10:1

King Sekses magnahaghedi naikno te au ka namono te gnafa ke lamnagna nogna kantri na te foli takis, neubane tei posa namono biꞌo te au ke tongna.

Nodi Khoje Hatimare Mae Jiu 72:10

Te keli na jame mae king gna Spen nei mae king di moumolu igre eghu ginauna mei tusu lao glepo mala namha ranghini mana. Jame te keli na phei mae king di Arebia ghe Itiopia gre mala hata mei glepo mala namha ka mana.

Profet Isaia 11:11

Ka narane tuana, Lord ginauna fakakhana nogna nolaghi na mala ke hata fapulo nogna naiknore ka nodi thofno namono re, naikno te au teu Asiria, Ijep, Sudan, Elam, Babilonia, Hamat nei ka moumolu te au ka nhorora Mediterenian.

Profet Isaia 24:15

Eghuteuna naikno te au ke maghati ra ginauna ghatho tahuni Mana. Naikno te au ke raru ra cheke fakelini nanghagna Lord, nodi God mae Israel.

Profet Isaia 40:15

Ka God na kantri te gnafa ka nauthoglu na igre jateula glepo te theo nafudi eghu kolho. Uve, kantri te gnafa igre jateula kaisei natro khoꞌu eghu kolho, eghuteuna moumolu te gnafa igre jateula gaughavu glose eghu kolho.

Profet Isaia 41:5

Kate filodi glepo igre, naikno te gnafa te au ka vido te khaba igre ginauna fififri nei mhaghu nodi fara eghu.

Profet Isaia 42:10

Naikno te gnafa ka nauthoglu igne baludi gobigna lepo te au ke lamnagna! Ghotilo kojeni kaisei khoje majaghani mala kilo fnaknoni Nanghagna Lord! Ghotilo iheire te tei ka vaka ra, ghotilo kilo fnaknoni mana. Ghotilo gobigna lepo te au ba te taotao ke lamna thongna ra, ghotilo kilo fnaknoni mana. Ghotilo naikno te au ka kantri te khaba ra, ghotilo te gnafa na mala kafe kilo fnaknoni mana.

Profet Isaia 42:4

Gaoghathogna mana na ginauna theome glaꞌe soru, ba theome babaꞌo, ghilei thokeni narane nate fadoglidi mana puhidi naikno te gnafa heva te heva ka nauthoglu igne. Eghuteuna naikno te au ka kantri te khaba igre, ginauna ofoniu te mala nomhini nogna farirhiu mana na.”

Profet Isaia 49:1

Nogna mae gloku Lord igne ne cheke eghu, “Fanomho mei ka iara, ghotilo naikno te au ka kantri te khabara! Kani theome karha mei nga teku iara ka idogu na, Lord neke vahi ghauhi iara. Mana neke kiloni nanghagu iara na mala nogna mae gloku mana.

Profet Isaia 51:5

Nogu narane iara te mala toghodi nei atha fapulodi teu naiknore la namo meihi. Ka nogu nolaghi biꞌo, iara ginauna funei frunidi keha kantri are ka puhi te doglo. Naiknodi keha kantri igre ginauna fatutuani ghau iara, eghuteuna ofo ghau iara mala toghodi.

Profet Isaia 59:18

Lord ginauna tughu fapulo puhi te diꞌa fateo teke edi naiknore. Neuba nogna naoka mana igre ne au aheva ka kantri te khaba fara, ba ka moumolu ke lamna nhorora, Lord ginauna jaola paradi.

Profet Isaia 60:9

Kherami ghotilo te au ka kantri te khaba igre ofoni Lord mala toghodi. Eghuteuna ka narane igne, mare ginauna famei kaisei vaka biꞌo mala ke luja fapulo thumi ghotilo ra. Eghuteuna naikno igre ginauna na jaola famei silva nei gol eghu ka vaka igne mala tusu ranghini Lord nodi God mae Israel. Mare mei mala kilo fnaknoni Lord, naugna mare ne filoni mana te edi glepo te biꞌo ka ghotilo igre.”

Profet Jeremaea 2:10

Ghotilo atha vaka tei ke mosu Saeprus mala laseni puhidi mare na. Ghotilo neke kuruni kaisei mae neke tei ke maghati kantri Keda mala filoni puhidi mare na. Ba, unha nafnata puhi te keli nate tei filoni ghotilo jare na?

Profet Jeremaea 25:22

King di Taea nei King di Saedon, nei King te gnafa te au ka vido rhegna Mediterenian, nei naiknodi thilo namono:

Profet Esikiel 26:15

“Iara Lord God cheke eghu ka naiknodi Taea: Kate mei mae naoka te magra ka ghotilo te ulu ghami ghotilo na, mare ginauna aknu falehe hui naiknore, eghuteuna naikno teu ka namono rhegna gratha na ginauna mhaghu nodi fara kate nomhidi te tanhi naikno te ghoreho ka magra igne.

Profet Esikiel 26:18

Ka narane te groꞌe iagho na, moumolu nei geri thongna teu igre fififri fara, nei mhaghu nodi fara eghu.’

Profet Daniel 11:18

Ke leghudi narane igre, king gna Siria ginauna tei magra ka kantri te au ka geri thongna, eghuteuna mana ginauna hata kmana namono biꞌo ka mare. Nu kaisei nodi mae mala baubatu keha kantri are ginauna uluni mana, eghuteuna nogna fahaehaghe mana na ginauna gnafa. Mae mala baubatu igne ginauna tapla faparini nogna nolaghi mana na, eghuteuna mana ginauna na theome tangomana nate fahaehaghe fara na.

Profet Sefanaea 2:11

Lord ginauna famamhaghudi fara, eghuteuna koko soru pari nodi mumuju god mare te theo nafudi are. Eghuteuna kate filoni mare igne, naikno te gnafa ka vido te gnafa igre ginauna pogho soru ka Lord.

Diutronomi 32:8

God mae ihei te haghe fara igne neke tufa vido glose ka soasopai naikno mala au tagna. Mana ei nodi nohi keha naiknore. Eghuteuna mana ne lilisei nodi nohi naiknodi keha kantri are leghuni nabadi nodi god.