Jenesis 10:4 - Buka Blahi Ka Cheke Holo

⁴ Thugna mae Java re neke mae Elisa, mae Tarsis, nei naikno te au ka moumolu Saeprus nei moumolu Rodes.

Jenesis 10:4 Iomraidhean Croise

Jenesis 10:5

Naikno te au ka moumolu te iko tongana ka nhorora na igre vike neke karha mei ka thugna mae Jafet. Soasopai gna tharakna igre ne vuragha ne thovu ne gnokro soru ka nodi soasopaigna vido glose nei au nodi soasopaigna cheke.

Ululahu Kronikols 1:7

Eghuteuna kokholo gna mae Javan re, neke mae Elisa, nei iheire te au Spen, Saepras nei Roj.

Profet Isaia 23:1

Igne unha nate thoke mei ka namono biꞌo Taea. Ghotilo mae te loku ka vaka ra, ghotilo tanhi nei diꞌanagnafa eghu, naugna nomi namono ghotilo igne la groꞌehi ka mae naoka, eghuteuna theo kaisei suga te kegra teu ka namono Taea. Ghotilo ginauna filoni igne kate pulo mei funu ka moumolu Saeprus.

Profet Isaia 23:12

Lord ne cheke eghu, “Ghotilo naiknomi Saedon ra! Tifa na ghotilo neke glealeꞌa nomi fara, nu nomi narane te keli ghotilo tura la gnafahi. Gognarona ghotilo au ke parigna nodi nolaghi nomi naoka ghotilo are. “Eghuteuna jame te magnahaghei rikha ghotilo na, neubane tei posa ghotilo Saepras, nu ghotilo ginauna theome au fakeli kolho.”

Profet Esikiel 27:12

“ ‘Maedi ka kantri Spen ei bisnis balumi ghotilo, naugna ghotilo au kmana famane glepo te keli te mala sabiri ka mare na. Mare hata mei silva, nei aean, nei tin, nei led mala tughu ka nomi famane glepo ghotilo re.

Profet Esikiel 27:25

“ ‘Vaka biꞌo igre hata nou kako iagho re tei ka namono te gnafa re. Taea! Iagho jateula kaisei vaka te au ka nhorora te fodu ka kako ra eghu.

Profet Esikiel 27:6

Mare neke horo nou gorha iagho re, ka famane gaju funudi Basan, eghuteuna mare neke horo nou dek iagho na, ka gaju saepras funudi ka moumolu Saepras, eghuteuna lalaoni nou dek iagho na ka kheꞌi elefant.

Profet Esikiel 27:7

Mare neke horo nou selo iagho na ka famane pohe vegha teke hata teke mei funudi Ijep, eghuteuna mare susuki thotoghale tadi mala lalaoni. Jateula nou flagi eghu iagho, kate mei khaba teu iagho na, nu bligi kolho te filo glani nigho na. Nou pohe te mala fanagra naprai na, mare neke horo ka famane pohe te blu nei ngonge teke hata teke mei mare funudi ka moumolu Saepras.

Profet Daniel 11:30

Naugna soldiadi Rom ginauna mei ka vaka mala magra ka mana ginauna thono mhaghu nogna fara ne figri neke pulo. Naugna igne, mana ginauna na thono diꞌatagna fara. Eghume, mana nake pulo magridi nogna naikno God re, eghuteuna fariu riu goigoni ni puhi te mala pogho soruni God na. Eghuteuna mana ghatho tahudi naikno te diꞌa tela kokohi puhi te keli te mala tufru soruni God na.

Naba 24:24

Mare ginauna jifla mei funudi ka moumolu Saepras. Eghuteuna mare ginauna mei goigonidi naiknodi Asua nei vikegna Heba. Nu ke leghu, mare jaola ginauna groꞌehi.”