Jenesis 1:9 - Buka Blahi Ka Cheke Holo

⁹ Aonu God ne cheke eghu, “Khoꞌu pari igre na salo fodu mei mala kaisei ngala mala thakle haghe glose te moja na.” Khoꞌure ne thofno leghuni chekegna God na ne salo fodu mei ne thakle haghe glose te moja na.

Jenesis 1:9 Iomraidhean Croise

Jenesis 1:8

God ne kiloni kligna na “Maloa.” Rafi soru nei hamerane haghe. Igne fapea narane na.

Nehemaea 9:6

Iagho kaisei Lord kolho. Iagho kolho teke vuavuha maloa baludi gobigna lepo te au ke lamnagna, nei nauthoglu baludi gobigna lepo te au ke lamnagna, nei thongna baludi gobigna lepo te au ke lamnagna. Eghuteuna iagho tusu lao karha na ka glepo igre. Eghuteuna engel kligna re pogho soru tarai ka iagho.

Thoutonu Eigna Mae Job 26:10

Mana lilisei vido ke kligna thongna aheva te thafoni maloa na, mana lilisei nohi fari hoteidi narane ghe bongi.

Thoutonu Eigna Mae Job 26:7

God lilisei maloa ke rarugna kaisei namono nagou, eghuteuna mana eni nauthoglu igne gefe fabrahu ka vido aheva te theo kaisei glepo te loku hagheni.

Nodi Khoje Hatimare Mae Jiu 104:3

Eghuteuna iagho neke hohoro nou suga na ka maloa. Iagho neke eꞌei grokho na mala jateula nou chariot eghu, mala saghe kate gaghafa teu nuri na.

Nodi Khoje Hatimare Mae Jiu 33:7

Mana neke lilisei fodu thongnare ka kaisei vido kolho, mana neke lilisei fakeli khotogna nhorora na ka mala au gna na.

Nodi Khoje Hatimare Mae Jiu 95:5

Mana neke vuavuha thonga nei moumolu la ngau eghu. Uve, thua nafnotu igre au kolho ka khamegna mana.

Eklesiasti 1:7

Leuleghu narane na khoꞌu te gnafa re loloro soru lamna thongna, nu thongna na theome fodu tei salaꞌuni vido aheva te mala snotogna na. Leuleghu narane na khoꞌu na figri ke pulo ka vido aheva teke jifla meigna tifa na, eghuteuna ke jaola ke leghuni nogna nabrou na ke soru lamna thongna.

Profet Jeremaea 5:22

Iara neke lilisei nusu mala fofotagna vido aheva te mala mei snoto thongna na. Neuba thongna na ne maraghata ba ne diꞌa rane, nu thongna na theome tangomana te mei salaꞌuni vido teke fofota mana igne. Naugna unha site theome mhaghu ghau iara nei theome mei bobolo teu ghotilo ke ulugu iara gnea?

Profet Jona 1:9

Aonu, mae Jona ne cheke eghu ka mare, “Iara kaisei mae Hibru, iara tufru soruni Lord God gna kligna, mae ihei teke vuavuhadi moumolu nei thongna.”

Fapea Pita 3:5

Nu mae igre theome magnahaghei te laseni kaisei glepo. Tifa na God neke cheke kolho, eghuteuna maloa ghe glose gre ne thakle mei. Mana neke vuavuha glose gne mala thakle mei fari hotei khoꞌu, eghuteuna ka khoꞌu mana neke vuavuha gobigna lepo ka nauthoglu gne.

Thakle 10:6

Ka vido tuana, mana ne eni kaisei nhaꞌa cheke ka nanghagna God mae ihei te karha te tifa tifa. Tutuani, God neke vuavuhani kligna nei pari nei nhorora nei thua lepo te au ke lamnadi. Aonu engel na ne cheke eghu ka nanghagna God, “Ka narane nate ifu fafitu engel nogna khufli na, nogna gaoghatho God teke poru teku igre ginauna horoghoto tutuani. Igne u Nonomho te Keli teke chekeni mana tifa ka nogna mae gloku, hatimare mae profet ra. Narane te mala ofo na la gnafahi!”