Jenesis 1:3 - Buka Blahi Ka Cheke Holo

³ Aonu God ne cheke eghu, “Iara na cheke ranghini naphae na mala phae!” Aonu la meila naphae na.

Jenesis 1:3 Iomraidhean Croise

Jenesis 2:4

Igne u thoutonu eigna God teke vuavuhadi maloa ghe nauthoglu gre. Ka narane teke vuavuhadi God maloa gne nauthoglu gre,

Thoutonu Eigna Mae Job 36:30

God eni nakafli na mala phae faligohoni mana ka maloa na, nu eni ke lamna nhorora na mala romno.

Thoutonu Eigna Mae Job 38:19

“Ba, iagho laseni vido aheva te jifla mei naphae tagna na, ba vido aheva te funu mei gromno tagna na?

Nodi Khoje Hatimare Mae Jiu 104:2

U naphae te au faligoho nigho ana fagaglana gna nou nolaghi biꞌo iagho na. Iagho lilisei haghe u maloa na jateula kaisei suga thapuale eghu.

Nodi Khoje Hatimare Mae Jiu 118:27

Lord kolho ngala God te tutuani na, nei mana keli fara ranghi ghita. Eghuteuna ka narane te biꞌo igne ghotilo louloku grege gaju mala tei falithuini olta na.

Nodi Khoje Hatimare Mae Jiu 148:5

Uve, glepo te gnafa igre te keli na mala kafe kilo fnaknoni nanghagna Lord na, naugna kate cheke kolho mana na, gobigna lepo igre neke thakle mei.

Nodi Khoje Hatimare Mae Jiu 33:6

Gobigna lepo ka maloa na are neke vuavuha ka chekegna Lord kolho. Naprai nei glaba nei nathunu teu are neke jifla mei ka chekegna mana.

Nodi Khoje Hatimare Mae Jiu 33:9

Naugna kate cheke na, mana neke vuavuhani nauthoglu gne. Ka chekegna mana na, gobigna lepore neke thakle mei.

Nodi Khoje Hatimare Mae Jiu 97:11

God na fablahidi iheire te doglo puhidire, nei toghodi naikno te kelire mala glealeꞌa.

Profet Isaia 45:7

Iara neke vuhadi naphae ghe gromno. Eghuteuna iara neke jaola neke tusu lao nakarha te keli nei snakre lao hoholo biꞌo ka naiknore. Iara Lord te edi glepo igre.

Profet Isaia 60:19

Ka narane tuana naprai gne ginauna theome phae ka ghotilo, eghuteuna fei bongiro na glaba gne ginauna theome phae ka ghotilo. Nu iara Lord ginauna na au jateula naprai nei glaba eghu mala tusu ari fabrahu naphae na ka ghotilo. Nu iara Lord ginauna nomi naphae ghotilo fabrahu. Uve, naphaegna nogu nolaghi biꞌo iara nomi God ghotilo na ginauna agha mei fabrahu ka ghotilo.

Matiu 8:3

Aonu mae Jisas ne habo lao ka mana ne cheke eghu, “Uve, iara magnahaghei, ke salhu silagho!” Kau chekegna mae Jisas tuana, thubu ka thinigna mana re ghosei neke salhu fapulo.

Jone 1:5

Naphae igne neke faphaedi namono te romno re, eghuteuna gromno na theome tangomana te toku tafruni naphae na.

Jone 1:9

Thofno naphae igne ne mei kau nauthoglu gne mala kafe faphaedi naikno te gnafare.

Jone 11:43

Ke leghugna te cheke eghu igne, mae Jisas ne eha fabiꞌo, “Lasaros, jifla mei!”

Jone 3:19

God fatedi naiknore ka puhi igne: mae Thugna God na neke meihi jateula ngau u naphae neku kau nauthoglu igne, nu naiknore theome magnahagheni mana. Naugna hatimare jateula te au kate romno ra neu ne edi glepo te thono diꞌa fara re.

Fapea Korin 4:6

Naugna God neke chekeni naphae na mala siasigla kate romno na, eghuteuna God tuanala te fasigla mei u naphae gna na ka nagnafami ghehatire. Mana eni igne mala lase fakelini ghehati nogna nolaghi biꞌo God te sigla mei ka thinigna Kraes.

Efesus 5:8

Tifa na, ghotilo neke au ka naromno, nu gognaro na ghotilo kela au ka naphae, naugna ghotilo nognahi Lord. Eghume ghotilo leghuni puhidi naikno te au ka naphae,

Ululahu Timoti 6:16

Mana thegna ngala te theome tangomana te lehe na. Mana au ke lamnagna naphae biꞌo te theome tangomana naiknore te tei rhegnai. Theo kaisei naikno te filoni God, ba tangomana te filoni mana. Ranghini nafnakno nei nolaghi tifa tifa. Amen.

Ululahu Jone 1:5

Gognaro na ghehati nake toutonu ari ka ghotilo cheke teke nomhini ka mae Jisas Kraes. Mana neke cheke eghu, “God na naphae, eghuteuna ka mana jare na theo kaisei gromno.”

Ululahu Jone 2:8

Neuba, vetula igne majaghani fabrahu, jateula te filonihi ka mae Jisas Kraes nei ka ghotilo. Naugna gromno na sala'u ari, eghuteuna thofno naphae na la siasigla mei.