Jenesis 1:21 - Buka Blahi Ka Cheke Holo

²¹ Aonu God ne vuavuha sasa, thege, khakau, khirio, nei vavula ba keha nafnata glepo te tao tafri ka thongna. God jaola ne vuavuha soasopaigna nafnata nanghaji te flalo tafri ka maloa gne eghu. God ne filodi glepo te keli igre ne glealeꞌa fara.

Jenesis 1:21 Iomraidhean Croise

Jenesis 1:18

mala funei frunidi narane ghe bongiro. Mana neke lilisei jare glepo igre mala fotadi naphae ghe gromno. God ne filodi glepo te keli igre ne glealeꞌa fara.

Jenesis 1:20

Aonu God ne cheke eghu, “Thongna gne mala fodu ka thua nafnata glepo te karha. Eghuteuna nanghaji gre mala flalo tafri ka maloa gne eghu.”

Jenesis 1:22

God ne fablahidi ne cheke eghu ranghidi, “Ghotilo soasopaigna nafnata glepo te au ke lamnagna thongna na igre ginauna na vuragha mala fodu ke lamna thongna. Eghuteuna ghotilo nanghaji ra mala vuragha ke lamnagna nauthoglu igne.”

Jenesis 1:31

God ne filodi glepo te keli igre ne glealeꞌa fara. Rafi soru nei hamerane haghe. Igne fafamno narane na.

Jenesis 2:19

God hata glose ne vuavuha glepo te tautagu te gnafa ka nauthoglu na igre nei nanghaji te gnafa teu te au ka maloa na igre. God hata ne mei ka mae nalhaꞌu na mala fangangha mana. Unha nangha te lilisei lao mana ka soasopai gna glepo te tautagu ba ka nanghaji teu igre na, tuare ngala nanghadire. Nu mae Adam ne theome filoni kaisei kheragna te mala toghoni na.

Jenesis 7:14

Thua nafnata glepo te tautagu te namha ba te mhaumhaghu, te biꞌo ba te ikodi nei thua nafnata nanghaji teu igre ne mei ne saghe baludi ka vaka na.

Jenesis 8:17

Hata jifla balumi glepo tautagu te gnafa nei nanghaji te gnafa teu te au ka vaka na igne. Thua nafnata glepo igre ginauna na kmana thudi nei ginauna na vuragha e thovu ka nauthoglu igne eghu.”

Jenesis 9:2

Glepo tautagu te gnafa, nanghaji te gnafa nei sasa te gnafa teu igre ginauna na mhaghu ghami ghotilo. Eghuteuna iara na snakre aridi glepo igre ka khamemi ghotilore.

Jenesis 9:7

God ne cheke eghu ka mae Noa, “Ghema Noa, iara magnahaghei ghami ghotilo te au thumi mala vuragha e thovu ka nauthoglu gne.”

Thoutonu Eigna Mae Job 12:7

“Tei toredi nanghaji nei buluka teu are, reꞌe tangomana te farirhiu nigho kmana glepo eigna God.

Thoutonu Eigna Mae Job 26:5

“Tharungadi iheire te lehe ra fififri nodi fara. Iheire te au ke lamna thongna ke pari nauthoglu igre mhaghu nodi fara.

Thoutonu Eigna Mae Job 7:12

Naugna unha sagho te filo ka iara te saghe leghu ghau iara gnea? Jau iagho gaoghathomu na iara jateula kaisei nhorora ba kaisei pholi biꞌo ke lamna nhorora eghu.

Nodi Khoje Hatimare Mae Jiu 148:7

Ghotilo gobigna lepo fateote'o ka nauthoglu ra, ghotilo kilo fnaknoni Lord. Uve, ghotilo sasa biꞌo nei glepo fateo te au ka khotogna nhorora ra, ghotilo kilo fnaknoni mana.

Eksodas 1:7

Nu naiknodi Israel igre ne au kmana thudi ne vuragha fara nei nheta fara neu heva heva jare Ijep.

Eksodas 8:3

Cheke faheta ranghini mae king, Khoꞌu biꞌo Nael ana ginau fodu ka groma, eghuteuna funu jare na reꞌe ginau fodu ka suga biꞌo mana na ghilei tei fodu ka chogho te mala thuru mana na. Nei na jaola tei ruma ka nodi suga hatimare nogna mae funei nei naikno teu mana re. Groma igre ginau na ruma ka nomi biti nei gobigna lepo te mala ima ghotilo are eghu.

Profet Esikiel 32:2

“Maegna ka nauthoglu. Iagho tanhi fabiꞌo nei koje diꞌanagnafa eghu ka king gna Ijep. Iagho cheke eghu ka mana: “ ‘King! Iagho gaoghathomu na ne jateula kaisei lion farihoteidi naiknodi keha kantri are eghu, nu theo kolho eghu. Iagho jateula kaisei nasava te bosa chopu ka khoꞌura eghu kolho.

Profet Jona 1:17

Lord kuruni kaisei sasa biꞌo ne mei tomno soruni mae Jona, eghuteuna mana au lamna ka thiꞌagna sasa igne thilo narane nei thilo bongi.

Profet Jona 2:10

Kate tarai eghu mae Jona igne, Lord ne cheke ka sasa igne ne longa mata ne luꞌa fajiflani mae Jona ka nusu na.

Matiu 12:40

Mae Jona neke au ka thi'agna sasa te biꞌo fara na thilo narane nei thilo bongi. Eghuteuna ginauna na jateula tuana eghu iara mae teke mei funu ka God na ginauna au ke lamna glose thilo narane nei thilo bongi eghu.