Jenesis 1:2 - Buka Blahi Ka Cheke Holo

² Nauthoglu igne neke fiti au nogna kolho neke theo kaisei nakarha tagna, neke theome jateula te filoni tahati gognaro gne neku. Nu nhorora na neke thafru neke iko tongana heva heva ka nauthoglu igne neke theo kaisei naphae tagna, aonu Tharunga te Blahi na ne soru mei ne tava ke kligna nhorora.

Jenesis 1:2 Iomraidhean Croise

Thoutonu Eigna Mae Job 26:14

Nu, glepo igre God jateula te cheke faꞌikoi ra eghu kolho. Uve, glepo igre thofno vido ikoi kolho ka glepo teke edi mana re. Eghume jame fakakhana God nogna nolaghi na meuna, ginauna na jateula fila biꞌo eghu, eghuteuna tahati ginauna theome tangomana te laseni nolaghi tuana.”

Thoutonu Eigna Mae Job 26:7

God lilisei maloa ke rarugna kaisei namono nagou, eghuteuna mana eni nauthoglu igne gefe fabrahu ka vido aheva te theo kaisei glepo te loku hagheni.

Thoutonu Eigna Mae Job 38:9

Iara neke toku tafru thongna igne baludi khoveo thuta te romno igre.

Thoutonu Eigna Mae Job 41:32

Eghuteuna kate tugha te tei ka thongna na, kmana galo haghe ke leghugna, jateula kaisei vaka te umhu te tei ka thongna ra eghu.

Nodi Khoje Hatimare Mae Jiu 104:30

Nu kate phanga lao iagho ke klignadi na, rehati na karha. Leuleghu fata na iagho vuavuha thua nafnotu fateote'o gre ka glose mala karha majaghani.

Nodi Khoje Hatimare Mae Jiu 104:6

Ulu lahu na iagho neke vuavuha nhorora mala thafru nauthoglu igne. Uve, u thogele gre langau eghu.

Nodi Khoje Hatimare Mae Jiu 136:6

Mana neke vuavuhadi moumolu te gnafa gre neke thakle haghe ke kligna nhorora. Mana ne namha ghita tahati tifa tifa.

Nodi Khoje Hatimare Mae Jiu 148:7

Ghotilo gobigna lepo fateote'o ka nauthoglu ra, ghotilo kilo fnaknoni Lord. Uve, ghotilo sasa biꞌo nei glepo fateo te au ka khotogna nhorora ra, ghotilo kilo fnaknoni mana.

Nodi Khoje Hatimare Mae Jiu 33:6

Gobigna lepo ka maloa na are neke vuavuha ka chekegna Lord kolho. Naprai nei glaba nei nathunu teu are neke jifla mei ka chekegna mana.

Proveb 8:24

Kani theome aunga teku nhorora nei glokha khoꞌu teu igre. Iara neke kulu auhi.

Profet Isaia 31:5

Iara Lord mae ihei te au nolaghi fateote'o, iara reireghini Jerusalem jateula nanghaji te flalo ke kligna gnoku te mala reireghini nogna gnoku na ia eghu. Iara ginauna jateula kaisei greoreo eghu tei salaꞌu ke kligna gna namono biꞌo Jerusalem mala fakarhadi.”

Profet Isaia 45:18

Lord na mana God mae ihei teke vuavuha maloa baludi gobigna lepo te au ke lamnagna, eghuteuna mana jaola neke eni famaku nauthoglu igne mala au fabrahu tifa tifa. Mana neke theome eni nauthoglu igne mala fiti au kolho neku, theo, mana neke eni nauthoglu igne mala au naikno tagna. Lord neke cheke eghu, “Iara ngala Lord na. Theo kaisei god ahevanga.

Profet Jeremaea 4:23

Ka mifi igne iara ne theome filoni kaisei glepo ka nauthoglu igne. Kate filo haghe iara kligna na, iara ne filoni maloa na ne kafe romno soru.

Profet Nahum 2:10

Namono igne la thono groꞌe farahi. Mae naoka igre la hata fahui gobigna lepore. Theo kaisei glepo te au na. Naiknore mhaghu fara, ne thofno gla'e soru, eghuteuna tathadi nei foflodi teure thono diꞌa fara filodi re.

Fapea Korin 4:6

Naugna God neke chekeni naphae na mala siasigla kate romno na, eghuteuna God tuanala te fasigla mei u naphae gna na ka nagnafami ghehatire. Mana eni igne mala lase fakelini ghehati nogna nolaghi biꞌo God te sigla mei ka thinigna Kraes.

Diutronomi 32:11

Mana neke taji fakeli ghami ghotilo jateula gaghata te farirhiudi thugnare te mala flalo ra neku. Naꞌa theome snakredi thugnare te khoko pari, naꞌa flalo sukha ke parigna mala tako hagheni.