Jenesis 1:16 - Buka Blahi Ka Cheke Holo

¹⁶ Aonu God ne vuavuhadi phei juta biꞌo, naprai ghe glaba. Ke biꞌo na mala phae ka narane, eghuteuna ke iko na mala phae bongiro. God ne jaola neke vuavuhadi nathunu gre.

Jenesis 1:16 Iomraidhean Croise

Jenesis 1:15

Glepo igre mala au ka maloa gne mala faphaeni nauthoglu igne. Aonu glepo igre thofno leghuni chekegna God na ne au jare ka maloa na.

Thoutonu Eigna Mae Job 31:26

Neuba iara ne filo ka naprai te sigla ka maloa gne, ba glaba te famane fara filogna na igne, nu iara theome pogho soruni kolho kaisei ka phei igre.

Nodi Khoje Hatimare Mae Jiu 148:3

Ghopa naprai ghe glabara, ghopa mala kilo fnaknoni mana. Uve, ghotilo nathunura, ghotilo jaola kilo fnaknoni mana.

Nodi Khoje Hatimare Mae Jiu 148:5

Uve, glepo te gnafa igre te keli na mala kafe kilo fnaknoni nanghagna Lord na, naugna kate cheke kolho mana na, gobigna lepo igre neke thakle mei.

Nodi Khoje Hatimare Mae Jiu 19:6

Naprai na phage haghe ka keha philegna maloa na tei plulu ka keha philegna maloa na. Eghuteuna theo kaisei glepo te rikhani nabranagna na.

Nodi Khoje Hatimare Mae Jiu 74:16

Iagho neke vuavuha narane nei bongi teu gre, eghuteuna iagho neke lilisei naprai nei glaba teu gre ka mala au ka maloa na.

Nodi Khoje Hatimare Mae Jiu 8:3

Kate filoni iara u maloa teke vuavuha iagho gne, iara ne filodi glaba nei nathunu teu are thono te famane lilisei fakeli iagho fara.

Profet Isaia 13:10

Ka narane igne, nathunu nei glaba teu igre ginauna theome agha bongiro na, eghuteuna neuba naprai na ne haghe hamerane, naꞌa ginauna theome agha kolho.”

Profet Isaia 24:23

Ka narane igne, naprai ghe glaba gre ginauna jaola theome agha. Naugna Lord mae ihei te au nolaghi fateote'o igne ginauna funei fruni jateula king eghu. Mana ginauna funei Jerusalem ke kligna Thogele blahi Saion, eghuteuna noda mae mala baubatu tahati igre ginauna filoni siasiglagna nogna nolaghi biꞌo mana na.

Profet Isaia 40:26

Ghotilo filo haghe ka maloa gno! Ihei teke edi nathunu are?” Lord neke edi neke lilisei ka thofno vido mala audire, eghuteuna mana jaola neke lilisei nanghadi. Naugna mana thofno nheta fara nei au nolaghi fateote'o, eghuteuna theo kaisei nathunu te dofi ka mala augna na.

Profet Isaia 45:7

Iara neke vuhadi naphae ghe gromno. Eghuteuna iara neke jaola neke tusu lao nakarha te keli nei snakre lao hoholo biꞌo ka naiknore. Iara Lord te edi glepo igre.

Profet Jeremaea 31:35

God neke lillisei naprai na mala phae ka narane, eghuteuna glaba nei nathunu teu igre mala phae bongiro. Mana neke eni thongna gne mala malu oa'ongha fabiꞌo. Nanghagna God igne, Lord mae ihei te au nolaghi fateote'o. Igne unha te chekeni Lord na:

Profet Habaku 3:11

Kate fada iagho nou khuali re, theidi khuali igre umhu fara jateula nakafli eghu, eghuteuna naprai ghe glaba igre ginauna kegra snoto.

Matiu 24:29

“Theome raugha ke leghudi puhi biꞌo te edi ka narane igre, “ ‘Naprai na ginauna romno soru. Glaba na ginauna theome agha. Nathunure ginauna khoko soru funudi ka maloa na. Aonu gobigna lepo te au ka maloa na are ginauna na thugha tafri.’

Matiu 27:45

Fari hotei naublatha, namono te gnafa ke lamnagna nauthoglu igne ne kafe romno funu tanhi nabotho phei thoke ka tanhi thiloi.

Diutronomi 4:19

Ghotilo fiofilo ghami glahu chaghi ghami mare korhi ghami mala pogho soru nei tarai eghu ka glepo te filodi ka maloa na are, naprai nei glaba, nei nathunu. Lord neke tusu mei glepo igre ka keha naikno te au heva heva ka nauthoglu igne mala tarai nei pogho soruni eghu God.

Thakle 21:23

Naprai ba glaba theome phae soru ke kligna gna namono biꞌo tuana, naugna nogna nolaghi biꞌo God na siasigla mei fabrahu tagna. Eghuteuna Lam na u naphaegna namono tuana.