Jenesis 1:11 - Buka Blahi Ka Cheke Holo

^11-12 Aonu God ne cheke eghu, “Thua nafnata gaju ba buburu ba sisi teu te mala ima igre na kotu haghe ka glose igne.” Glepo igre ne thofno leghuni chekegna God na ne kotu haghe. God ne filodi glepo te keli igre ne glealeꞌa fara.

Jenesis 1:11 Iomraidhean Croise

Jenesis 1:29

God ne cheke eghu, “Iara lisa ari ka ghopa thua nafnata gaju ba sisi ba buburu teu igre mala hata ima ghopa.

Jenesis 2:16

Lord God neke cheke eghu ka mana, “Iagho tangomana te ima sisidi gaju te gnafa te au ka nagare na igre.

Jenesis 2:5

jare na neke theo kaisei gaju ba sisi ba kaisei buburu teke kotu haghe na, naugna God neke theome snakreni nakhete na neke soru mei ka nauthoglu igne. Eghuteuna jare na jaola neke theo kaisei naikno te mala loku ka nagare na.

Jenesis 2:9

God neke lilisei kmana famane nafnata gaju te ure sisi te naba te mala ima na. Gaju igre famane keli fara. Fari hoteigna nagare igne na au kaisei gaju, ihei te ghamuni sisi gna gaju igne na naikno tuana ginauna na theome lehe, nu mana na karha fabrahu tifa tifa. Eghuteuna fapea gaju na aula jare, ihei te ghamuni sisi gna gaju igne na naikno tuana ginauna na laseni unha te keli na nei unha te diꞌa na eghu.

Thoutonu Eigna Mae Job 28:5

Gano na kotu ke kligna glose, nu ke pari glose na, mare hata khaꞌaghi mala piphike thina re.

Nodi Khoje Hatimare Mae Jiu 1:3

Nakarhadi naikno igre na jateula gaju te karha ka geri khoꞌura eghu na keli fara. Kate thoke mei nodi thofno narane na, gaju igre ginauna ure, eghuteuna khakladire ginauna theome brango. Aonu unha te edi naikno igre na ginauna na jateula igne eghu mala keli fara.

Nodi Khoje Hatimare Mae Jiu 147:8

Mana lilisei gromno ka maloa, aonu mana kuru mei nakhete ka nauthoglu igne mala teku haghe buburu ke kligna thogele.

Profet Isaia 61:11

Jateula sisi te kotu haghe fabrahu ke kligna glose ra eghu Lord God ginauna fadoglidi puhimi ghehati gre mala cheke fakelini ke uludi naikno te gnafa ka keha kantri igre.”

Profet Jeremaea 17:8

Nafnata naikno igne jateula gaju te karha ka geri khoꞌu biꞌo ra eghu. Glathigna gaju igne soru atha khoꞌu pari. Eghuteuna khaklagnare kakarha fabrahu theome tangomana te brango na. Neubane ka nhigra aho, naꞌa ginauna na ure fabrahu kolho. Na jateula tuana eghu mana na theome mhaghu nei nanga nogna eghu kate thoke mei puhi biꞌo na.”

Matiu 3:10

Nu gognarona God tarabana mala fate naikno jateula kaisei mae te au khila te mala kato soru gaju ra teuna la kulu auhi ka glathigna gaju na. Eghume, mana ginauna kato soru gaju te theo sisidi igre mala koko lao ka khaꞌaghi.

Matiu 6:30

Nu thegna God kolho teke falalaonidi sisi ka namhata na are, nu sisi te karha teu gognaro igne nathuꞌu teuna na koko lao ka khaꞌaghi. Ghotilo ke uludi sisi igrei. Ba, na theome falalaoni ghami la God mae Kmami te au kligna na neu si ghotilo ia? Uve! Nu nomi fatutuani ghotilo na thono ikoni fara!

Nonomho Te Keli Teke Risoi Mae Mak 4:28

Nu glepo tuana thegna glose kolho te fakotudi nei faꞌuredi teure. Glepo te kulu jifla mei ulu lahu na khakla kolho, ke leghu na thakle mei chechenge khakla, nei glepo leghu lahu na sisi ke lamna chechenge.

Ululahu Korin 15:38

Ke leghu na, God eni sisi na mala kotu haghe, eghuteuna sisi tuana hata kaisei nafnata thini jateula te magnahagheni God na eghu. Tutuani, thua nafnata sisi igre hata kaisei nafnata thini jateula thinigna thegna.

Hibru 6:7

Keha naiknore jateula u glose te soru nakhete fabrahu tagna ia eghu. Glose tuana karha gano te keli mala toghodi naikno te loku tagna na, gaoghathogna igne naugna God neke fakelini u glose igne.