Jenesis 1:1 - Buka Blahi Ka Cheke Holo

¹ Tifa na neke theo kaisei glepo te au na, aonu God neke vuavuhadi maloa ghe nauthoglu nei gobigna lepo fateo te au ke lamnadi.

Jenesis 1:1 Iomraidhean Croise

Fapea Kings 19:15

Mana ne tarai eghu ka Lord, “Lord nodi God mae Israel! Iagho gnokro ka nou sape nafnakno na farihoteidi phei engel, kaisei iagho ngala God te funei frunidi kantri te gnafa ka nauthoglu igne. Iagho neke vuavuhadi maloa ghe nauthoglu igre.

Ululahu Kronikols 16:26

Nodi god naiknore theo nafudi kolho, nu Lord neke eni maloa gne baludi gobigna lepo te au ke lamnagna.

Fapea Kronikols 2:11

King Haeram ne nomhini nogna cheke mae Solomon igne neke riso fapulo eghu ka mana: “Naugna nou Lord iagho na namhadi fara nogna naiknore, eghume mana neke vahi nigho iagho mala king frunidi nogna naiknore.

Nehemaea 9:6

Iagho kaisei Lord kolho. Iagho kolho teke vuavuha maloa baludi gobigna lepo te au ke lamnagna, nei nauthoglu baludi gobigna lepo te au ke lamnagna, nei thongna baludi gobigna lepo te au ke lamnagna. Eghuteuna iagho tusu lao karha na ka glepo igre. Eghuteuna engel kligna re pogho soru tarai ka iagho.

Thoutonu Eigna Mae Job 26:13

Tharunga gna mana igne ne ifu teidi khoveo re mala snagla maloa na. Eghuteuna mana fada mogo thongna biꞌo te kiloi mare Leviatana te tugha tafri fara igne, mala lehe mogo igne ka khamegna mana.

Thoutonu Eigna Mae Job 38:4

“Iagho au neku aheva, kani teke vuavuha iara nauthoglu igne? Jame te lasedi iagho glepo igre, iagho cheke mei ka iara.

Thoutonu Eigna Mae Job 9:8

Mana thegna kolho teke edi glepo te au ka maloa na are, eghuteuna mana tapla ke kligna galo mala muana nhorora na.

Nodi Khoje Hatimare Mae Jiu 102:25

Funu tifa te mei na, iagho ngala teke vuavuha u nauthoglu igne na, eghuteuna iagho neke vuavuhadi maloa nei thua lepo te au ke lamnagna.

Nodi Khoje Hatimare Mae Jiu 104:24

Lord God, iagho edi kmana glepo fara. Gobigna lepo igre falalase puhimu iagho te thofno keli fara na. Uve, nauthoglu igne fodu ka thua nafnotu fateote'o teke vuavuha iagho gre.

Nodi Khoje Hatimare Mae Jiu 104:30

Nu kate phanga lao iagho ke klignadi na, rehati na karha. Leuleghu fata na iagho vuavuha thua nafnotu fateote'o gre ka glose mala karha majaghani.

Nodi Khoje Hatimare Mae Jiu 115:15

Iara magnahagheni Lord mae ihei teke vuavuhani u maloa kligna nei nauthoglu pari igne teu te fablahi ghami ghotilo.

Nodi Khoje Hatimare Mae Jiu 121:2

Lord neke vuavuha maloa ghe nauthoglu, eghume kaisei mana ngala te tangomana nate togho ghau iara na.

Nodi Khoje Hatimare Mae Jiu 124:8

Lord mae ihei teke vuavuhadi maloa ghe nauthoglu gre ngala te mala togho ghita na.

Nodi Khoje Hatimare Mae Jiu 134:3

God mae ihei teke vuavuhadi maloa ghe nauthoglu gre, mana au Saion. Iara ginauna toreni mana mala fablahi ghami ghotilo.

Nodi Khoje Hatimare Mae Jiu 136:5

Mana neke vuavuhani maloa gne ka nogna glalase thegna. Mana ne namha ghita tahati tifa tifa.

Nodi Khoje Hatimare Mae Jiu 146:6

Lord mae ihei teke vuavuhadi maloa, nauthoglu, nhorora nei gobigna lepo teu te au ke lamnadi. Mana theome chaichaghi ghita, nu mana tathajini fabrahu nogna nhaꞌa cheke na.

Nodi Khoje Hatimare Mae Jiu 33:6

Gobigna lepo ka maloa na are neke vuavuha ka chekegna Lord kolho. Naprai nei glaba nei nathunu teu are neke jifla mei ka chekegna mana.

Nodi Khoje Hatimare Mae Jiu 33:9

Naugna kate cheke na, mana neke vuavuhani nauthoglu gne. Ka chekegna mana na, gobigna lepore neke thakle mei.

Nodi Khoje Hatimare Mae Jiu 8:3

Kate filoni iara u maloa teke vuavuha iagho gne, iara ne filodi glaba nei nathunu teu are thono te famane lilisei fakeli iagho fara.

Nodi Khoje Hatimare Mae Jiu 8:4

Iara ne cheke eghu, “Tore, ghehati gne khogla naikno kolho. Mala unha sagho te reireghi fakeli ghami ghehati gnea?”

Nodi Khoje Hatimare Mae Jiu 90:2

Tifa na kani theome vuavuha nga teku iagho nauthoglu igne nei theome vuavuha teku thogele igre teku na, iagho neke kulu au nekuhi. Iagho na God ngala funu tifa, gognaro gne nei nathuꞌu nauriha eghu tifa tifa.

Nodi Khoje Hatimare Mae Jiu 96:5

Nodi god naiknore theo nafudi kolho. Uve, mare theome eni kaisei glepo kolho, nu Lord te fnakno kligna lahu igne neke vuavuhani maloa gne baludi thua nafnotu te au ke lamnagna.

Eksodas 20:11

Naugna ka fafamno narane na iara Lord neke vuavuhadi nauthoglu, maloa, nhorora nei gobi nafnotu fateote'o te au ke lamnadi. Nu ka fafitu narane na, iara neke gnafa. Naugna igne, iara Lord neke fablahini narane Sabat gne mala nogu narane iara.

Eksodas 31:18

Kate cheke te gnafa Lord balugna Moses ke kligna Thogele Sanai, Lord atha phei thina tataba tela riorisohi Nabotho Vetula tadi igre ne tusu lao ka Moses.

Proveb 16:4

Lord edi gobigna lepore leghuni gaoghatho gna na. Eghuteuna Lord na jaola parani mae te diꞌa na.

Proveb 3:19

Ka nogna gaoghatho te keli nei glalase eghu thegna, Lord neke vuavuhadi nauthoglu ghe maloa igre.

Eklesiasti 12:1

Kate majaghani nga teuna, ghotilo mala ghathoni God mae ihei teke vuavuha ghami ghotilo na. Kate kuekuꞌe ghotilo ginauna, puhi biꞌo na thoke ghami ghotilo, ghotilo na cheke eghu, “Iara theome glealeꞌa ka nakarhagu na.”

Profet Isaia 37:16

“Lord, iagho mae ihei te au nolaghi fateote'o! Iagho nomi God ghehati maemi Israel, iagho King mae ihei te gnokro ka sape nafnakno farihoteidi phei engel. Iagho ngala thofno God te tutuani na, eghuteuna iagho funei frunidi kantri te gnafa ka nauthoglu igne. Iagho neke vuavuhadi maloa ghe nauthoglu igre.

Profet Isaia 40:21

Ba, ghotilo theome laseniu kolho? Ghotilo theome nomhini kolho? Ghotilo theome laseni ka ihei nga thoutonu eigna nauthoglu igne teke kulu vuavuha na?

Profet Isaia 40:26

Ghotilo filo haghe ka maloa gno! Ihei teke edi nathunu are?” Lord neke edi neke lilisei ka thofno vido mala audire, eghuteuna mana jaola neke lilisei nanghadi. Naugna mana thofno nheta fara nei au nolaghi fateote'o, eghuteuna theo kaisei nathunu te dofi ka mala augna na.

Profet Isaia 40:28

Ba? Ghotilo theome laseniu kolho? Ghotilo theome nomhini kolho? Lord na God mae ihei te au fabrahu funu tifa, eghuteuna mana neke vuavuha gobigna lepo ka nauthoglu igne. Theo kaisei naikno tangomana te thokeni gaoghathogna Lord na. Mana theome tangomana te babaꞌo ba te nigra na.

Profet Isaia 42:5

Lord ngala God mae ihei teke lilisei haghe maloa gne jateula kaisei suga tapuale neku. Eghuteuna mana neke vuavuha nauthoglu igne neke thafru ka thua nafnata glepo te keli. Mana neke phanga lao nakarha ka naikno te gnafa ka nauthoglu igne. Lord neke cheke eghu ka nogna mae gloku na,

Profet Isaia 44:24

Lord mae ihei teke vuavuha ghami ghotilo ka thiꞌadi idomi ghotilo are, eghuteuna mae ihei te fakarhi ghami ghotilo neke cheke eghu: “Iara Lord, eghuteuna iara neke vuavuhadi gobigna lepo fateoteꞌo gre. Iara thegu teke vuavuhadi maloa nei gobigna lepo fateoteꞌo te au ke lamnagna. Eghuteuna kate vuavuha iara nauthoglu igne, theo kaisei naikno teke togho ghau iara na.

Profet Isaia 45:18

Lord na mana God mae ihei teke vuavuha maloa baludi gobigna lepo te au ke lamnagna, eghuteuna mana jaola neke eni famaku nauthoglu igne mala au fabrahu tifa tifa. Mana neke theome eni nauthoglu igne mala fiti au kolho neku, theo, mana neke eni nauthoglu igne mala au naikno tagna. Lord neke cheke eghu, “Iara ngala Lord na. Theo kaisei god ahevanga.

Profet Isaia 51:13

Ghotilo theome lase ghau iara sia? Iara ngala mae ihei teke vuavuha ghami ghotilo na. Iara neke lilisei maloa ghe nauthoglu igre ka thofno mala audire. Naugna unha si ghotilo te mhaghudi fara naikno te para ghami nei tarabana mala goigoni ghami teu igrea? Diꞌa tadi mare igre ginauna theome thoke ghami ghotilo.

Profet Isaia 51:16

Iara neke lilisei maloa gne ka thofno mala augna na, eghuteuna lilisei famaku nauthoglu igne. Iara neke cheke eghu ka naikno te au ka namono Jerusalem, ‘Ghotilo nogu naikno iara.’ Iara neke farirhiu ghami ghotilo, eghuteuna iara reireghi ghami ka khamegu iara.”

Profet Isaia 65:17

Lord ne cheke eghu, “Iara ginauna horo maloa majaghani nei nauthoglu majaghani. Gobigna lepo teke edi tifa ra, naiknore ginauna ghatho ihodihi.

Profet Jeremaea 10:12

Ka nogna gaoghatho te keli nei ka nogna glalase eghu thegna Lord neke vuavuha nauthoglu ghe maloa igre. Mana neke vuavuha glepo igre ka nogna nolaghi nei glalase eghu thegna.

Profet Jeremaea 32:17

“Lord God, iagho neke vuavuha maloa ghe nauthoglu igre ka nou nolaghi biꞌo. Theo kaisei glepo te ninhigrana ka iagho na.

Profet Jeremaea 51:15

“God neke vuavuha nauthoglu igne ka chekegna te nolaghi fara. Ka nogna glalase mana neke lilisei nauthoglu igne mala au fabrahu, eghuteuna lilisei maloa gne ka mala augna na.

Profet Sekaraea 12:1

Kaisei nogna cheke profet: Cheke igne mei funugna ka Lord eigna Israel. Lord mae ihei teke edi maloa ghe nauthoglu igne, mana neke tusu lao nakarha na ka naikno, neke cheke eghu,

Matiu 11:25

Aonu mae Jisas ne cheke eghu ka mae Kmagna na, “Mama, iara cheke fakeli nigho, iagho mae te funei frunidi gobigna lepo kligna ba pari. Iara cheke fakeli nigho, naugna iagho ne falalase ka iheire te jateula sua teu te ihoni thofno glalase na, nu iagho pophoru glalase igne ka naikno te lasedi kmana glepo nei fahaehaghe fara teu eigna nodi glalase na.

Nonomho Te Keli Teke Risoi Mae Mak 13:19

Naugna puhi igne ginauna na biꞌo fara, ke uludi puhi teke edi tifa funu ka teke vuvuhagna God nauthoglu igne te posa gognaro gne. Eghuteuna ginauna na theo kaisei puhi jateula la igne teuna.

Mae Khuru 14:15

“Ba tore! Naugna unha site edi ghotilo glepo igrea? Ghepa naikno kolho, naikno jateula ghotilo eghu! Ghepa mei mala toutonuni u Nonomho te Keli gne ka ghotilo mala lilisei ghotilo god teke hohoro kolho naikno te theo nafugna igne mala ke figri ghotilo ka thofno God te karha na. Naugna mana mae teke hohorogna u maloa, u nauthoglu, u thongna, nei gobigna lepo te au ke lamnadi.

Mae Khuru 17:24

“God mae ihei teke hohorogna u nauthoglu thongana igne, nei gobi lepo fateote'o ke lamnagna. Mana te funei frunini kligna nei pari. Eghume, mana theome au ka suga tharai teke hohoro ka khame naikno!

Mae Khuru 4:24

Kate nomhini igne, naiknore kaisei nagnafa ngala ne kafe tarai fodu ka God ne cheke eghu, “Lord God, iagho mae neke vuavuhani maloa, nei glose, nei nhorora, nei gobigna lepo te au ke lamnadi.

Letas Teke Riso Tei Mae Pol Ka Khiloau Rom 11:36

Uve, God neke vuavuhadi gobigna lepore, eghuteuna gobigna lepore neke kegra ka nogna nolaghi mana, eghuteuna gobigna lepore nogna ngala mana. Tahati kilo fnaknoni God tifa tifa! Amen.

Ululahu Korin 8:6

te fatutuani ni tahati na jare na kaisei God tutuani ngala te au na. Mana Kmada tahati naikno khiloau, eghuteuna mana neke vuavuhadi gobigna lepore, nakarhada tahati na nogna mana. Kaisei Lord ngala nanghagna na Jisas Kraes. God neke vuavuha gobigna lepore ka mana, nei tahati jaola karha kolho ka mana.

Efesus 3:9

Eghuteuna mana vahi ghau iara mala toghodi naikno te gnafa gre mala filo glanini nagnafagna God eigna nogna gaoghatho poru igne. Tifa na, God mae ihei teke vuavuhadi nauthoglu ghe maloa gre neke theome snakredi naiknore mala laseni unha te ghathoni mana na.

Hibru 1:10

God ne cheke eghu langau, “Lord, ka fufunu gna ia iagho neke hohoro u nauthoglu igne. Eghuteuna maloa gne neke hohoro ka khamemure.

Hibru 1:2

Nu gognaro na kau narane leghu lahu igre, God ne kuruni mae Thugna mala cheke ka tahati. Eghuteuna, vahini mae Thugna mala hohoro u nauthoglu igne, nei mala khotodi mana gobigna lepo fateo te au ke lamnagna.

Hibru 11:3

Tahati fatutuani ni God. Eghume tahati laseni God tifa na neke hohoro u nauthoglu te filoni tahati igne ka chekegna. Mana hohoro gobigna lepo te filodi tahati igre ka unha te theome filodi tahati.

Hibru 3:4

Kmana mae tangomana horo suga eghuteuna thegna God ngala teke edi gobigna lepore.

Fapea Pita 3:5

Nu mae igre theome magnahaghei te laseni kaisei glepo. Tifa na God neke cheke kolho, eghuteuna maloa ghe glose gre ne thakle mei. Mana neke vuavuha glose gne mala thakle mei fari hotei khoꞌu, eghuteuna ka khoꞌu mana neke vuavuha gobigna lepo ka nauthoglu gne.

Ululahu Jone 1:1

Ghehati riso ari ka ghotilo eigna Cheke te karha fabrahu igne. Ghehati nomhinihi. Ghehati filonihi. Ghehati efranihi, nei habonihi ka khamemire. Ghehati riso ari ka ghotilo eigna Cheke te tusu meini u karha na.

Thakle 10:6

Ka vido tuana, mana ne eni kaisei nhaꞌa cheke ka nanghagna God mae ihei te karha te tifa tifa. Tutuani, God neke vuavuhani kligna nei pari nei nhorora nei thua lepo te au ke lamnadi. Aonu engel na ne cheke eghu ka nanghagna God, “Ka narane nate ifu fafitu engel nogna khufli na, nogna gaoghatho God teke poru teku igre ginauna horoghoto tutuani. Igne u Nonomho te Keli teke chekeni mana tifa ka nogna mae gloku, hatimare mae profet ra. Narane te mala ofo na la gnafahi!”

Thakle 14:7

Engel na ne cheke eghu fabiꞌo, “Ghotilo mala ghatho tahuni God nei mala pala hagheni nanghagna na, naugna nogna narane mana te mala fatedi naiknore la meihi. Eghume ghotilo mala pogho soru ranghini mae ihei teke vuavuhani kligna nei nauthoglu nei nhorora nei glokha kho'ure.”

Thakle 21:6

Mana ne cheke eghu ka iara, “Uve, gognaro na iara funei frunidi gobigna lepore naugna iara ne tapla sorudi nogu naoka re. Iara kulu au neke vuavuha nga gobigna lepo igre nei iara na au fabrahu kate ari te gnafadi gobigna lepore. Jame ihei te magnahaghei karha te tifa na, iara ginauna snakreni mana mala koꞌu kolho ka glokha khoꞌu te tusu mei karha na.

Thakle 22:13

Iara kulu au neke vuavuha nga gobigna lepore nei iara na au fabrahu kate ari te gnafadi gobigna lepore.

Thakle 3:14

Mae igne neke cheke eghu ka iara, “Iagho rioriso tei kaisei letas ranghini engel gna khiloau Leodisia, eghuteuna iagho cheke eghu ka mana: Igne nogu cheke iara na mae ihei te mala falalase ari nogna nhaꞌa cheke God gre thofno tutuani fara. Eghuteuna iara kaisei mae mala toutonudi nogna cheke mana re ka thofno puhi te tutuani fabrahu tifa tifa. Eghuteuna gobigna lepo teke vuavuha God igre, neke mei funu ka iara.

Thakle 4:11

“Nomi Lord God, iagho neke vuavuhadi gobigna lepo ka nauthoglu igne, eghuteuna tusu lao karha tadi. Naugna igne unha teke magnahaghei eni iagho na. Eghume nabami ghehati te koje te mala pala hagheni nanghamu na nei kilo fnakno nigho nei cheke fakeli nigho eigna nou nolaghi te biꞌo.”