Jemes 5:9 - Buka Blahi Ka Cheke Holo

⁹ Kheraguro, thosei khuru cheke fari themi naugna na eghunu fate ghami God eghu. Naugna u narane te mala ke pulo mei mana te fatedi naikno te gnafare la thono namo hi.

Jemes 5:9 Iomraidhean Croise

Jenesis 4:7

Jame te loku fakeli iagho na, iara ginauna na ghatho tahu nigho, nu jame te loku fadiꞌa iagho na, u nakhibo na ginauna na kaikalitiu te mala goigoni nigho iagho na. Eigna u nakhibo na magnahaghei te tapla fapari nigho iagho. Nu thosei snakreni nakhibo na me mala funei fruni nigho eghu.”

Nodi Khoje Hatimare Mae Jiu 59:15

Mare jateula khuma eghu leuleghu suga tafri hirogna gano na, eghuteuna kate ari te theome naba gano te mala ghamu na mare thono diꞌatadi fara.

Profet Esikiel 7:12

La thoke mei narane ia, narane te mala paradi iara naikno te gnafare la meihi! Naikno te sabiri glepo ba naikno te foli glepo teu igre ginauna na theome glealeꞌa ba diꞌanagnafa kolho ka glepo te edi mare re.

Levitikas 19:18

“Ghotilo thosei susuku ni kaisei kherami ba tughu fapulo kaisei puhi diꞌa teke eni mana na. Nu, ghotilo mala thofno namhadi kherami re jateula ghotilo te namha ghami themi eghu, naugna iara Lord.

Matiu 24:33

Eghume jateula tuana teu te filodi ghotilo glepo te edi igre na, ghotilo ginauna laseni meigu iara na la namohi.

Nonomho Te Keli Teke Risoi Mae Mak 13:29

Eghume jateula tuana teu te filodi ghotilo glepo te edi igre, ghotilo ginauna laseni meigu iara na la namohi.

Nonomho Te Keli Teke Risoi Mae Mak 6:19

Eigna igne te thono diꞌatagna fara Herodias te magnahaghei faleheni mae Jone Apublahi na. Nu naꞌa theome tangomana naugna mae Herod.

Ululahu Korin 10:11

Glepo teke edi kuꞌeda igre jateula te cheke faheta eghu ranghi ghita eigna nogna gloku God na. Naugna tahati auhi ka narane leghu lahu te mala ari te gnafagna nauthoglu igne.

Ululahu Korin 4:5

Eghume thosei fate naikno nu ofou ghilei thoke mei Lord. Mana ginauna hata fajifla kate phae glepo te diꞌa fara te poru teu kate romno na, eghuteuna mana ginauna fakakhana glepo teke poru ka nagnafadi naiknore. God ginauna jaola fafnaknodi gnafa naikno te leghuni nodi puhi te kelire.

Fapea Korin 9:7

Naikno te gnafare mala tufa unha te ghathoni ka nagnafagna thegna na. Mana theome tangomana te diꞌanagnafa kate tufa na. Mana theome tangomana te tufa naugna keha naiknoi te huhuruni mana na. Tutuani God namhani ihei te tufa balu gleale'a na.

Galesia 5:14

Eigna nogna vetula te gnafa mae Moses re khaputu ka cheke igne kolho, “Namhani kheramu fofodu na jateula iagho te namha nigho themu eghu.”

Galesia 5:26

Thosei fahaehaghe ghita theda, thosei eꞌei puhi ranghini ihei nei thosei goghotu fari theda.

Jemes 4:11

Kheraguro, thosei cheke fadiꞌani ihei, naugna mae ihei te cheke fadiꞌani mae kheragna fofodu na, mana jaola cheke fadiꞌani nogna vetula God na. Eghuteuna mae ihei te fateni mae kheragna fofodu na nei nhaꞌa faparini mana teuna, mana nhaꞌa fapari nila nogna vetula God na. Te eghu ghotilo na, ghotilo theome leghuni nogna vetula God na, nu ghotilo nhaꞌa fahaghe ghami themi ke kligna gna u vetula na.

Jemes 4:12

Nu thegna God ngala mae ihei te khotogna u vetula na eghuteuna tangomana te mala fate fakelini naikno na. Mana thegna tangomana te fakarhini mana ka puhi te diꞌa na nei tangomana te faleheni mana na. Eghume ghotilo thosei fateni mae ihei te keli na nei mae ihei te diꞌa na naugna tuana nogna gloku thegna God ngala.

Jemes 5:10

Ke ghathodi si ghotilo hatimare mae profet teke chekeni chekegna God na tifa ra. Neubane naiknore ne edi kmana nafnata puhi te diꞌa ka mare, mare kegra heta ka nodi fatutuani na.

Jemes 5:7

Kheraguro, thosei babaꞌo, ghotilo au kmu ofou ke ghilei pulo mei noda Lord. Ghathoni si ghotilo mae te loku ka nagare ia. Kate joꞌu te gnafa nagare na, mana na ofoni meigna nakhete na mala kotu ganore.

Ululahu Pita 4:5

Nu mare ginauna na toutonudi nakarhadi thedire ke ulugna God, mae ihei tarabana teu te mala fatedi naikno te karha nga teu gognaro gre, nei iheire tela lehehira.

Ululahu Pita 4:9

Snakredi sugamire ka kherami te fatutuani ni Kraes are balu gleale'a.

Thakle 3:20

Filo si ghotilo! Iara kegra ka grengathagna nomi khiloau ghotilo na mala kikidi. Jame kaisei naikno te nomhini chekegu iara na, eghuteuna tothora ranghi ghau iara grengatha na teuna, iara ginauna ima fodu balugna mana.