Jemes 5:8 - Buka Blahi Ka Cheke Holo

⁸ Eghume, jateula tuana eghu ghotilo au kmu ofou. Thosei nanga nomi naugna noda Lord na kela namo pulo meihi.

Jemes 5:8 Iomraidhean Croise

Jenesis 49:18

Aonu mae Jekop ne cheke eghu ka God, “Lord, iara ofo nigho mala mei fakarha ghau ka khamedi iheire te magnahaghei fakokhoana ghau iara igre.

Nodi Khoje Hatimare Mae Jiu 130:5

Iara ofoni kolho Lord, naugna iara magnahagheini fara mana te togho ghau na. Eigna iara fatutuani ni fara unha te chekeni mana na.

Nodi Khoje Hatimare Mae Jiu 27:14

Tahati mala fatutuani ni Lord, nei thosei ghatho peapea eghu. Tahati mala fatutuani nei ofoni eghu Lord nate mei togho ghita na.

Nodi Khoje Hatimare Mae Jiu 37:7

Iagho megei gnokrou rhegna Lord. Au kmu ofoniu mana mala togho nigho. Thosei diꞌanagnafamu kate atha nodi kmana glepo te keli ka puhi te edi mae re. Tutuani fara, iagho thosei ngana nou ka mae te ghathodi thua nafnata puhi te diꞌa igre te edi haghe puhi tuare.

Profet Esikiel 7:12

La thoke mei narane ia, narane te mala paradi iara naikno te gnafare la meihi! Naikno te sabiri glepo ba naikno te foli glepo teu igre ginauna na theome glealeꞌa ba diꞌanagnafa kolho ka glepo te edi mare re.

Profet Maeka 7:7

Nu, iara ginauna ofoni Lord kolho, naugna iara thofno laseni te mana ginauna mei mala fakarhi ghau iara. Lord ihei te nogu God iara igne ginauna nomhi meini nogu tharai iara na.

Profet Habaku 2:3

Naugna narane te mala thoke meidi gobigna lepo teke fakakhana iara ka iagho igre na theome raugha thoke mei. Jame gaoghathomu iagho na glepo igre ginauna theome ghosei mei eghu. Nu iagho ofou kolho, naugna glepo igre ginauna thoke mei ka thofno narane gna na.

Luku 21:19

Ghotilo ginauna hatini thofno nakarha na kate kegra maku fabrahu ghotilo ka nomi fatutuani na.”

Jone 21:22

Mae Jisas ne cheke eghu ka mae Pita, “Uve, jame iara magnahagheni mana te karha teu teke ghilei pulo mei iara na, tuana theome glepo ulu ka iagho. Mei sagho leghu ghau iara!”

Letas Teke Riso Tei Mae Pol Ka Khiloau Rom 8:25

Nu neuba tahati ne theome filoni glepo te rouronu teu tahati na, gognaro na tahati blaknoi ofo leghu fata.

Galesia 5:22

Nu kate snakreni tahati nakarhada na te mala baubatu mae Tharunga te Blahi na, mana ginauna tusu ranghi ghita namha, gleale'a, pharikeli, au kmu, lolokeli, au keli, u gaoghatho nheta te mala eni unha te chekeni,

Filipae 4:5

Kafe lolokelidi naikno te gnafare, naugna Lord na la namo meihi.

Ululahu Tesalonika 1:10

Jaola te chekeni mare na ghotilo ofoni Thugna God mala mei vuha kligna. God neke fakarha fapuloni mae Jisas ka glehe mala tangomana mana te fakarhi ghita ka fate nogna God nate mei tutuani thogheiro.

Ululahu Tesalonika 2:19

Eigna ghotilo nomi grouronu, nomi gleale'a, nei nomi nafnakno. Uve, naugna eimi ghotilo, ghehati thofno gleale'a fara kate kegra fodu balugna Lord Jisas Kraes kate pulo mei mana na.

Ululahu Tesalonika 3:13

Ka nafnata puhi igne mana ginauna farhetadi nagnafami, eghuteuna ghotilo ginauna klino nei blahi ke ulugna God Kmada kate pulo mei noda Lord Jisas Kraes baludi nogna naikno blahi fateote'o.

Fapea Tesalonika 3:5

Ghehati toreni noda Lord mala batudi nagnafami are mala laseni ghotilo God te namha ghami. Ghehati jaola tarai mala au heta ghotilo jateula mae Kraes te au heta.

Jemes 5:9

Kheraguro, thosei khuru cheke fari themi naugna na eghunu fate ghami God eghu. Naugna u narane te mala ke pulo mei mana te fatedi naikno te gnafare la thono namo hi.

Ululahu Pita 4:7

Nu tahati la mei namohi ka narane gobigna lepo ka nauthoglu igne ginauna hui. Eghume te keli na ghotilo ghaoghatho fakeli, nei filo fakeli eghu mala tangomana ghotilo te tarai na.

Thakle 22:20

Jisas mae ihei teke chekedi gobigna lepo te au ke lamnagna buka igne na ne cheke eghu, “Uve, tutuani fara. Iara ginauna theome raugha ke pulo mei.” Amen. Lord Jisas, mei!