Jemes 5:5 - Buka Blahi Ka Cheke Holo

⁵ Mare tanhi nei diꞌanagnafa naugna ghotilo ne theome tabadi mare. Nu ghotilo theome tanhi nei diꞌanagnafa eghu naugna ghotilo dedei fara nei ludeni unha te magnahagheni themi na. Nu ghotilo jateula kaisei buluka biꞌo te mala tarabana te mala falelehe te ghamu ia eghu. Buluka na gleale'a fara leuleghu narane, eghuteuna theome laseni narane mala lehegna na. Ghotilo jateula tuana eghu theome laseni narane God nate fate ghami ghotilo na.

Jemes 5:5 Iomraidhean Croise

Nodi Khoje Hatimare Mae Jiu 17:14

God, fakarhi ghau ka khamedi mae iheire te ghathodi kolho nakarhagna nauthoglu igne. Paradi fara sagho eidi unha glepo te diꞌa teke edi mare ra. Fapuhidi thudi mare gognaro gre nei gradi mare nate karha mei thogheiro.

Nodi Khoje Hatimare Mae Jiu 73:7

Leuleghu fata na, glepo te diꞌa na ngala te jifla mei ka gaoghathodire, eghuteuna leuleghu fata na nagnafadire fodu kolho ka majora.

Proveb 17:1

Kakatha gano moja ka nakarha te muana na, thofno keli fara salaꞌuni kmana gano ka gaghamu ka nakarha te fodu ka fapholai.

Proveb 7:14

“Kheraguo, ginei na iara neke eni kaisei fafara ka God, eghume kmana gano au ka suga na.

Eklesiasti 11:9

Ghotilo naikno majaghani ra, ghotilo glealeꞌa kani majaghani ngau. Ghotilo leghuni unha te magnahagheni ka nagnafami re. Nu fiofilo ghami eghu, God ginauna fatedi puhimi ghotilo re.

Profet Isaia 22:13

Nu ghotilo maꞌe nei ei gaghamu eghu kolho! Uve, ghotilo theome gnafa te falehe buluka nei sipu teu te mala ima ghemi nei koꞌu ghemi teuna. Eghuteuna ghotilo cheke eghu koba, “Te keli na tahati ima gheda nei koꞌu gheda eghu, naugna nathuꞌu na tahati ginauna kafe lehe.”

Profet Isaia 3:16

Lord neke cheke eghu, “Gaꞌasedi Jerusalem igre thofno faghaja fara! Kate nolo tafri na, rehati filo haghe kligna balu sepe-sepe thinidire, eghuteuna kaflo gehe ka mae nalhaꞌure. Eghuteuna rehati solt sesele ka ghahedire mala taitanhi kate nolo tafri rehati re, mala filo lao mae nalhaꞌu tadi.

Profet Isaia 47:8

“Fanomho mei ka cheke igne, leuleghu fata na iagho magnahaghei glepo fara nei ghathoni kolho te mala au fakeli themu na. Iagho cheke eghu, ‘Iara jateula God eghu, theo kaisei naikno te jateula iara teuna. Gaoghatho iagho igne jateula kaisei naikno biꞌo te theome laseni nate lehe khetogna na, ba nate lehe thugnare teu ia eghu kolho.’

Profet Isaia 56:12

Naikno igre cheke eghu, ‘Tahati ari atha waen nei beer eghu mala koꞌu gheda mala ghilei thaviru noda fara! Nathuꞌu na ginauna thofno keli fara salaꞌuni narane gognarogne.’ ”

Profet Jeremaea 12:3

Nu iagho Lord, iagho lase fakeli ghau iara. Eghuteuna iagho filodihi nogu gloku iara re, nei puhigu iara te ghatho tahu nigho iagho gre eghu. Atha fadelei naikno te diꞌa igre mala falelehe, jateula mae te atha fadelei sipu te mala falelehe te ghamu ra eghu. Iagho tajidiu ghilei thoke mei nodi narane te mala lehe na.

Profet Jeremaea 25:34

Ghotilo mae funei te mala reireghidi naikno ra, ghotilo mala diꞌanagnafa nei tanhi eghu! Ghotilo mala pepele pari ke kligna nakrofu khaꞌaghi, fagaglana gna nomi diꞌanagnafa na. Naugna gognarogne nodi narane mae naoka mala mei falehe ghami ghotilo na, eghuteuna mae naoka igre ginauna goigoni fahui ghami ghotilo. Ghotilo ginauna na jateula famane suspen thina te khoko pari te phosa te thono diꞌa fara ra eghu.

Profet Esikiel 16:49

“ ‘Tifa na, namono igne baludi namono ikodi te au te lithui ka iagho igre fahaehaghe fara. Mare au kmana gano, nu mare theome nanga nodi kolho ka ihei, eghuteuna theome toghodi kolho naikno te kumare.

Profet Esikiel 39:17

“Maegna ka nauthoglu. Iara Lord te chekeni igne: Kate naga tafri teu thinidi mae te lehe igre, iagho mala kaha nanghaji te gnafa nei glepo tautagu te gnafa teu ka vido te gnafa igre. Iagho cheke eghu ka mare: Ghotilo mala salo fodu mei ka thogele di Israel mala ghamu fafara biꞌo nate tarabana iara malami ghotilo igne. Igne gaghamu biꞌo, eghuteuna ghotilo tangomana te ghamu nafnahi nei koꞌu dadaradi mae soldia igre!

Profet Emos 6:1

Kokhoni ghami fara ghotilo naikno te au fakeli ka Thogele blahi Saion, nei naikno te au ka namono biꞌo Samaria. Te ghathoni ghotilo na, theo kaisei glepo nate goigoni ghami na eghu. Kokhoni ghami fara ghotilo mae funei te fnakno te au ka kantri Israel, eghuteuna naiknore mei hiro nodi thotogho ka ghotilo.

Luku 16:19

Mae Jisas ne cheke eghu, “Kaisei fata, kaisei mae te dedei na pipichi pohe keli koba. Eghuteuna mana ghamu gano keli koba leghu narane na.

Luku 16:25

“Mae Ebraham ne cheke eghu ka mana, ‘Thuguo, ke ghathodi sagho kani teke karhamu ra. Iagho neke gleale'a fara nu mae Lasaros neke diꞌanagnafa fara. Nu gognaro na mae Lasaros kela au gleale'a agne, nu gognarona iagho kela au papara.

Letas Teke Riso Tei Mae Pol Ka Khiloau Rom 13:13

Tahati mala au fabrahu ka puhi te doglo jateula naikno te au fabrahu kate phae eghu. Theome mala edi gaghamu te diꞌa ba koꞌu mala dranga, ba gnognoro, ba leghudi keha puhi te diꞌa, theome mala magra ba goghotu.

Ululahu Timoti 5:6

Nu thau te lisa lao thinigna na te mala eni nafnata puhi te diꞌa na, neubane karha neu naꞌa, naꞌa la kulu lehehi.

Fapea Timoti 3:4

Ka narane tuare, naiknore ginauna majoradi kheradi thedire. Mare ginauna loku balu fagoigoli nei fahaehaghe fara. Mare ginauna magnahaghei eni kolho unha te keli tadini thedi na, nu mare theome tangomana te namhani God.

Fapea Pita 2:13

Eghuteuna mare ginauna na paradi fara, eigna mae velepuhi chaichaghi igre neke kulu paradi keha naiknore. Mae velepuhi chaichaghi igre magnahaghei fara te hohoro gaghamu te diꞌa, neubane farihotei naublatha. Eghuteuna kate mei ima balumi ghotilo na, mare na famamaja ghami ghotilo fara ka nodi puhi te diꞌare. Nu mare keli tadi fara te mala chaichaghi ka nodi puhi te diꞌa tuare.

Letas Teke Rioriso Mae Jud 1:12

Kate ei famane gaghamu ghotilo fagaglana gna nomi namha biꞌo na eghuteuna te mei mare me ima fodu balumi ghotilo teuna, mare famamaja ghami ghotilo fara ka puhidi te diꞌare. Ka vido tuare mare ghathodi thedi kolho. Naikno tuare jateula khoveo te pala te mei nuri ia eghu kolho, nu theo kaisei nakhete te mei na. Eghuteuna mare jateula gaju te theome ure kate thoke mei nhigra dira eghu kolho. Eghume mae glokure ginauna na rathu koko naikno tuare mala koko lao ka khaꞌaghi. Mae velepuhi chaichaghi igre jateula gaju tela botohi ia eghu.

Thakle 18:7

Ghotilo parani naꞌa nanaba ka puhigna naꞌa te fafnaknoni kolho thegna nei gleale'a kate snori nogna ka gobigna lepo te magnahaghedi naꞌa re. Uve, iagho tangomana te mala fakabruni naꞌa, naugna naꞌa ne cheke eghu koba, ‘Iara gne au jateula nakrupe biꞌo eghu. Iara theome jateula thau glehe kokoi eghu mala au diꞌanagnafa nei tanhi eghu.’

Ululahu Samuel 25:36

Ka teke pulo Abigel ka mae Nabal na, mana au neu ka suga na ei gaghamu neu. Gaghamu te eni mana igne jateula kaisei nogna gaghamu mae king eghu. Mae Nabal koꞌu ne salaꞌui fara ne theome laseni kaisei glepo, aonu ka bongi igne, Abigel ne theome chekeni kaisei glepo ka mana.

Ululahu Samuel 25:6

Mae Devet neke cheke ka mare mala cheke eghu ka mae Nabal, “Mae Devet magnahaghei nigho iagho nei vikemu teu iaghore mala au fakeli, eghuteuna mana jaola magnahaghedi nou gobigna lepo iaghore mala keli fara. “ Eghuteuna mae Devet jaola ne cheke ka mare mala cheke eghu ka mae Nabal,