Jemes 5:2 - Buka Blahi Ka Cheke Holo

^2-3 Narane God te mala fate ghami ghotilo na la namohi. Igre hila narane leghu lahure, eghuteuna ghotilo heta ghemi fara ka salo fodu sileni malami themi na. Nu nomi dedei ghotilo tuare ginauna na boto. Eghuteuna nomi famane pohe ghotilo tuare ginauna na ghamu khokorosi, nei nomi sileni ghotilo are ginauna na kukuku theo nafudi. Igne tutuani fara, naugna ghotilo ne theome toghodi keha naiknore. Te kukuku nomi sileni ghotilo igre ngala fagaglana gne te khiri ghotilo na. Eghuteuna God ginauna na fate ghami ghotilo naugna ghotilo ne khiri fara.

Jemes 5:2 Iomraidhean Croise

Thoutonu Eigna Mae Job 13:28

“Eghume te haimini iara na, iara jateula mae tela diꞌa te jateula kaisei nabreku pohe te boto, ba jateula pohe te ghamu khokorosi ra eghu.”

Nodi Khoje Hatimare Mae Jiu 39:11

Kate diꞌatamu fara iagho ka mae ihei te tapla jafra ka nakhibo na, iagho fadidiꞌa unha te magnahaghedi fara mana re, jateula gnata te ghamu fadidiꞌa gobigna lepo ra eghu. Tutuani fara, nakarhagna nafnata naikno igne ghosei ari gnafa kolho.

Profet Isaia 50:9

Lord God ginauna togho ghau iara. Theo kaisei naikno tangomana te chekeni ne jafra iara teuna. Ihei te cheke fapari ghau iara na ginauna theo nafugna, jateula pohe te ghamu fahui gnata ia eghu kolho.”

Profet Isaia 51:8

Naiknore ginauna dofidi jateula pohe thona te ghamu khokorosi ra eghu. Nu puhigu iara te doglo te mala toghodi nei atha fapulodi teu naiknore ginauna au fabrahu tifa tifa.”

Profet Jeremaea 17:11

Ihei te atha sileni ka puhi te theome doglo na, mana jateula nanghaji te blau nakredi ka keha nanghaji na te lilisei ka nogna gnoku thegna na ra eghu. Nogna dedei mana igre ginauna hui kate mae majaghani teu mana na. Eghuteuna leghulahugna mae igne ginauna laseni te nogna gaoghatho naikno na thono fameomekro fara kolho.

Profet Hosia 5:12

Eghuteuna, iara ginauna goigonidi fara phei kantri Israel ghe Juda, jateula nakusi te goigonidi glepo te keli ra eghu.

Luku 12:33

Eghume ghotilo fofoli nomi glepore mala hata sileni mala tusu lao ka naikno te kumare. Ghotilo hata thofno gloi sileni te theome tangomana te thona nei breku teu igne. Ghotilo mala salo fodu nomi dedei gna kligna te theo ka gnafa gna, nu au fabrahu. Eghuteuna kligna na theo kaisei mae te mala blau te tangomana te tei thokeni ba theo kaisei khokorosi nate ghamu fadiꞌani na.

Jemes 2:2

Jame phei mae mei tarai balumi ghotilo, keha na mae dedei nei keha na mae kuma. Ghotilo na filo glanidi phei mae igre, naugna mae dedei gne mana pipichi pohe te keli, eghuteuna mae te kuma gne mana pipichi pohe te thona. Ghotilo na ghatho tahuni mae te dedei gne na cheke eghu ka mana, “Mae funei, mei gnokro ka sape nafnakno igne.” Nu ghotilo na cheke eghu ka mae te kuma na, “Sei, iagho kegrau jare, ba iagho gnokro pari rhegna ghahegu iara gne.”

Ululahu Pita 1:4

Gognaro na tahati rouronu fara eigna u thofno karha te ofo ghita teu kligna te theome tangomana te boto ba te diꞌa.