Jemes 5:10 - Buka Blahi Ka Cheke Holo

¹⁰ Ke ghathodi si ghotilo hatimare mae profet teke chekeni chekegna God na tifa ra. Neubane naiknore ne edi kmana nafnata puhi te diꞌa ka mare, mare kegra heta ka nodi fatutuani na.

Jemes 5:10 Iomraidhean Croise

Fapea Kronikols 36:16

Nu mare maꞌedi mae profet igre, eghuteuna mare theome magnahaghedi nodi cheke mare re. Mare cheke faparidi mae profet igre, eghuteuna Lord ne ghilei diꞌatagna fara ka mare mala theo kaisei nabrou te mala fakarhidi mare na.

Profet Isaia 39:8

Nu te ghathoni mae king na jau gaoghathodi cheke te edi mae profet igre ginauna toghoni mala au fakeli fabrahu ka nakarhagna na neu ne cheke eghu, “Unha te chekeni Lord ka iagho igne keliu kolho.”

Profet Jeremaea 2:30

Iara neke para ghami ghotilo, naugna iara magnahaghei te fadoglodi puhimi ghotilore, nu ghotilo tiromi tughu puhimi te diꞌare. Eghuteuna ghotilo jateula lion te rofo ra neu ne falehedi koba nogu mae profet iara ra.

Profet Jeremaea 23:22

Nu jame te kegra mare ke ulugu iara na, mare tangomana te chekeni thofno chekegu iara na ka nogu naikno iara re. Eghuteuna cheke igne tangomana nate toghodi naiknore te mala theome leghuni nabrou te diꞌa na.”

Profet Jeremaea 26:16

Nu mae biꞌo mala baubatu igre baludi keha naiknore ne cheke eghu ka mae pris nei ka mae profet teure, “Mae igne chekeni koba ka tahati nanghagna Lord noda God. Theome keli tahati te faleheni mae igne na!”

Luku 13:34

Aonu, mae Jisas ne cheke eghu, “Ghotilo naikno te au Jerusalem! Ghotilo falehedi hatimare mae profet ra eghuteuna fada falehedi ka thina mae teke kuru mei God ra. Kmana fata iara magnahaghei ghami ghotilo mala mei ka iara. Iara magnahaghei reireghi ghami ghotilo jateula khokorako gaꞌasegna te opo tafru thugnare ke pari baghignara eghu. Nu ghotilo tiromi magnahagheni ngala.

Luku 6:23

“Ka narane tuana ghotilo gleale'a balu ragi. Naugna God ginauna na taba fabiꞌo ghami ghotilo kligna. Mae kmadire neke eghu dila nogna mae profet God tifa na jateula te eni ka ghotilo gne neku.

Mae Khuru 3:21

Nu mae Jisas na mala au kligna ghilei thokeni narane God ginauna na teke edi teke famajaghanidi gobigna lepore. Naugna God neke kulu chekeni igne tifa ka nogna mae profet te blahire.

Mae Khuru 7:52

Mae ku'emi ghotilo re neke paradi fara mae profet te gnafa tifa re. Mae profet re neke chekeni meigna nogna Mae Gloku God te Doglo Fara na, eghuteuna mae ku'emi ghotilo re ngala teke falehedi mae profet re. Tutuani, gognaro na ghotilo neke majorani nei faleheni eghu nogna Mae Gloku God na.

Hibru 13:7

Thosei ghatho ihodi iheire teke kulu batu ghami tifa ra, mae igre neke toutonuni chekegna God na ka ghotilo. Ghathodi unha teke edi mare te ghilei lehe ra, nei jaola leghu fakelini nodi fatutuani na.

Jemes 4:11

Kheraguro, thosei cheke fadiꞌani ihei, naugna mae ihei te cheke fadiꞌani mae kheragna fofodu na, mana jaola cheke fadiꞌani nogna vetula God na. Eghuteuna mae ihei te fateni mae kheragna fofodu na nei nhaꞌa faparini mana teuna, mana nhaꞌa fapari nila nogna vetula God na. Te eghu ghotilo na, ghotilo theome leghuni nogna vetula God na, nu ghotilo nhaꞌa fahaghe ghami themi ke kligna gna u vetula na.

Jemes 5:13

Jame kaisei ka ghotilo au puhi biꞌo, mana tarai ka God. Eghuteuna jame kaisei ka ghotilo au gleale'a, mana koje kilo fnaknoni God.

Jemes 5:7

Kheraguro, thosei babaꞌo, ghotilo au kmu ofou ke ghilei pulo mei noda Lord. Ghathoni si ghotilo mae te loku ka nagare ia. Kate joꞌu te gnafa nagare na, mana na ofoni meigna nakhete na mala kotu ganore.

Jemes 5:9

Kheraguro, thosei khuru cheke fari themi naugna na eghunu fate ghami God eghu. Naugna u narane te mala ke pulo mei mana te fatedi naikno te gnafare la thono namo hi.