Jemes 5:1 - Buka Blahi Ka Cheke Holo

¹ Fanomho fakeli ghotilo naikno te dedei ra. Gognaro na ghotilo tanhi nei diꞌanagnafa eghu naugna God ginauna na fate ghami ghotilo eidi glepo diꞌa te eidi ghotilo are.

Jemes 5:1 Iomraidhean Croise

Nodi Khoje Hatimare Mae Jiu 17:14

God, fakarhi ghau ka khamedi mae iheire te ghathodi kolho nakarhagna nauthoglu igne. Paradi fara sagho eidi unha glepo te diꞌa teke edi mare ra. Fapuhidi thudi mare gognaro gre nei gradi mare nate karha mei thogheiro.

Proveb 11:28

Ihei te rouronu kolho ka sileni na, mana ginauna gnhagha jateula buburu eghu. Nu nakarhagna ihei te doglo na ginauna jateula khakla gaju te karha keligna ia eghu.

Proveb 11:4

Kate fateni Lord naikno na, sileni na theo nafugna na theome toghoni mana. Nu puhi te doglo na tangomana te fakarhini naikno na.

Profet Isaia 13:6

“Ghotilo tanhi! Naugna nogna Narane Biꞌo Lord te mala fatedi naiknore la namo meihi. Ka narane igne, mae ihei te au nolaghi fateote'o igne ginauna mei roꞌedi gobigna lepo fateote'o re.

Profet Isaia 15:3

Mare ginauna pipichi pohe thona leghu nabrou na tei, eghuteuna mare ne khapru ka kaisei vido ka namono na ne tanhi fabiꞌo.

Profet Jeremaea 4:8

Eghume, tahati mala pipichi ka pohe thona nei tanhi fabiꞌo eghu, fagaglana eigna noda diꞌanagnafa na. Naugna Lord na diꞌatagna fabrahu ka tahati.

Profet Jeremaea 9:23

Lord ne cheke eghu, “Ihei te lalase na thosei fahaehagheni nogna glalase na. Eghuteuna ihei te nheta na thosei fahaehagheni nogna nanheta na. Eghuteuna ihei te dedei na thosei fahaehagheni nogna dedei na.

Profet Esikiel 19:2

“ ‘King! Unha si idomu iagho gnea? Naꞌa jateula kaisei lion gaꞌase eghu, thuru farihoteidi lion. Naꞌa reireghi fakelidi thugna re farihoteidi sua lion igre.

Profet Esikiel 30:2

“Maegna ka nauthoglu. Iagho cheke ka naiknodi Ijep unha te chekeni iara igne: “ ‘Tanhi fabiꞌo ghotilo naiknomi Ijep! Ghotilo tanhi eghu, ‘Narane na la mei te thofno diꞌa fara na!’

Profet Joel 1:11

Ghotilo mae te loku ka nagare ra, ghotilo na diꞌanagnafa. Ghotilo mae te reireghi nagare grep ra, ghotilo tanhi. Naugna wit, rais, bali, nei gano te gnafa teu ka nagare na igre la hui ka cheche.

Profet Joel 1:13

Ghotilo mae pris te mala fafara ke kligna olta ra, ghotilo pipichi ka pohe te thona, fagaglanagna te diꞌanagnafa ghotilo na. Ghotilo tei tanhi ghilei rane ka Sugablahi gno, naugna gognaro na theo kaisei gano, ba waen te mala fafara ka noda God na.

Profet Joel 1:5

Ghotilo mae te koꞌu te thaviru ra, ghotilo dofra mala tanhi. Ghotilo mae te lase koꞌu waen ra, ghotilo mala jaola mala tanhi, naugna grep te mala eꞌei waen majaghani ghotilora la gnafahi.

Profet Maeka 6:12

Leuleghu fata na naikno te dedei fara ka kantri igne theome gnafa te thofno chaghidi tafri fabrahu naikno te kuma. Naikno te gnafa igre theome cheke kate tutuani nu mare chaghi kolho.

Profet Sefanaea 1:18

Ka Narane te diꞌatagna God igne, silva nei gol teu igre ginauna theome tangomana nate toghodi mare na. Naugna diꞌatagna God igne thofno brana fara jateula khaꞌaghi te brana te nhako fahui namhata biꞌo ra eghu. Eghume diꞌatagna God igne ginauna na jateula tuana eghu na falehedi hui naikno te gnafa ka nauthoglu igne.”

Diutronomi 32:15

“Ghotilo iheire te doglo ra neke blokha fara. Ghotilo au ghemi kmana gano fara eghuteuna ghotilo ghamu neke ghilei blokha neke salaꞌui. Eghume ghotilo leghuni puhi te theome doglo na eghuteuna ghotilo tei kokoni God mae ihei teke vuavuha ghami na. Ghotilo figri lao thagrumi re ka God mae ihei nomi vido keli te mala poru ghotilo na.

Jemes 1:11

Kate haghe naprai na, ginauna na brana e brana. Eghuteuna gaju tuare ginauna na brango ka nabrana gna naprai na, aonu chechenge gaju teke famane khuakhuda tuare ginauna na ghoꞌe khoko soru lehe. Na jateula tuana eghu mae ihei te dedei na. Kate loku teuna mana ginauna lehe kokodi nogna dedeire.

Jemes 2:6

Nu ghotilo ne filo faparidi iheire te kumare. Mae iheire igre te edi puhi diꞌa ka ghotilo, te hata ghami ghotilo ka fate na? Naikno te kuma gre? Theo! Naikno te dedei gre!

Jemes 4:13

Fanomho fakeli ghotilo ia. Thosei cheke eghu koba, “Gognaro ba nathuꞌu tahati na tei ka kaisei namono biꞌo mala au jare kaisei finogha. Eghuteuna tahati ginauna na loku heta mala hata sileni biꞌo.”

Jemes 4:9

Ghotilo theome nabami te maꞌe nei gleale'a teuna, nu ghotilo nabami na au diꞌanagnafa nei tanhi eghu, naugna ghotilo au nakhibo biꞌo fara.