Jemes 4:8 - Buka Blahi Ka Cheke Holo

⁸ Kate mei ghotilo ka God te au balugna mana na, mana ginauna na togho ghami ghotilo. Ghotilo naikno te diꞌa ra, thosei eni kaisei glepo te diꞌa nu eni unha te keli. Thosei kafe leghudi gaoghathogna naikno ghe gaoghathogna God re, nu hata fadelei glepo te thona te au ka nagnafami are nei ghathoni glepo te keli na eghu.

Jemes 4:8 Iomraidhean Croise

Jenesis 18:23

Mae Ebraham ne lao rhegna Lord ne cheke eghu, “Lord, iagho magnahaghei te roꞌedi naikno te doglo gre baludi naikno te diꞌa gre sia?

Ululahu Kronikols 28:9

King Devet ne cheke eghu ka Solomon, “Thuguo, ghatho tahuni Lord noda God. Iagho mala thofno leghuni mana, nei iagho mala sasaꞌa fara mala edi nogna gloku mana re. Lord na lasedi gaoghathoda tahatire, eghuteuna mana lasedi fara gobigna lepo te magnahaghedi tahati re eghu. Jame te hironi mana iagho na, iagho ginauna tangomana te filoni mana na, nu jame te figri tagruni iagho mana na, mana ginauna figri tagru nigho iagho fabrahu.

Thoutonu Eigna Mae Job 17:9

Keha mae cheke eghu, ‘Ihei te leghuni God na, ginauna theome tangomana te uka pari na. Eghuteuna nakarhagna mae ihei te theome eni kaisei najafra na, ginauna rheta fabrahu.’

Thoutonu Eigna Mae Job 9:30

Theo kaisei sopu naba te tihi kokodi nakhibogu iara re.

Nodi Khoje Hatimare Mae Jiu 119:113

Lord God, iara thono magnahaghedi fara nou famane farirhiu iagho ra, nu iara theome magnahaghedi iheire te tirodi leghu nigho re.

Nodi Khoje Hatimare Mae Jiu 145:18

Leuleghu fata na mana kaikalitiu kolho te mala toghodi iheire fateo te eha lao ka mana ka nagnafa te doglo na.

Nodi Khoje Hatimare Mae Jiu 18:20

Iara thofno leghudi puhi te doglo na, naugna igne Lord ne tusu ranghi ghau iara kmana glepo te keli. Kate theome eni iara kaisei najafra na, Lord ne fablahi ghau iara.

Nodi Khoje Hatimare Mae Jiu 24:4

Uve, ihei te klino nakarhagna na te theome tapla jafra ka nakhibo na, ihei ngala te theome pogho soru ka mumuju, nei ihei ngala te theome nhaꞌa cheke chaichaghi teu igne ngala nafnata naikno te nabagna na.

Nodi Khoje Hatimare Mae Jiu 26:6

Lord, iara na titihi khamegu gre mala laseni iagho te theo hila kaisei najafra ka iara na. Eghuteuna iara na tei falithuini nou olta iagho na balu tharai.

Nodi Khoje Hatimare Mae Jiu 51:10

God, lilisei mei sagho ka iara gaoghatho ka iara te mala leghu nigho fabrahu na mala gae nogu fara iara. Tusu mei sagho nagnafa majaghani ka iara mala gae iara ke ulumu.

Nodi Khoje Hatimare Mae Jiu 73:13

Keha naiknore jame buiburi eghu ka iagho God, “Theo kaisei nafugna kolho iara te mala bara fothini gaoghathogu na te mala gae te mala theome eni iara nakhibo na. Leuleghu hamerane na iagho para ghau iara. Eghuteuna iagho fakokhoana ghau iara fabrahu, funu hamerane ghilei posa fei grafi.” Nu jame te cheke eghu iara na, eghume ghehati na theome leghuni kolho puhidi nou naikno iagho re eghu.

Nodi Khoje Hatimare Mae Jiu 73:28

Nu iara thofno keli tagu fara te au namo ka iagho God. Lord God, iagho nogu vido keli mala poru iara, eghume iara magnahagheni fara te toutonudi gobigna lepo teke edi iagho ra.

Profet Isaia 13:15

Jame mae naoka mei hata kaisei mae biꞌo, eghuteuna mare puri falehe thugna manare. Mae naoka igre ginauna hata nogna glepo manare, eghuteuna mare huhuruni khetogna mana na mala thuru nodi balugna naꞌa. Ka narane tuana, mana ginauna kegra filou kolho ka mare. Eghuteuna mare ginauna na jaola faleheni mana ka naflahi.”

Profet Isaia 29:13

Lord ne cheke eghu ka iara, “Naikno igre fafnakno ghau iara ka cheke, nu gaoghathodire thono khaba fara ka iara. Puhidi mare te mala fafnakno ghau iara na leghuni kolho nogna vetula naikno na.

Profet Isaia 58:2

Leuleghu narane na, mare mei mala pogho soru ka iara, eghuteuna mare magnahaghei fara te laseni nei leghuni teu nogu vetula iara na. Mare fariuriu mala jateula naikno te magnahaghei ghau iara fara mala toghodi ka puhigu iara te doglo te mala au iara baludi ra eghu gaoghathodi re.

Profet Jeremaea 4:11

Kate mei mae naoka igre, Lord ginauna cheke eghu ka naiknodi Juda ghe Jerusalem, “Kaisei nuri biꞌo te thono brana fara na ginauna ghaghafa mei fei namono nagou. Nuri igne ginau mei ka nogu naikno iara igre. Nu theome nafnata nuri te mala toghodi mare te mala koko khunedi wit ra. Theo.

Profet Jeremaea 4:14

Ghotilo naiknomi Jerusalem, niha nau ame tughu nakarha nga eghu si ghotilo ia? Koko si ghotilo puhimi te diꞌare mala ke au klino, eghuteuna God ginauna na fakarhi ghami ghotilo.

Lamentations 3:57

Iagho neke mei rhegu iara mala togho ghau iara neku neke cheke eghu ka iara, “Thosei mhaghu.”

Profet Esikiel 18:31

Ghotilo koko puhimi te diꞌa te figri tagru ghau iara are, eghuteuna ghaoghathomi nei puhi ka nakarhami teu ghotilo are mala ke majaghani fapulo. Ghotilo naiknomi Israel ra! Naugna unha si ghotilo te magnahaghei lehe kolho gnea?

Profet Sekaraea 1:3

Naugna puhi igne, iagho mala cheke eghu ka naiknore: Lord mae ihei te au nolaghi fateote'o igne, mana ne cheke eghu, Tore! Ghotilo mala ke figri ke pulo ka iara! Jame te eghu ghotilo na, iara ginauna nake pulo mei mala ke au balumi ghotilo.

Profet Malakai 3:7

Funu ka naranedi mae kuꞌemi ghotilo tifara te ghilei posa mei ka ghotilo gognaro gre, ghotilo tiromi leghudi nogu puhi nei vetula teu iara gre. Nu jame koko ghotilo puhimi te diꞌare eghuteuna hogri nagnafa ghotilo meke pulo mei ka iara meuna, iara ginauna nake pulo mei ka ghotilo. “Nu ghotilo cheke eghu, ‘Na faꞌunha eghu ke pulo mei ka ghehati sagho ia?’

Matiu 12:33

“Gaju te keli na ginauna ure sisi te keli, nu gaju te diꞌa na ginauna ure sisi te diꞌa. Tutuani, gaju te gnafare tahati kafe filo glanidi kau sisidire. Eghume ginauna jateula tuana eghu tahati laseni naikno tuana ka nakarhagna nei puhigna teure.

Matiu 15:2

“Naugna unha si nou mae fanomho iagho gre te theome leghuni nodi farirhiu mae kuꞌeda tifa ra? Mare ne theome kulu titihi fakeli khamedire ne ghamu nga.”

Matiu 27:24

Mae Paelat laseni mana theome tangomana te eni kaisei glepo eigna igne. Naugna magra na la fufunuhi, mana hata keha khoꞌu ne titihi khame ke uludi naiknore. Aonu mana ne cheke eghu, “Iara theo kaisei nakhibogu ka glehegna mae te doglo igne! Nu nakhibomi ghotilo themi te eni na!”

Mae Khuru 15:9

Ka God na naikno tuare theome nhogri ka tahati. Kate fatutuani mare u Nonomho te Keli na, God na hata fadelei nakhibodire mala famane klino nagnafadire jateula teke enila mana ranghi ghita tahatia eghu.

Fapea Korin 7:1

Kheraguro, nhaꞌa cheke te gnafa igre neke edi God ranghi ghita. Naugna igne tahati mala au fadelei ka thua nafnata glepo tangomana te fathonadi thinida ba gaoghathodare. Naugna tahati ghatho tahuni fara God, tahati mala thofno leghuni puhi te blahi na.

Ululahu Timoti 2:8

Eghume iara magnahaghedi mae nalha'ura heva heva ka khiloau gne mala tarai. Kate tarai na, mare mala au nagnafa te klino nei mala theo diꞌa tadi na ba magra na.

Hibru 10:22

Naugna igne tahati mala mei namo ka God balu nagnafa heta nei fatutuani ni fara mae Jisas Kraes. Mana faklinodihi nagnafada nei gaoghathoda te thona. Eghume tahati laseni God na la hata fadeleidihi nakhibodare nei mana la faklino ghitahi ke ulugna thegna.

Jemes 3:17

Nu glepo ulu lahu na, mae ihei te au nogna gaoghatho te keli teke tusu ranghini God na, mana theome tangomana te eni kaisei glepo te diꞌa na. Mana ginauna na au gleale'a baludi kheragna fofodure. Mana au kmu kolho. Nu mana leghuni u puhi farirhiu te keli na. Jaola mana magnahaghei te toghodi naikno te magnahaghei thotoghore. Eghuteuna mana theome vahini naikno te dedei ba naikno te kuma na, nei mana theome chaghini nakarhagna na.

Ululahu Pita 1:22

Gognaro ghotilo fagae ghamihi themi naugna ghotilo leghuni cheke te tutuani na. Eghuteuna gognaro ghotilo jaola tangomana te namhadi kherami fofodure ka khiloau gne. Eghume te keli na ghotilo kafe namhadi naikno khiloau te gnafare ka thofno nagnafami fateo.

Ululahu Pita 3:21

Eghuteuna khoꞌu igne kaisei fagaglana ranghi ghita eigna apublahi. God gognaro na fakarha ghami ghotilo ka khoꞌu naugna mae Jisas Kraes na kela karha fapulohi. Jaola, apublahi gne theome mala tihi koko thona ka thinimi ghotilo re, nu mala eni ghotilo kaisei nhaꞌa cheke ka God ka thofno gaoghatho te tutuani.

Ululahu Jone 3:3

Eghuteuna iheire fateo te thofno fatutuani ni mae Kraes kate ofoni teu mana na fariuriu au klino, naugna mae Kraes na klino fara.

Ululahu Samuel 14:35

Ka puhi igne King Sol ne eni kaisei nogna olta Lord ka vido tuana.