Jemes 3:9 - Buka Blahi Ka Cheke Holo

⁹ Foflo gne tahati mala cheke fakelini noda Lord God, eghuteuna tahati jaola ke cheke fadiꞌa dila keha naikno teke hohoro la God ka thotoghale gna thegna na.

Jemes 3:9 Iomraidhean Croise

Jenesis 5:1

God neke vuavuha nalhaꞌu ghe gaꞌase mala jateula thegna neku. Eghuteuna ka narane tuana, God neke fablahidi neke kilodi “naikno.” Uve, igne u susurei gna vikegna mae Adam na.

Fapea Samuel 16:5

Kate mei namo mae King Devet baludi naiknore ka namono Bahurim, kaisei mae ka vikegna mae Sol jifla mei balu diꞌatagna ne cheke fadiꞌani mae Devet. Mae igne nanghagna na, Simei, thugna mae Gera.

Fapea Samuel 19:21

Nu mae Abisae thugna Seruia igne ne cheke eghu, “Mae Simei gne nabagna te aknu falehe kolho. Naugna mana neke cheke fadiꞌani king teke vavahi Lord igne.”

Ululahu Kronikols 29:10

Aonu King Devet ne cheke fakelini Lord ke ulugna mavitu na ne tarai eghu, “Iara cheke fakeli nigho Lord, nogna God mae Israel kuꞌemi ghehati tifa ia. Ghehati ginauna cheke fakeligho fabrahu tifa tifa.

Ululahu Kronikols 29:20

Aonu mae Devet ne cheke eghu ka naiknore, “Cheke fakelini Lord noda God!” Aonu naiknore ne kafe cheke fakelini Lord nodi God kuꞌedi tifa ra. Mare ne kafe pogho soru ne fafnaknoni God, nei jaola fafnaknoni King Devet.

Nodi Khoje Hatimare Mae Jiu 10:7

Foflogna mae igne thono diꞌa fara. Naugna e fodu ka chaichaghi nei famamhagu eghu koba. Mana ghosei ngala te cheke fajifladire cheke te diꞌa te mala goigonidi keha naiknore.

Nodi Khoje Hatimare Mae Jiu 108:1

God, iara au nogu fatutuani biꞌo fara ka iagho! Eghume, iara ginauna koje nei kilo fnakno nigho eghu iagho! Gognaro na iara dofra haghe!

Nodi Khoje Hatimare Mae Jiu 145:1

Iara ginauna cheke thakleni nanghamu iagho na, naugna iagho ngala nogu God, nei King teu iara na. Iara ginauna na cheke fakeli nigho koba leuleghu fata.

Nodi Khoje Hatimare Mae Jiu 145:21

Leuleghu fata na iara ginauna kilo fnaknoni Lord. Eghuteuna ghotilo gobigna lepo teke vuavuha mana ra, ghotilo mala jaola kilo fnaknoni nanghagna mana na tifa tifa.

Nodi Khoje Hatimare Mae Jiu 16:9

Eghume, nagnafagu na iara thofno glealeꞌa fara. Eghuteuna iara theome tangomana te mhaghuni kaisei glepo na.

Nodi Khoje Hatimare Mae Jiu 30:12

Nogu Lord, iara gognaro na theome tangomana te fofotho foflogu na. Iara ginauna na koje mala kilo fafnakno nigho. Iara ginauna tegio nigho fabrahu tifa tifa.

Nodi Khoje Hatimare Mae Jiu 34:1

Iara ginauna na cheke fakelini Lord fabrahu.

Nodi Khoje Hatimare Mae Jiu 35:28

Eghume iara ginauna cheke thakleni puhimu iagho na, eghuteuna iara ginauna cheke fakeli nigho leuleghu narane funu hamerane ghilei bongi.

Nodi Khoje Hatimare Mae Jiu 51:14

God, fakarhi ghau iara, thosei falehe ghau iara eigna unha puhi diꞌa teke eni iara ia. Iara ginauna koje kilo fafnakno nigho eigna te eni iagho puhi te doglo na.

Nodi Khoje Hatimare Mae Jiu 57:8

Gognaro gne iara dofra! Iara na lalahu gita nei hukalele eghu. Uve, kate gagra pasa na iara na koje balu kilo fnakno.

Nodi Khoje Hatimare Mae Jiu 59:12

Nakhibo na au fabrahu ka foflodire eigna nodi chekere thono diꞌa fara. Te keli na nodi puhi fahaehaghe thedi tuare mala ke fakokhoanadi kolho thedi. Eigna mare tibri ghami ghehati na nei chaichaghi koba eghu.

Nodi Khoje Hatimare Mae Jiu 62:4

Ghotilo jame magnahagheni kolho te tapla soru ghau iara te mala diꞌa iara nanghagu na. Tutuani fara, ghotilo magnahaghei fara te cheke chaichaghi na eigu iara ka keha naiknore, nu kate au balugu iara na nomi cheke ghotilo re e thofno keli fara. Ghotilo chekedi cheke te keli fara ka naiknore. Nu ka gaoghathomi ghotilore cheke eghu meu agne eghu, “Tahati magnahagheni kaisei fogra biꞌo te thokeni mana.”

Nodi Khoje Hatimare Mae Jiu 63:4

Iara ginauna na tegio nigho nei pala hagheni eghu nanghamu iagho na ghilei lehe. Iara ginauna na ngafa haghe phei khamegu gre mala tarai ari ka iagho.

Nodi Khoje Hatimare Mae Jiu 71:24

Leuleghu narane, te funu hamerane te ghilei posa fei grafi na, iara ginauna toutonu eidi puhimu iagho te doglo fara are, naugna mae iheire te magnahaghei goigoni ghau iara ra, iagho la tapla faparidihi mare e mamaja nodi fara.

Eklesiasti 7:22

Naugna kmana fata iagho jaola cheke fadiꞌadi keha naiknore.

Profet Isaia 29:13

Lord ne cheke eghu ka iara, “Naikno igre fafnakno ghau iara ka cheke, nu gaoghathodire thono khaba fara ka iara. Puhidi mare te mala fafnakno ghau iara na leghuni kolho nogna vetula naikno na.

Matiu 26:74

Mae Pita ne funu tibri balu naghoni thegna, ne cheke eghu, “Tutuani fara kligna ka God! Te chaghi iara na God ginauna fate ghau iara! Iara theome laseni mae igne!” Theome raugha ke leghugna te cheke teu mae Pita igne, kaisei khokorako ne taitanhi.

Matiu 5:44

Nu te chekeni iara ka ghotilo na, ghotilo mala kafe namhadi nomi mae naokare, nu taraidi naikno te para ghami re eghu.

Mae Khuru 2:26

Naugna igne iara gleale'a fara, eghuteuna chekegu iara na fatakleni nogu gleale'a na. Neubane mae mala lehe, iara ginauna na fatutuani nigho fabrahu.

Letas Teke Riso Tei Mae Pol Ka Khiloau Rom 3:14

“Foflodire fodu ka cheke te diꞌa te jifla mei kate diꞌa tadi te fadiꞌa nagnafadi naiknore.”

Ululahu Korin 11:7

Mae nalhaꞌu na theome mala toku tafru pha'ugna na kate tarai ba toutonuni chekegna God na, naugna mana jateula thotoghale gna eghu God, nei fagaglana gna nogna nolaghi God te thakle ka mana na. Nu gaꞌase na fagaglana gna nogna nolaghi khetogna na te thakle ka naꞌa na.

Efesus 1:3

Tahati cheke fakelini God, Kmagna noda Lord Jisas Kraes! Naugna tahati nogna mae Jisas Kraes, God neke tusu mei ranghi ghita u fablahi te gnafa te mei funu kligna.

Jemes 1:27

Nu puhi te doglo ka God Kmada na igne. Taji fakelidi goro sua te glehe kokoi ba goro naikno biꞌo tela lehehi khetodi ra. Naugna phei tothoghei igre ngaguni noda thotogho tahati na. Eghuteuna taji fakelini thegna ka gobigna lepo te diꞌa ka nauthoglu gne. Igne u nafnata naikno khiloau te magnahagheni God na.

Jemes 3:10

Tore! Cheke te keli nei tibri teu gre kafe jifla mei ngala ka kaisei foflo kolho. Kheraguro, igne thono jafra fara.

Ululahu Pita 1:3

Cheke fakelini God Kmagna noda Lord Jisas Kraes! Eigna ka nogna kokhoni ghita te biꞌo fara, mana neke tusu ranghi ghita u nolaghi te mala teke karha majaghani na. Eghume gognaro na tahati au noda grouronu eigna thofno nakarha na, naugna mae Kraes neke karha fapulo kau glehe.

Jajis 9:27

Eghuteuna mare tei ka nagare grep na ne ukli sisi mala ei waen. Mare te gnafa na ne eni kaisei gaghamu biꞌo ke lamnagna nogna suga nodi god na. Ka gaghamu igne mare loku ka ghamu na nei koꞌu na neu, eghuteuna mare ne cheke faparini Funei Abimelek.