Jemes 3:8 - Buka Blahi Ka Cheke Holo

⁸ Neubane eghu ngau, theo kaisei naikno te oho te mala namha foflogna na. Naugna foflo gne tangomana te chekedi koba glepo te thono diꞌa fara re. Jaola, cheke igre jateula khori te mala falehe sasa ia eghu.

Jemes 3:8 Iomraidhean Croise

Nodi Khoje Hatimare Mae Jiu 140:3

Foflodire jateula khe'i phanaga eghu. Uve, cheke te diꞌare jateula poesen te jifla ka foflogna u phanaga ia eghu.

Nodi Khoje Hatimare Mae Jiu 55:21

Nogna chekere mamahe fara jateula suka eghu, nu gaoghathogna mana na theome magnahaghei kaisei naikno te cheke faparini, eghuteuna nogna cheke igre fagano salhu jateula sedi eghu mala au kmu naiknore. Nu nogna cheke mana igre fagoreho ghami ghehati jateula naflahi te fnonu eghu.

Nodi Khoje Hatimare Mae Jiu 57:4

Uve, naikno diꞌa igre kegra faligoho ghau iara jateula lion te tarabana teu te mala ghamudi naikno ra eghu. Kheꞌidire fnonu fara jateula goru nei jata eghu, eghuteuna glapidire thono fnonu fara jateula naflahi mala magra eghu.

Nodi Khoje Hatimare Mae Jiu 58:4

Nodi chekere jateula mogo te faghughumhu ra eghu. Mare fofotho khulidire, jateula mogo te megli te theome nomhidi cheke ra eghu.

Nodi Khoje Hatimare Mae Jiu 59:7

Fanomho sagho nodi chekere thono diꞌa fara pari lahu. Nodi chekere fnonu fara jateula naflahi te ravedi naikno ra eghu. Nu mare ne cheke eghu, “Ihei gne nate nomhi ghami ghehati na?” Theo ihei nga nate nomhidi mare na.

Proveb 17:20

Ihei te fodu ka gaoghatho te diꞌa na, mana ginauna theome au fakeli. Eghuteuna ihei te cheke diꞌa fabrahu na ginauna khale ka puhi biꞌo.

Eklesiasti 10:11

Jame kaisei mogo te kathini kaisei mae tifa, nu mana tangomana te fakmugnani mogo tuana. Nu jame te snakreni mana mogo na teke kathini mana na, unha glepo te keli gne nate toghoni mae te ohogna mogo igne?

Letas Teke Riso Tei Mae Pol Ka Khiloau Rom 3:13

“Unha te chekeni mare na, naiknore nabadi na mala lehe.” “Naugna mare cheke chaichaghi koba nei chekedire jateula mogo neu ne goigonidi naiknore.”

Diutronomi 32:33

Puhidire jateula waen teke horo ka mogo phanaga ra eghu.

Jemes 3:6

Eghuteuna cheke te jifla mei ka foflogna naikno na jateula kaisei khaꞌaghi eghu, naugna tangomana te roꞌedi glepo te kelire. Neubane kaisei vido ikoi fara ngala ka thinida tahati na, u foflo ngala nafugna te mala jifla mei glepo te diꞌa na, eghuteuna tangomana te roꞌedi nakarhada fateo tahati re. Glepo te diꞌa igre tangomana te para ghita funu ka karhada na ghilei lehe tahati. Eghuteuna cheke te diꞌa igre neke mei funudi ka mae Satan.

Jemes 3:7

Funu tifa te posa gognaro gne, naikno na tangomana te kafe oho nanghaji, ba mogo, ba sasa, ba bosu mhata te mhaumhaghu ka namhata na are.

Thakle 12:9

Mare ne koko soruni pholi biꞌo na baludi nogna engel re ka nauthoglu gne. Pholi biꞌo tuana ngala mogo gna tifa te kiloni tahati mae Satan, mae funeidi naitu te gnafare. Eigna mana ne baubatudi naikno te gnafa ka nauthoglu gne ka nabrou te jafra.