Jemes 3:6 - Buka Blahi Ka Cheke Holo

⁶ Eghuteuna cheke te jifla mei ka foflogna naikno na jateula kaisei khaꞌaghi eghu, naugna tangomana te roꞌedi glepo te kelire. Neubane kaisei vido ikoi fara ngala ka thinida tahati na, u foflo ngala nafugna te mala jifla mei glepo te diꞌa na, eghuteuna tangomana te roꞌedi nakarhada fateo tahati re. Glepo te diꞌa igre tangomana te para ghita funu ka karhada na ghilei lehe tahati. Eghuteuna cheke te diꞌa igre neke mei funudi ka mae Satan.

Jemes 3:6 Iomraidhean Croise

Fapea Samuel 16:20

Aonu mae Absalom ne ghusna eghu ka mae Ahitofel, “Cheke meini sagho unha te ghathoni iagho na. Unha nate eni iara na?”

Fapea Samuel 19:43

Eghuteuna maedi Israel igre ne cheke eghu, “Uve, tutuani fara, king igne mae kherami ghotilo, nu ghehati au nomi nolaghi ke tulaomi ghotiloi. Ghehati nabotho vike, nu ghotilo kaisei vike kolho. Eghume king igne nomi ghehati nabotho fata salaꞌuni puhi te nomi themi teu ghotilo igne. Ghaoghatho fakelini si ghotilo. Ghehati ngala teke kulu ghathoni mala ke hata fapuloni mana tekuna!” Nu maedi Juda igre ne cheke faparidi fara maedi Israel gre.

Fapea Kronikols 13:17

King Abaeja balugna armigna Juda ne thofno goigonidi mare, aonu glima gobi thogha soldia gna Israel te rheta tulao ne lehe ka narane igne.

Nodi Khoje Hatimare Mae Jiu 140:3

Foflodire jateula khe'i phanaga eghu. Uve, cheke te diꞌare jateula poesen te jifla ka foflogna u phanaga ia eghu.

Nodi Khoje Hatimare Mae Jiu 64:3

Nodi chekere fnonu fara jateula naflahi eghu jaꞌi mei ghau iara. Mare tarabana mala ja'i ghau iara ka nodi cheke te thono diꞌa fara re.

Proveb 15:1

Thoghei famane cheke ka mae te thono diꞌatagna fara na, mana ginauna ke jemnu soru. Nu jame te cheke faheta fara iagho na, mana ginauna brana salaꞌui.

Proveb 16:27

Mae te diꞌa na magnahaghei te eni puhi te diꞌa na. Eghuteuna nogna cheke re brana jateula khaꞌaghi eghu.

Proveb 7:5

Eghuteuna jame khetogna keha mae na magnahaghei famaemahe nigho iagho mala thuru balugna, gaoghatho te keli na ginauna bara nigho, eghuteuna iagho na theome leghuni nogna cheke naꞌa na.

Profet Isaia 30:27

Filo ghotilo ia! Lord mae ihei te au nolaghi fateote'o igne, mana mei funugna ka vido te khaba fara balu nogna nafnakno biꞌo. Eghuteuna tahati tangomana te filoni mana te mei jateula kaisei maraghata biꞌo teuna. Diꞌatagna mana igne jateula kaisei nuri biꞌo te namo mei te goigonidi gobigna lepo ra eghu. Eghuteuna nogna cheke mana na ginauna jateula khaꞌaghi biꞌo eghu naugna mana ne thono diꞌatagna fara.

Profet Isaia 50:11

Nu ghotilo iheire te theome fatutuanini Lord ra ghotilo ginauna tei thoke ka narane te ninhigrana nei lehe eghu. Naugna ghotilo ne magnahaghei te hiro nomi nabrou themi, nu nabrou igne thono romno fara eghu.

Profet Jeremaea 20:10

Iara nomhidi naiknore buiburi eghu eigu iara, “Mae profet igne chekedi koba glepo te mhaghudi tahati te au falithui ghita igre. Tahati na kiloni mana ka nangha igne, Namhaghu na Aufalithui Heva Heva! Tahati na tei cheke ka mae biꞌo ra!” Mae kheragu iara gre jaola ofo ghau iara te mala eni iara unha glepo te jafra na ne cheke eghu fabrahu, “Tahati na saosagroni mana mala tangomana tahati te uluni mana na, eghuteuna ke tughu fapulo unha teke edi mana ka tahati ra eghu.”

Profet Jeremaea 28:16

Naugna igne, Lord ne cheke eghu: Theome raugha, iara ginauna atha fadelei nigho iagho ka nauthoglu igne. Ka finogha igne iagho ginauna lehe, naugna cheke te edi iagho igre batudi naiknore mala theome leghuni nogu cheke iara na.”

Naba 25:2

Goro gaꞌase igre neke ghusnadi mare mala mei ka gaghamhu na ka vido te au gna nodi god thedi na. Aonu maedi Israel gre mei ne ima nafnahi baludi reꞌe nei jaola ne maimanihini god na.

Naba 31:16

Goro gaꞌase igre site leghuni koba nogna cheke mae Balam ia! Eghuteuna reꞌe ngala te chaghidi noda mae nalhaꞌu tahati gre te rikhani Lord te leghuni god Baal-Peo igne! Ka puhi tugne site mei khabru te diꞌa igre ka tahati nogna naikno Lord grea!

Matiu 12:24

Kate nomhini hatimare mae Farasi cheke igne, mare ne cheke eghu, “Mae Satan, nodi mae funei hatimare mae naitu are, site tusu ranghini mana nolaghi te mala bruedi naitu area.”

Matiu 5:22

Nu te chekeni iara ka ghotilo gognarona, mae ihei te diꞌatagna fara ka mae kheragna fofodu na, mare ginau na hatani mana kau fate. Eghuteuna mae ihei te cheke fadiꞌani mae kheragna fofodu na, mare na hatani mana kau fate ke uludi hatimare mae biꞌo. Eghuteuna mae ihei te cheke nolini mae kheragna fofodu na, mana ginauna tei Gehena kau khaꞌaghi te karha fabrahu na.

Nonomho Te Keli Teke Risoi Mae Mak 7:15

Glepo te funu ke kosi te ruma ka foflogna naikno na theome fathonani mana. Nu unha te jifla mei ka foflogna naikno na tuana te tangomana te fathonani mana na.

Luku 16:24

Mana ne eha eghu ka mae Ebraham, ‘Mama Ebraham! Kokhoni ghau iara! Kuru meini mae Lasaros mala titihi geghesugna na ka khoꞌu mala farifuni glapigu gne. Naugna iara la para ghau fara ke lamnagna khaꞌaghi igne!’

Mae Khuru 20:30

Jaola keha ka ghotilo themi ginauna toutonu chaichaghi ka naikno khiloau re mala leghudi thedi kolho.

Mae Khuru 5:3

Ke leghugna igne, mae Pita ne filoni mae Ananias ne cheke eghu ka mana, “Ghema Ananias, naugna unha sagho te snakreni mae Satan te batu fadiꞌani nagnafamu na te chaghini mae Tharunga te Blahi gnea? Naugna unha sagho te tathaji teu malamu themu keha vidogna sileni gnea?

Mae Khuru 6:13

Eghuteuna mare hata ne mei keha mae mala chaghi eigna mae Stivin. Mare ne cheke eghu, “Mae igne ne cheke faparini koba noda Sugablahi tahati igne nei cheke faparini la noda vetula tahati gne.

Diutronomi 13:6

“Neubane thabusimi, ba thumu, ba khetomu ihei iagho te namhani fara, ba kaisei mae kheramu fofodu keli, jame kaisei ka mare mei cheke poru eghu ka iagho, ‘Tapa ari mala tarai ka keha god delei,’ iagho thosei fanomho ka mana! Jau mana magnahaghei ghami ghopa te tei tarai ka nodi god naikno te au rhemi ghotilo are, ba nodi god naikno te au khaba ka ghotilo are. Jau mana magnahaghei ghami ghopa te tei tarai ka nodi god naikno te au ka glose igne, god teke theome lasedi ghotilo nei kuꞌemi tifa ra. Nu iagho thosei fanomho tagna. Eghuteuna iagho thosei diꞌanagnafamu, nei iagho thosei pophoru mae igne mala theome thokeni mana papara na.

Taetus 1:11

Eghume ghotilo thosei snakredi mae velepuhi chaichaghi tuare mala farirhiu mare u puhi te jafra re, naugna mare na goigonidi u nodi fatutuani naikno te kmanare. Ghotilo theome ke ihodi mae igre, mare thono goigonidi fara tharakna te au Krit are ka nodi farirhiu chaichaghi are. Mare edi igre naugna mare magnahaghei te chaghidi kolho keha tharaknare mala hata nodi sileni kolho thedi.

Jemes 2:7

Eghuteuna ne iheire eghu si ghotilo te cheke fadiꞌani nanghagna noda Lord Jisas Kraes ia? Naikno te kuma gre? Theo! Naikno te dedei gre!

Jemes 3:7

Funu tifa te posa gognaro gne, naikno na tangomana te kafe oho nanghaji, ba mogo, ba sasa, ba bosu mhata te mhaumhaghu ka namhata na are.

Fapea Pita 3:3

Ghotilo mala thofno laseni eigna glepo igne. Na theome raugha ka nauthoglu gne keha naikno ginauna mala edi glepo te diꞌa te magnahaghedi thedire. Naikno igre ginauna mei maꞌe ghami ghotilo.

Fatilo Jone 1:10

Kate mei iara na, iara ginauna na chekedi ka ghotilo unha te edi mae Diotrefes. Mana chaichaghi nei cheke fadiꞌa ghita tahati. Nu theome tuana ngala eghu te eni mana na. Mana tirogna toghodi iheire te loku ranghini Kraes. Mana jaola lhotidi iheire te magnahaghei toghodi hatimare mae gloku nei faꞌau kosidi ka khiloau.

Thakle 12:9

Mare ne koko soruni pholi biꞌo na baludi nogna engel re ka nauthoglu gne. Pholi biꞌo tuana ngala mogo gna tifa te kiloni tahati mae Satan, mae funeidi naitu te gnafare. Eigna mana ne baubatudi naikno te gnafa ka nauthoglu gne ka nabrou te jafra.

Thakle 13:14

God snakreni fapea bosu na mala edi kofubobhoi igre ke ulugna bosu ulu lahu na. Eghuteuna naugna te edi mana kofubobhoi igre, mana ne chaghidi naikno te gnafa ka nauthoglu igne mala leghuni mana. Mana chekedi naiknore mala fafnaknoni bosu ulu lahu na kate eni mare kaisei mumuju jateula bosu ulu lahu. Bosu gne neke falelehe mare ka naflahi nu kela karha fapulohi teu na eghu.

Thakle 18:23

Ginauna jaola theo kaisei juta nate phae na, eghuteuna ginauna theo kaisei naikno nate tangomana te jaola te tolaghi ke lamnamu iagho na. Tifa na, nou mae mala foifoli iagho re neke mae biꞌo fara ka nauthoglu igne. Eghuteuna iagho neke chaichaghidi naiknodi namono te gnafare te mala leghudi kolho nou cheke themure nei mala ghatho ihoni God.”

Thakle 19:20

Nu kate magra na, mae ihei te saghe ka hose vegha na igne ne hata bosu na, balugna mae profet chaichaghi na. Mae profet chaichaghi igne mana neke eꞌei kofubobhoi ke ulugna bosu na tifa. Eghuteuna ka puhi igne mana chaichaghidi fara naiknore teke hata mare fagaglana gna bosu na nei pogho soru ka mumuju gna na. Aonu mae profet chaichaghi ghe bosu gre karha neu ne koko lao mare ka kholo khaꞌaghi te ngire ka thina te ngaja na.