Jemes 3:4 - Buka Blahi Ka Cheke Holo

⁴ Eghuteuna, ghotilo laseni u vaka biꞌo ia. Neubane nuri biꞌo ngau, vaka na tangomana te tei ke kligna thongna na. Naugna kaisei thaba ikoi ngala te batuni vaka biꞌo na te mala tei thoke ka namono aheva teke magnahaghei tei mae kapten na.

Jemes 3:4 Iomraidhean Croise

Profet Jona 1:4

Nu Lord eni nuri biꞌo na ne ghaghafa mei ne malu thongna na, eghuteuna vaka na ne namo phosa.

Matiu 11:27

Mae Jisas ne cheke eghu, “Mae Kmagu iara na la lisa meihi ka khamegu iara gobigna lepore. Theo kaisei naikno te thofno laseni mae Thugna God na, mae Mama thegna ngala. Tutuani, theo kaisei naikno te thofno laseni mae Mama na, kaisei mae Thugna ngala. Nu iheire ngala teke vahidi iara ginauna cheke ranghidi eigna mae Mama, eghuteuna mare ginauna jaola laseni mae Mama.

Matiu 8:24

Kate kasa mare ka kholo na, kaisei nuri blahi ne thoke mei ka mare fari hotei nhorora. Kholo na ne funu diꞌa, ne galo biꞌo fara, kholo na ne funu haghe ka mola na. Nu mae Jisas ne thuru iho.

Mae Khuru 27:11

Nu mae funei biꞌodi hatimare mae armi gne tirogna fanomho ka unha te chekedi mae Pol igre. Nu mana fanomho kolho ka nogna cheke mae kapten gna vaka na balugna mae te khotogna vaka na.

Jemes 3:3

Jaola ghathoni igne. Mare haru kaisei phukri ka gaju ikoi te lilisei ka foflogna hose na. Mare eni igne mala tangomana te batuni hose biꞌo na mala tei ka vido aheva te magnahaghei tei mare na.

Jemes 3:5

Jateula tuana eghu glapigna naikno na. Neubane kaisei vido ikoi kolho ka thini na, tahati tangomana te edi tagna kmana nafnata glepo biꞌo te fahaehaghedi tahati re. Nu tahati ghatho nila eigna u khaꞌaghi ia. Neubane ikoi fara ngala ka fufunu gna na, naꞌa na tangomana te biꞌo te ghilei gnubra fahui namhata tongana na.