Jemes 3:1 - Buka Blahi Ka Cheke Holo

¹ Kheraguro, theome kmana mae ka ghotilo te magnahaghei mae velepuhi ka khiloau gne. Naugna ghotilo laseni God ginauna na fate ghita tahati mae velepuhi gre ke tulaodi keha naikno te theome velepuhi are.

Jemes 3:1 Iomraidhean Croise

Levitikas 10:3

Aonu mae Moses ne cheke eghu ka mae Eron, “Igne gaoghatho gna unha teke cheke eghu Lord ia: “ ‘Iara ginauna fakakhana te blahi iara ka iheire te mei namo ka iara na. Eghuteuna nogu naikno iara gre ginauna fafnaknoni nogu nolaghi iara na.’ ” Nu mae Eron ne au kmu kolho.

Profet Malakai 2:12

Mae ihei te eni nafnata puhi te diꞌa igne, nabagna na lisa lao ka khamegna Lord mala atha fadelei ka vikeda tahati maeda Israel. Eghuteuna tahati ginauna theome snakreni mana mala loku fodu baluda tahati kate mei fafara tahati ka narane te mei fafara tahati ka Lord na mae ihei te au nolaghi fateoteꞌo.”

Matiu 10:24

“Mae sikolu na theome uluni nogna mae velepuhi na, eghuteuna mae gloku na theome uluni nogna mae funei na.

Matiu 23:13

“Puhi biꞌo ka ghotilo mae Farasi nei mae velepuhigna vetula nogna mae Moses teu igre! Ghotilo chaghi fara! Naugna ghotilo fanagra nabrou te mala tei ka God na. Ghotilo themi na tiromi ruma eghuteuna ghotilo fanagradi naikno te magnahaghe ruma fari hoteidi naikno te funei frunidi God re.

Matiu 23:14

Puhi biꞌo ka ghotilo mae Farasi nei mae velepuhigna vetula nogna mae Moses teu igre! Ghotilo chaghi fara! Naugna ghotilo fakokhoanadi nei blaudi eghu koba nodi gobigna lepo goro naikno biꞌo te lehe khetodire. Eghuteuna ghotilo tarai brahu koba mala ne mae blahi eghu kolho. Tutuani, God ginauna para ghami fara ghotilo!

Matiu 9:11

Kate filoni igne, keha mae ka hatimare mae Farasi gre ne cheke eghu ka nogna mae fanomho mana re, “Naugna unha si mana te ghamu baludi mae te diꞌa te mala salo takis nei keha naikno te diꞌa teu igrea?”

Luku 16:2

Mae dedei igne ne kilo meini mana ne cheke eghu ka mana, ‘Iara ne nomhi thoutonu diꞌa eimu iagho na. Falalase ka iara unha te edi iagho ka nogu sileni iara re. Iagho ginauna theome tangomana teke mala reireghidi nogu mae gloku iara re.’

Luku 6:37

Mae Jisas ne cheke eghu, “Thosei fateni ihei, na eghunu ke fate ghami God eghu. Thosei fathoroni ihei na, na eghunu ke fathoro ghami God eghu. Eghuteuna ghotilo hata fadelei nakhibodi keha naiknore mala nu ke hata fadelei langau God nakhibomire eghu.

Jone 3:10

Mae Jisas ne cheke eghu ka mana, “Iagho kaisei mae velepuhi biꞌo gna Israel. Nu theome laseniu ngala eghu sagho gaoghathogna na u cheke ignea, ghema?

Mae Khuru 13:1

Igre mae profet nei mae velepuhi eghu te au ka khiloau Antiok re: mae Banabas; nei mae Simion mae te kiloni mae Pipito; nei mae Lusias mae gna Saerini; nei mae Manaen mae ihei teke biꞌo haghe balugna mae funei Herod Antipas; nei mae Sol.

Ululahu Korin 12:28

God neke lilisei soasopai naikno te mala edi soasopai gna gloku ka khiloau gne. Ulu lahu na, mana neu lilisei hatimare mae khuru, fapea na, hatimare mae profet. Fatilo na, hatimare mae velepuhi. Eghuteuna kehare mala eꞌei kofubobhoi, nei kehare mala fakelidi iheire te fogra, nei kehare mala totogho, nei kehare mala baubatu ka khiloau, nei kehare mala cheke ka keha nafnata cheke.

Fapea Korin 5:10

Tahati laseni, tahati te gnafa na ginau ari kegra ka fate ke ulugna Kraes. Mana ginauna taba ghita hui, leghuni unha teke eni tahati ka nakarhada na kau nauthoglu igne, te keli ba te diꞌa.

Efesus 4:11

Eghuteuna Jisas mae ihei teke tusu mei ka tahati u khokofakasai te mala loku ranghini God. Mana neke vavahi keha mae mala khuru, keha mae mala profet, keha mae mala toutonu eigna Nonomho te Keli, keha mae mala velepuhi nei reireghini nogna khiloau na.

Ululahu Timoti 1:7

Naugna mare magnahaghei te farirhiu eigna nogna vetula mae Moses, nu mare thedi na theome lasedi gaoghathodi unha te chekedi thedire. Eghuteuna mare theome lase nila u farirhiu ne lasedi farahi thedi teure.

Ululahu Timoti 2:7

Naugna igne God neke vahi ghau iara mala loku jateu kaisei mae khuru mala toutonuni u Nonomho te Keli na ranghidi iheire te theome Jiu mala fatutuani nei laseni cheke te tutuani na. Iara cheke kate tutuani, theome chaichaghi!

Fapea Timoti 1:11

God neke vahi ghau iara mala loku jateula kaisei mae khuru ba velepuhi mala toutonuni u Nonomho te Keli igne.

Hibru 13:17

Hatimare nomi mae mala baubatu ghotilo re reireghidi nakarhamire. Mare ginauna na kegra ke ulugna God mala toutonu ka mana eigna nodi gloku teke eni mare ka nauthoglu igne. Eghume ghotilo leghudi nei ghatho tahudi eghu mare mala tangomana te gleale'a ka nodi glokure. Te loku balu diꞌanagnafa mare na, igne ginauna na theome togho ghami ghotilo.

Jemes 1:16

Uve kheraguro, eghume thosei batu fadelei ghami.

Jemes 1:19

Kheraguro, ghaoghatho fakeli ghotilo ia. Te keli na ghotilo kulu fanomho fakeli ghu ame funu cheke nga nei diꞌatami nga eghu ka keha naiknore.

Jemes 3:10

Tore! Cheke te keli nei tibri teu gre kafe jifla mei ngala ka kaisei foflo kolho. Kheraguro, igne thono jafra fara.

Ululahu Pita 5:3

Thosei kegra me poapola kolho jateula kaisei mae funei eghu ke klignadi naikno te au ka khamemi ghotilo are. Nu te keli na ghotilo loku fodu batudi ka puhi te keli mala tangomana mare te leghu ghami ghotilo na.