Jemes 2:12 - Buka Blahi Ka Cheke Holo

¹² Eghume ghotilo ghatho fakelini igne ka gobigna lepo te chekedi nei edi teu ghotilo re. Naugna God ginauna na fate ghami ka nogna vetula na mala snagla ghotilo ka nakhibomire.

Jemes 2:12 Iomraidhean Croise

Luku 4:18

“Tharunga gna God na au balugu iara. Naugna mana neke vahi ghau iara mala toutonuni Nonomho te Keli gne ka naikno te kumare. God neke kuru ghau iara mala toutonu ka naikno te au sosolo ka nakhibodire mala snagla mare, nei naikno teke dofure mala ke fifilo fapulo. Eghuteuna iheire te au papara ke paridi nodi nolaghi keha mae re ginauna mala ke au ka pharikeli.

Jone 8:32

Ghotilo ginauna laseni u glepo te tutuani eigna God na, eghuteuna u glepo te tutuani tuana ginauna hata fasnagla ghami ghotilo.”

Galesia 6:2

Jame kaisei mae au puhi biꞌo tagna, ghotilo toghoni mana. Te eni ghotilo igne na, ghotilo thofno leghuni nogna vetula mae Kraes na.

Filipae 4:8

Kheraguro, iara magnahaghei te chekeni kaisei glepo ka ghotilo. U puhi te keli fara te mala ghathodi koba ghotilo re igre. Jateula ngau puhi te tutuani, puhi te fnakno, puhi te doglo nei puhi te famane nei puhi te thofno keli fara ka nonomho dire.

Kolose 3:17

Gobigna lepo te edi ba te chekedi ghotilo re la kafe edihi malagna noda Lord Jisas Kraes. Eghuteuna ghotilo cheke fakelini God Kmada ka mana.

Jemes 1:25

Nu naikno te thofno gleale'a na ngala mae ihei te famane fifilo fakeli nei leghuni koba teu chekegna God na. Eghuteuna chekegna God te thofno keli tuana ngala tangomana te hata fadelei nakhibo na te mala snagla naiknore. Uve, mana fanomho fakeli nu mana theome ghatho ihodi unha te nomhidi mana re. Mae igne ngala te thofno gleale'a na.

Jemes 2:8

Tahati la iu'ijunihi u vetula te thono ulu fara ka grioriso te blahi na igne, “Namhani kheramu fofodu na jateula iagho te namha nigho themu eghu.” Te eni ghotilo igne na, ghotilo thono doglo fara, naugna ghotilo ne leghuni unha te chekeni ka nogna vetula God na.