Jemes 2:11 - Buka Blahi Ka Cheke Holo

¹¹ God neke cheke eghu, “Thosei tolaghi pedo.” Eghuteuna God jaola neke cheke eghu, “Thosei falehe naikno.” Neubane theome tolaghi pedo iagho, nu falehe naikno iagho teuna, iagho kafe huhughudi ngala nogna vetula God na.

Jemes 2:11 Iomraidhean Croise

Levitikas 4:13

“Jame mae lida igre huhughuni nogu vetula iara na eigna mare neke theome ghathoni te mala eni na, nu naiknore theome laseni teuna, ghotilo te gnafa na kafe jafra ka tathagu iara na.

Levitikas 4:2

mala tei cheke eghu mana ka naiknodi Israel, “Jame kaisei naikno eni kaisei najafra, glepo igne mana neke theome ghathoni mala eni teku na, nu mana huhughuni nogna vetula Lord na, te eghuna mana fafara leghuni unha te chekeni iara na.”

Levitikas 4:22

“Jame kaisei mae lida huhughuni kaisei nogu vetula iara, nu mana theome laseni ne jafra teuna, glepo igne fathona ni mana ka tathagu iara na.

Matiu 19:18

Mana ne cheke eghu ka mae Jisas, “Vetula aheva gre?” Mae Jisas ne cheke eghu ka mana, “Thosei falehe naikno. Thosei tolaghi pedo. Thosei blau. Thosei chaghi eigna kaisei mae kau fate.

Nonomho Te Keli Teke Risoi Mae Mak 10:19

Uve, iagho la lasedihi vetulara, ‘Thosei tolaghi pedo. Thosei falehe naikno. Thosei blau. Thosei chaghi eigna kaisei mae kau fate. Thosei chaghi mala blau. Ghatho tahudi idomu kmamure.’ ”

Luku 18:20

Uve, iagho la lasedihi vetulara, ‘Thosei tolaghi pedo. Thosei falehe naikno. Thosei blau. Thosei chaghi eigna kaisei mae kau fate. Ghatho tahudi idomu kmamure.’ ”

Letas Teke Riso Tei Mae Pol Ka Khiloau Rom 13:9

Vetula na cheke eghu, “Thosei tolaghi pedo, thosei falehe naikno, thosei blau, thosei mamagnani nogna glepo ihei na.” Vetula te gnafa baludi keha vetula langau teu igre thofno kaisei vetula ngala, te chekeni na, “Namhani kheramu fofodu na jateula iagho te namha nigho themu eghu.”