Jemes 1:10 - Buka Blahi Ka Cheke Holo

¹⁰ Nu mae ihei te dedei fara ka nauthoglu igne, mana na gleale'a langau, naugna God ginauna na nhaꞌa faparini mana. Eigna mae ihei te dedei na theome au raugha, nu ginauna na jateula chechenge gaju te au katha vido kmoꞌei kolho nu khoko me lehe teura eghu kolho.

Jemes 1:10 Iomraidhean Croise

Thoutonu Eigna Mae Job 14:2

Mana ghosei kotu haghe jateula chechenge gaju eghu, eghuteuna jaola ghosei lehe jateula chechenge gaju eghu. Nakarhagna na ghosei dofini kolho jateula naungo gaju eghu.

Nodi Khoje Hatimare Mae Jiu 102:11

Iara karhau katha vido kmoꞌei kolho, jateula naungo te namo dofini fei grafi ra eghu kolho. Uve, iara gne jateula buburu tela brangohira eghu kolho.

Nodi Khoje Hatimare Mae Jiu 103:15

Nakarhada tahati naikno na kmoꞌe fara jateula buburu eghu, ba jateula keha nafnata sisi te kotu haghe te biꞌo ka nagare ra eghu kolho.

Nodi Khoje Hatimare Mae Jiu 37:2

Theome raughau mare ginauna brango jateula u buburu eghu kolho. Mare ginauna lehe jateula gaju ikodi te lehe ka nhigra te ahora eghu.

Nodi Khoje Hatimare Mae Jiu 39:6

“Nakarhagna naikno na jateula naungo gaju eghu kolho. Gobigna lepo te magnahaghei mana te loku brana di mana re na ari theo nafudi kolho. Eghuteuna unha te salo fodu mana malagna thegna teure tahati theome laseni ihei nate khotodi ginau re.

Profet Isaia 40:6

Iara neke nomhini kaisei naogla ne cheke eghu, “Iagho eha tei!” Aonu iara ne ghusna eghu, “Unha nate chekeni iara na?” Naogla igne neke cheke eghu ka iara, “Iagho na cheke eghu: Naikno te gnafa igre ginauna theome au raugha ka nauthoglu igne na jateula buburu eghu kolho, eghuteuna nodi glepo te keli re jateula chechenge eghu kolho.

Profet Isaia 40:7

Buburu na gnhagha kolho, eghuteuna chechenge na khoko pari, naugna Lord neke eni nuri na mala ghaghafa mei. Eghume naikno na jateula buburu eghu, theome au raugha.

Profet Isaia 57:15

Lord mae ihei te haghe nei blahi fara, nei karha fabrahu te tifa te tifa igne, mana ne cheke eghu, “Iara au ka vido te haghe nei blahi, nu iara jaola au baludi naikno te nhaꞌa faparidi thedi nei au diꞌanagnafa fara eidi nakhibodi re teu igre, eghuteuna iara tusu lao ranghidi nakarha majaghani.

Profet Isaia 66:2

Iara thegu teke vuavuhadi maloa ghe nauthoglu igre baludi gobigna lepo te au ke lamnadi. “Nu iara keli tagu fara ka nafnata mae te nhaꞌa faparini thegna igne, ba mae te diꞌa nagnafadi nakhibognare, mana thofno ghatho tahu ghau iara, eghuteuna leghuni nogu cheke iara na.

Matiu 5:3

“Keli tadi iheire te laseni te fnota ka God na, mare ginauna theome ludeni nakarha te tutuani na. Naugna God ginauna funei frunidi nafnata naikno igre.

Matiu 6:30

Nu thegna God kolho teke falalaonidi sisi ka namhata na are, nu sisi te karha teu gognaro igne nathuꞌu teuna na koko lao ka khaꞌaghi. Ghotilo ke uludi sisi igrei. Ba, na theome falalaoni ghami la God mae Kmami te au kligna na neu si ghotilo ia? Uve! Nu nomi fatutuani ghotilo na thono ikoni fara!

Filipae 3:8

Uve, iara magnahaghei te lisa faleghu te gnafa gobigna lepo teke ghatho tahudi iara kau nauthoglu igne. Naugna gognaro na iara thofno lase fakelini mae Jisas Kraes. Eghume te laseni iara na glepo tuare theo nafudi kolho. Tutuani fara, glepo igre jateula chara eghu ka gaoghathogu iara na. Eghuteuna iara magnahaghei te koko fadelei glepo tuare naugna iara magnahaghei te loku ranghini nogu Lord Jisas Kraes,

Ululahu Timoti 6:17

Cheke faheta ranghidi iheire te dedei fara ka nauthoglu igne mala thosei fahaehaghe fara nei thosei rouronudi glepo nate dofidi kaisei narane, nu cheke ranghidi mala fatutuani ni God mae ihei te tusu ranghi ghita gobigna lepo te keli mala gleale'a tahati.

Jemes 4:14

Tore, nu ghotilo theome laseni unha nate eni nathuꞌu na! Eghuteuna ghotilo theome laseni unha nafnata nakarhagna nate hata ghotilo na. Ghotilo na jateula khoveo te filoni tahati katha vido ikoi hamerane nu kela dofi nila teu ia eghu kolho.

Ululahu Pita 1:24

Grioriso te blahi na ne cheke eghu, “Naikno te gnafare jateula buburu eghu kolho, eghuteuna nodi nafnaknore jateula chechenge gaju eghu kolho. Te lehe buburu na, chechenge ginauna na brusu.

Ululahu Jone 2:17

Nauthoglu igne na ginauna hui. Eghuteuna gobigna lepo te magnahaghedi naikno ka nauthoglu igne na hui. Nu ihei te eni unha te magnahagheni God na karha tifa tifa.